មន្ត្រីជាន់ខ្ពស់ចិននឹងមកប្រជុំនៅកម្ពុជាពីថ្ងៃទី២៩-៣១ ធ្នូ
2014.12.24
ក្រសួងការបរទេសកម្ពុជា ប្រកាសឲ្យដឹងនៅថ្ងៃទី២៤ ធ្នូ ថា ទីប្រឹក្សារដ្ឋនៃសាធារណរដ្ឋប្រជាមានិតចិន លោក យ៉ាង ជាឈី (Yang Jiechi) នឹងដឹកនាំគណៈប្រតិភូមកចូលរួមកិច្ចប្រជុំលើកទី២ នៃគណៈកម្មាធិការសម្របសម្រួលអន្តររដ្ឋាភិបាលរវាងរាជរដ្ឋាភិបាលកម្ពុជា និងរដ្ឋាភិបាលនៃសាធារណរដ្ឋប្រជាមានិតចិន ពីថ្ងៃទី២៩ ដល់៣១ ខែធ្នូ ឆ្នាំ២០១៤។
សេចក្ដីជូនព័ត៌មានរបស់ក្រសួងការបរទេសកម្ពុជា ឲ្យដឹងដែរថា រដ្ឋមន្ត្រីក្រសួងការបរទេសកម្ពុជា លោក ហោ ណាំហុង និងលោក យ៉ាង ជាឈី នឹងធ្វើជាសហប្រធានកិច្ចប្រជុំលើកទី២ នៃគណៈកម្មាធិការនេះ។
សេចក្ដីជូនព័ត៌មានបញ្ជាក់ដែរថា នៅចុងបញ្ចប់នៃកិច្ចប្រជុំ នឹងមានការចុះហត្ថលេខាលើឯកសារចំនួន ៨ មានដូចជា កិច្ចព្រមព្រៀងស្ដីពីកិច្ចសហប្រតិបត្តិការសេដ្ឋកិច្ច និងបច្ចេកទេសសម្រាប់ជំនួយឥតសំណងចំនួន ៧០០លានយ័ន និងសម្រាប់កម្ចីឥតការប្រាក់ចំនួន ២០០លានយ័ន លិខិតប្ដូរសារស្ដីពីការផ្ដល់ម៉ាស៊ីនអេកូចំនួន ២០០គ្រឿង លិខិតប្ដូរសារស្ដីពីគម្រោងរៀបចំផែនការបណ្ដាញផ្លូវថ្នល់នៅកម្ពុជា លិខិតប្ដូរសារស្ដីពីគម្រោងកិច្ចសហប្រតិបត្តិការសេកកិច្ច និងបច្ចេកទេសសម្រាប់អគារមិត្តភាព លិខិតប្ដូរសារស្ដីពីគម្រោងសាងសង់អគារសន្តិសុខរបស់រដ្ឋាភិបាលកម្ពុជា ពិធីសារស្ដីពីកិច្ចសហប្រតិបត្តិការរវាងក្រសួង ការពារជាតិកម្ពុជា និងក្រសួងការពារជាតិចិន ព្រមទាំងកិច្ចព្រមព្រៀងស្ដីពីកិច្ចសហប្រតិបត្តិការលើវិស័យអប់រំរវាងក្រសួងអប់រំនៃប្រទេសទាំង២។
ក្រៅពីនេះ ក្នុងអំឡុងពេលស្នាក់នៅទីក្រុងភ្នំពេញ លោក យ៉ាង ជាឈី ក៏នឹងចូលបង្គំគាល់ព្រះករុណាព្រះបាទសម្ដេចព្រះបរមនាថ នរោត្តម សីហមុនី និងជួបជាមួយលោកនាយករដ្ឋមន្ត្រី ហ៊ុន សែន ផងដែរ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
រឿងដែលគេអានច្រើនបំផុត
RFA
- ធនាគារABA មិនព្រមបើកប្រាក់ជាង១ម៉ឺន ៥ពាន់ដុល្លារ ដែលឧបត្ថម្ភដល់បុគ្គលិកណាហ្គាវើលដ៍
- គណបក្សភ្លើងទៀនស្វាគមន៍វត្តមានលោក រ៉ុង ឈុន អតីតមន្ត្រីជាន់ខ្ពស់ គ.ជ.ប ដែលហក់មកចូលរួមជីវភាពជាមួយគណបក្សនេះ
- ថៃយល់ព្រមឱ្យកម្ពុជាប្រើពាក្យ «គុនខ្មែរ» ក្នុងព្រឹត្តិការណ៍ស៊ីហ្គេម២០២៣
- «ករណីឧកញ៉ា សៀង ចាន់ហេង ប្រគល់ដីឲ្យប្អូនស្រីនាយករដ្ឋមន្ត្រីបង្ហាញថា អ្នកធំតែងឈ្នះ»
- អាមេរិក ផ្តល់ពានរង្វាន់អ្នកការពារសិទ្ធិមនុស្សសកលប្រចាំឆ្នាំឲ្យកញ្ញា ឈឹម ស៊ីថរ
រឿងដែលគេអានច្រើនបំផុត
នយោបាយ
- លោក ហ៊ុន សែន បន្តប្រកាសថា នឹងការពារមិនឱ្យមានរដ្ឋប្រហារ ដើម្បីអភិវឌ្ឍប្រទេសឱ្យរីកចំរើន
- អ្នកវិភាគថា លោក ហ៊ុន ម៉ាណែត បកស្រាយបំភ្លៃច្បាប់បោះឆ្នោតជ្រើសតាំងតំណាងរាស្ត្រ
- អ្នកឃ្លាំមើលថា គណបក្សប្រជាជនកម្ពុជាពុំបានប្រកាន់ជំហរគោលនយោបាយបរទេសឯករាជ្យ
- គណបក្សភ្លើងទៀនចាប់ផ្ដើមយុទ្ធនាការពង្រឹងសមាជិកបក្សតាមមូលដ្ឋាន ដើម្បីទទួលបានការគាំទ្រពីប្រជាពលរដ្ឋ
- បក្សកាន់អំណាចចាប់ផ្ដើមធ្វើមហាសន្និបាតដាក់ផែនការរកការគាំទ្រពីពលរដ្ឋសម្រាប់ការបោះឆ្នោតខាងមុខ