គណបក្សភ្លើងទៀនថ្កោលទោសការផ្ដន្ទាទោសកញ្ញា សេង ធារី និងសកម្មជននយោបាយជាង ៦០នាក់
2022.06.15
សមត្ថកិច្ចក្រុងភ្នំពេញចាប់ពង្រត់កញ្ញា សេង ធារី រុញបញ្ចូលក្នុងរថយន្តដឹកទៅកាន់ពន្ធនាគារយ៉ាងតក់ក្រហល់កាលពីព្រឹកថ្ងៃទី១៤ ខែមិថុនា ឆ្នាំ២០២២។
រូប៖ ពលរដ្ឋផ្ដល់ឲ្យ
គណបក្សភ្លើងទៀន នៅថ្ងៃទី១៥ ខែមិថុនា បានចេញសេចក្តីថ្លែងការណ៍បង្ហាញពីភាពអយុត្តិធម៌ បន្ទាប់ពីសាលាដំបូងរាជធានីភ្នំពេញ បានប្រកាសសាលក្រមផ្តន្ទាទោស អ្នកនយោបាយ និងសកម្មជនសិទ្ធិមនុស្ស ៦១ នាក់ ឱ្យជាប់ពន្ធនាគារ ៥ឆ្នាំ ខ្លះ ៦ឆ្នាំ និងខ្លះទៀត ៨ឆ្នាំ។
គណបក្សភ្លើងទៀន បានចាត់ទុកការចាប់ខ្លួន និងការឃុំខ្លួនសកម្មជននយោបាយ និងសកម្មជនសិទ្ធិមនុស្ស គឺការរំលោភសិទ្ធិមនុស្សធ្ងន់ធ្ងរ និងសិទ្ធិពលរដ្ឋ ដែលមានចែងក្នុងរដ្ឋធម្មនុញ្ញ និងកតិកាសញ្ញាអន្តរជាតិ ស្តីពីសិទ្ធិពលរដ្ឋ និងសិទ្ធិនយោបាយ។
វិទ្យុអាស៊ីសេរីមិនទាន់អាចទាក់ទងសុំការអធិប្បាយបន្ថែម ពីអ្នកនាំពាក្យគណបក្សភ្លើងទៀនលោក ថាច់ សេដ្ឋា បាននៅឡើយទេ នៅថ្ងៃទី១៥ ខែមិថុនា។
ជុំវិញរឿងនេះ ប្រធានអង្គភាពអ្នកនាំពាក្យរដ្ឋាភិបាលលោក ផៃ ស៊ីផាន ប្រាប់វិទ្យុអាស៊ីសេរីថា សំណុំរឿងទាំងនេះ ឋិតនៅក្នុងនីតិវិធីរបស់តុលាការ គួរតែស្វែងរកដំណោះស្រាយតាមដំណើរការយុត្តិធម៌ ផ្អែកតាមភស្តុតាងជាក់ស្តែង អង្គហេតុ និងអង្គច្បាប់។ លោកបញ្ជាក់ថា សេចក្តីថ្លែងការណ៍នេះ គ្រាន់តែជាទិដ្ឋភាពនយោបាយតែប៉ុណ្ណោះ ហើយលោកលើកទឹកចិត្តឱ្យសកម្មជននយោបាយ និងសកម្មជនសិទ្ធិមនុស្សទាំងនោះ គួរតែតតាំងក្តីនៅសាលាឧទ្ធរណ៍ ឬក៏តុលាការកំពូលប្រសើរជាង៖ «ខ្ញុំនៅតែលើកទឹកចិត្តឱ្យពួកគាត់តតាំងក្តីនៅសាលាឧទ្ធរណ៍ និងតុលាការកំពូល ជាជាងការបំពុលបរិយាកាសថា ហ្នឹងជារឿងនយោបាយ។ កាលណាយើងថា ជារឿងនយោបាយ ជាឧបសគ្គបង្អាក់ធ្វើឱ្យមនុស្សឈប់តតាំង ទៅតាមអ្វីដែលអនុញ្ញាតដោយប្រព័ន្ធយុត្តិធម៌»។
សេចក្តីថ្លែងការណ៍របស់គណបក្សភ្លើងទៀន បន្តអំពាវនាវឱ្យប្រមុខរដ្ឋាភិបាលដោះលែងកញ្ញា សេង ធារី និងអ្នកជាប់ឃុំនយោបាយទាំង ៦១នាក់ ឱ្យមានសេរីភាពឡើងវិញដោយគ្មានលក្ខខណ្ឌ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
រឿងដែលគេអានច្រើនបំផុត
RFA
- កម្ពុជាគួររក្សាភាពស្ងៀមស្ងាត់ និងបង្ហាញជំហរអព្យាក្រឹត្យក្នុងរឿងដំណើរទស្សនកិច្ចរបស់ប្រធានរដ្ឋសភាអាមេរិកទៅកោះតៃវ៉ាន់
- លោក ហ៊ុន សែន ប្រកាសគោលជំហរឱ្យកូនចៅលោកបន្តតំណែងនាយករដ្ឋមន្ត្រីតជំនាន់
- តំណាងសហគមន៍ខ្មែរ ជំរុញឲ្យអាជ្ញាធរអូស្ត្រាលី ស៊ើបអង្កេតប្រភពលុយរបស់លោក ហ៊ុន តូ
- ប្រជាពលរដ្ឋ និងសង្គមស៊ីវិលបារម្ភពីការឈូសឆាយព្រៃឈើនៅតំបន់ភ្នំតាម៉ៅ
- ជនរងគ្រោះឥណ្ឌូណេស៊ីរងការធ្វើទារុណកម្មនិងធ្វើការជាទម្ងន់នៅកម្ពុជា
រឿងដែលគេអានច្រើនបំផុត
នយោបាយ
- លោក ហ៊ុន សែន ទទួលស្គាល់ថា ការដោះស្រាយបញ្ហាភូមា ដែលលោកធ្វើជាប្រធានអាស៊ានគ្មានភាពជឿនលឿនទេ
- កិច្ចប្រជុំរដ្ឋមន្ត្រីការបរទេសអាស៊ាន ចាប់ផ្ដើមជជែកជាមួយប្រទេសដៃគូ និងប្រទេសមហាអំណាច
- លោក ហ៊ុន សែន បញ្ចុះបញ្ចូលឲ្យអាមេរិក និងអឺរ៉ុបពិចារណាឡើងវិញនូវទណ្ឌកម្មលើរុស្ស៊ីដែលឈ្លានពានអ៊ុយក្រែន
- អ្នកសង្កេតការណ៍ថា កិច្ចប្រជុំរដ្ឋមន្ត្រីការបរទេសអាស៊ាន អាចនឹងលើកឡើងពីបញ្ហាធ្លាក់ចុះនៃការគោរពសិទ្ធិមនុស្ស នៅកម្ពុជា និងក្នុងតំបន់
- កម្ពុជាបារម្ភពីភាពតានតឹងនៅច្រកសមុទ្រតៃវ៉ាន់ ខណៈបន្តបញ្ជាក់ជំហរគាំទ្រគោលនយោបាយចិនតែមួយ