លោក ហ៊ីង ប៊ុនហៀង ប្រកាស​ជា​ថ្មី​ប្រឆាំង​ដាច់ខាត​មិន​ឱ្យ​មាន​បដិវត្តន៍​ពណ៌​នៅ​កម្ពុជា

ដោយ ម៉ៅ សុធានី
2018-06-13
អ៊ីម៉ែល
មតិ
Share
បោះពុម្ព
អគ្គបញ្ជាការ​រង​នៃ​ទីបញ្ជាការដ្ឋាន​កង​អង្គរក្ស នាយ​ឧត្តមសេនីយ៍ ហ៊ីង ប៊ុនហៀង ថ្លែង​ក្នុង​ពិធី​ខួប​ឆ្នាំ​ទី​៨ នៃ​ប្រកាស​បង្កើត​ទីបញ្ជាការដ្ឋាន​អង្គរក្ស នៅ​ក្រុង​តាខ្មៅ ខេត្ត​កណ្ដាល កាល​ពី​ថ្ងៃ​ទី​៤ ខែ​កញ្ញា ឆ្នាំ​២០១៦។
អគ្គបញ្ជាការ​រង​នៃ​ទីបញ្ជាការដ្ឋាន​កង​អង្គរក្ស នាយ​ឧត្តមសេនីយ៍ ហ៊ីង ប៊ុនហៀង ថ្លែង​ក្នុង​ពិធី​ខួប​ឆ្នាំ​ទី​៨ នៃ​ប្រកាស​បង្កើត​ទីបញ្ជាការដ្ឋាន​អង្គរក្ស នៅ​ក្រុង​តាខ្មៅ ខេត្ត​កណ្ដាល កាល​ពី​ថ្ងៃ​ទី​៤ ខែ​កញ្ញា ឆ្នាំ​២០១៦។
RFA

លោក ហ៊ីង ប៊ុនហៀង នៅ​ថ្ងៃ​ពុធ​ទី១៣ ខែ​មិថុនា បាន​ប្រកាស​ជាថ្មី ប្រឆាំង​ដាច់ខាត​មិន​ឱ្យ​មាន​កើតឡើង​បដិវត្តន៍​ពណ៌​នៅ​កម្ពុជា និង​ការ​ពារ​ជាតិ សាសនា ព្រះមហាក្សត្រ និង​របប​ដឹកនាំ​របស់​លោក ហ៊ុន សែន។

លោក ហ៊ីង ប៊ុនហៀង បាន​ថ្លែងប្រាប់​អ្នកចូលរួម​ក្នុង​ពិធី​មួយ​នៅ​ខេត្ត​កណ្ដាល នៅ​ថ្ងៃ​ពុធ ទី​១៣ ខែ​មិថុនា​ថា លោក​ប្រឆាំង​ដាច់ខាត​រាល់​ការ​ញុះញង់ របស់​ជន​អគតិ​មួយ​ចំនួន ដែល​ប៉ះពាល់​ដល់​ដំណើរការ​បោះឆ្នោត ប្រជាធិបតេយ្យ​នៅ​កម្ពុជា ត្រូវ​រក្សា​ការពារ​តម្លៃ​សុខ​សន្តិភាព និង​ដំណើរការ​អភិវឌ្ឍ​ប្រទេស ដែល​មាន​នា​បច្ចុប្បន្ន​នេះ ឱ្យ​បាន​ដាច់ខាត ទោះបី​ក្នុង​តម្លៃ​ណា​ក៏​ដោយ។ បន្ថែម​ពី​នេះ លោក​ត្រូវ​ប្រឆាំង​ដាច់ខាត​នូវ​រាល់​សកម្មភាព​បដិវត្ត​ពណ៌​មក​ពី​បរទេស មក​សាប​ព្រួស​នៅ​កម្ពុជា ព្រមទាំង​ចូលរួម​ថែរក្សា​សមិទ្ធផល​នានា ក្នុង​សង្គមជាតិ និង​សេចក្ដី​សុខ របស់​ប្រជាពលរដ្ឋ។មេបញ្ជាការ​នៃ​កង​អង្គរក្ស​របស់​លោក ហ៊ុន សែន រូប​នេះ បាន​បញ្ជាក់​ថា ដំណើរការ​បោះឆ្នោត​សកល​អាណត្តិ​ទី​៦ នៅ​ថ្ងៃ​ទី​២៩ ខែ​កក្កដា ឆ្នាំ​២០១៨ នឹង​ប្រព្រឹត្ត​ទៅ​តាម​ប្រក្រតិទិន​របស់ (..) ដោយ​មិន​មាន​ការ​ពន្យារ​ពេលនោះ​ទេ។

នៅ​ទន្ទឹម​នេះ​ដែរ លោក​ក៏​បាន​អំពាវនាវ​ដល់​ប្រជាពលរដ្ឋ កុំ​ជឿ​តាម​ការឃោសនា​របស់​ជន​អគតិ​មួយ​ចំនួន និង​ទៅ​ចូលរួម​បោះឆ្នោត ជូន​គណបក្ស​ប្រជាជន​កម្ពុជា ឱ្យ​បាន​គ្រប់ៗ​គ្នា ដើម្បី​ឲ្យ​លោក ហ៊ុន សែន ដឹកនាំ​ប្រទេស​តទៅទៀត៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (1)
Share

Ge.Hing B. Hieng warning to comrade Hun Sen...stop label or paints ass to others....

Ge. Hing B. Heang sending a message clearly to Comrade Hun Sen time to determinate this fascist regime to avoid the world economic sanctions to hurt more khmers people's suffering,and avoid the world frozen assets and families abroad.Otherwise,Ge.Hing B.Hieng wants all khmer people please don't go out to vote or no support this unofficial election or unofficial government"outlaw govm't",just do whatever u want to do in normally life...don't care or fear anything at all...all military units are sided with people and protect all pple from the harm way and god bless to all khmer pple and peace.

Jun 15, 2018 11:15 AM

គេហទំព័រ​ទាំងមូល