តំណាងរាស្ត្រខ្មែរ-អូស្ត្រាលី លោក ហុង លីម គ្រោងសុំទោសពលរដ្ឋខ្មែរ
2016.08.19
តំណាងរាស្ត្រខ្មែរ-អូស្ត្រាលី ប្រចាំរដ្ឋវ៉ិកតូរីយ៉ា (Victoria) លោក ហុង លីម (ស្ដាំ) ផ្ដល់បទសម្ភាសន៍ដល់អាស៊ីសេរី តាមអ៊ីនធឺណិត (Internet) កាលពីថ្ងៃទី៣ សីហា ឆ្នាំ២០១៦។
Photo: RFA
តំណាងរាស្ត្រខ្មែរ-អូស្ត្រាលី ប្រចាំរដ្ឋវ៉ិកតូរីយ៉ា (Victoria) លោក ហុង លីម ដែលចាត់ទុករបបដឹកនាំដោយលោក ហ៊ុន សែន ជារបបតិរច្ឆាន កាលពីថ្ងៃទី១៨ ខែសីហា ប្រកាសថា លោកមានបំណងសុំទោសពលរដ្ឋខ្មែរទាំងអស់ចំពោះការខកខានមិនសូវបានយកចិត្តទុកដាក់អំពីទុក្ខវេទនារបស់ពលរដ្ឋខ្មែរកន្លងមក ដោយសារតែលោកជាប់រវល់គិតគូរអំពីការងារជាតំណាងរាស្ត្ររបស់លោកពេក។
លោក ហុង លីម៖ «ខ្ញុំមានមនោសញ្ចេតនា សឹងតែថាទទួលខុស យើងសឹងតែសុំទោសជាតិខ្មែរទាំងមូល គឺដោយសារខ្ញុំមិនបានធ្វើតាំងពីដើមមក ហើយធ្វើឲ្យខ្លាំងតាំងពីដើមមក ដោយសារខ្ញុំធ្វេសប្រហែស ហើយដោយសារតែខ្ញុំគិតគូរតែរឿងផ្ទាល់ខ្លួនរបស់ខ្ញុំក្នុងឋានៈជាសមាជិកសភាក្នុងរដ្ឋវ៉ិកតូរីយ៉ានេះ»។
លោកបន្តថា លោកនឹងមិនសុំទោសជាដាច់ខាតចំពោះការរិះគន់របស់លោកដែលហៅរបបដឹកនាំនៅកម្ពុជា ជារបបតិរច្ឆាននោះ។
នៅថ្ងៃសៅរ៍ ទី២០ ខែសីហា ចុងសប្ដាហ៍នេះ លោកគ្រោងនឹងបើកវេទិកាសាធារណៈមួយដើម្បីស្វែងរកលទ្ធភាពក្នុងការធ្វើសេចក្ដីសម្រេចដាក់សម្ពាធដល់កម្ពុជា ឲ្យគោរពសិទ្ធិសេរីភាពរបស់ពលរដ្ឋ និងជំរុញឲ្យរដ្ឋសភាអូស្ត្រាលី បិទទិដ្ឋាការមិនឲ្យលោក ហ៊ុន សែន និងមន្ត្រីកំពូលៗដែលរំលោភសិទ្ធិមនុស្សនៅកម្ពុជា ចូលប្រទេសអូស្ត្រាលី បាន។ លោករំពឹងថា វេទិកានោះនឹងមានមនុស្សរាប់រយនាក់ចូលរួម៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- ពលរដ្ឋនៅតំបន់បឹងតាមោក ចោទប្រកាន់អាជ្ញាធរខណ្ឌព្រែកព្នៅថា ប្រើអំពើហិង្សា
- វៀតណាមព្រមានថា ព្រែកជីកហ្វូណនតេជោអាចជួយសម្រួលវត្តមានយោធាចិនក្នុងទឹកដីកម្ពុជាកាន់តែជ្រៅ
- ពលរដ្ឋខ្មែរ-អូស្ត្រាលីម្នាក់ ដែលរិះគន់រដ្ឋាភិបាលកម្ពុជា រងការវាយដំពីជនមិនស្គាល់មុខមួយក្រុម ពេលទៅលេងស្រុកខ្មែរ
- ក្រសួងដែនដីបានហៅអតិថិជនបុរីពិភពថ្មីទៅពិភាក្សា ដើម្បីរកដំណោះស្រាយ
- ការប្រារព្ធពិធីបុណ្យចូលឆ្នាំថ្មី នៅតាមតំបន់មួយចំនួននៅស្រុកសុរិន្ទ
អត្ថបទពេញនិយម
នយោបាយ
- អាជ្ញាធរក្រុងភ្នំពេញមិនអនុញ្ញាតឱ្យបក្សកម្លាំងជាតិធ្វើបាតុកម្ម នៅទីលានប្រជាធិបតេយ្យ
- មន្ត្រីរដ្ឋាភិបាលអះអាងថា ការជីកព្រែកហ្វូណនជាសិទ្ធិអធិបតេយ្យរបស់កម្ពុជា គ្មានការចាំបាច់បំភ្លឺគ្រប់រឿងដល់វៀតណាមទេ
- លោក ហ៊ុន ម៉ាណែត ថ្លែងការពារគម្រោងព្រែកជីកហ្វូណនតេជោ ក្រោយពេលវៀតណាមរិះគន់
- តើកម្ពុជាអាចជម្នះសាងសង់ព្រែកជីកហ្វូណនតេជោបានដែរឬទេ?
- លោក ហ៊ុន សែន បដិសេធការចោទរបស់វៀតណាម ដែលថា ព្រែកជីកហ្វូណនសម្រាប់សម្រួលវត្តមានយោធាចិន