មន្ត្រីបក្សប្រឆាំងនឹងចូលរួមប្រជុំគណៈកម្មការទី២នៃរដ្ឋសភានៅថ្ងៃទី២៨ កក្កដា
2016.07.27
អ្នកនាំពាក្យគណបក្សសង្គ្រោះជាតិ លោក យ៉ែម បុញ្ញឫទ្ធិ ថ្លែងក្នុងសន្និសីទកាសែតនាវិមានរដ្ឋសភា ក្រោយជំនួបបក្សទាំង២ កាលពីថ្ងៃទី១៩ ខែកុម្ភៈ ឆ្នាំ២០១៦។
RFA/Brach Chev
មន្ត្រីជាន់ខ្ពស់គណបក្សប្រឆាំង លោក យ៉ែម បុញ្ញឫទ្ធិ ថ្លែងថា មន្ត្រីគណបក្សប្រឆាំងនឹងទៅចូលរួមប្រជុំគណៈកម្មការទី២ នៃរដ្ឋសភា គឺគណៈកម្មការសេដ្ឋកិច្ច ហិរញ្ញវត្ថុ ធនាគារ និងសវនកម្ម នៅថ្ងៃទី២៨ ខែកក្កដា ដើម្បីធ្វើសវនាការជាមួយក្រុមការងារបច្ចេកទេសរបស់សហភាពអឺរ៉ុប និងធ្វើការវាយតម្លៃលក្ខណៈវិនិច្ឆ័យដែលទទួលយកប្រាក់ជំនួយសម្រាប់ថវិកាឆ្នាំ២០១៦។
លោក យ៉ែម បុញ្ញឫទ្ធិ ថ្លែងប្រាប់អ្នកសារព័ត៌មាន និងអ្នកគាំទ្ររបស់ខ្លួននៅទីស្នាក់ការកណ្ដាលគណបក្សសង្គ្រោះជាតិ នៅថ្ងៃទី២៧ ខែកក្កដា ថា សមាជិកគណបក្សប្រឆាំងដែលជាសមាជិកគណៈកម្មការទី២ ចូលរួមកិច្ចប្រជុំនេះ ដើម្បីតស៊ូមតិលើការពិភាក្សាគ្នាអំពីជំនួយរបស់សហគមន៍អឺរ៉ុប និងជំនួយផ្សេងៗទៀត ដើម្បីគ្រប់គ្រងថវិកាជាតិឲ្យមានតម្លាភាព៖ «ចូលរួមប្រជុំគណៈកម្មការទី២ នៅរដ្ឋសភាម៉ោង ៨កន្លះស្អែក ដើម្បីចូលរួមតស៊ូមតិលើប្រាក់ជំនួយទាំងអស់ មានជំនួយឥតសំណង និងជំនួយឥណទានផ្សេងៗ ដើម្បីចូលរួមអភិវឌ្ឍន៍ប្រទេសជាតិ»។
គណៈកម្មការទី២នៃរដ្ឋសភា គឺមានលោក ជាម យៀប មកពីគណបក្សប្រជាជនកម្ពុជា ជាប្រធាន និងលោក សុន ឆ័យ មកពីគណបក្សសង្គ្រោះជាតិ ជាអនុប្រធាន។
នេះជាលើកទីពីរហើយ ដែលមន្ត្រីជាន់ខ្ពស់គណបក្សសង្គ្រោះជាតិ និងជាតំណាងរាស្ត្របានចូលរួមប្រជុំគណៈកម្មការជំនាញនៃរដ្ឋសភា។ កាលពីថ្ងៃទី១៨ ខែកក្កដា តំណាងរាស្ត្រគណបក្សសង្គ្រោះជាតិ ដែលជាសមាជិកគណៈកម្មាធិការអចិន្ត្រៃយ៍ បានចូលរួមប្រជុំគណៈកម្មការអចិន្ត្រៃយ៍នៃរដ្ឋសភាស្ដីពីការដកអភ័យឯកសិទ្ធិតំណាងរាស្ត្របក្សប្រឆាំងពីររួបមិនបានសម្រេច។
ការចូលរួមប្រជុំរបស់តំណាងរាស្ត្រគណបក្សប្រឆាំងនេះ នៅបន្ទាប់ពីគណបក្សនេះ បានប្រកាសផ្អាកមិនចូលរួមប្រជុំរដ្ឋសភា ក្រោយពីតំណាងរាស្ត្របក្សប្រជាជនកម្ពុជា បានបើកផ្លូវឲ្យតុលាការបន្តនីតិវិធីស៊ើបអង្កេតលើករណី លោក កឹម សុខា ទាក់ទងនឹងរឿងសញ្ចារកម្ម៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- ពលរដ្ឋនៅតំបន់បឹងតាមោក ចោទប្រកាន់អាជ្ញាធរខណ្ឌព្រែកព្នៅថា ប្រើអំពើហិង្សា
- វៀតណាមព្រមានថា ព្រែកជីកហ្វូណនតេជោអាចជួយសម្រួលវត្តមានយោធាចិនក្នុងទឹកដីកម្ពុជាកាន់តែជ្រៅ
- ពលរដ្ឋខ្មែរ-អូស្ត្រាលីម្នាក់ ដែលរិះគន់រដ្ឋាភិបាលកម្ពុជា រងការវាយដំពីជនមិនស្គាល់មុខមួយក្រុម ពេលទៅលេងស្រុកខ្មែរ
- ក្រសួងដែនដីបានហៅអតិថិជនបុរីពិភពថ្មីទៅពិភាក្សា ដើម្បីរកដំណោះស្រាយ
- ការប្រារព្ធពិធីបុណ្យចូលឆ្នាំថ្មី នៅតាមតំបន់មួយចំនួននៅស្រុកសុរិន្ទ
អត្ថបទពេញនិយម
នយោបាយ
- អាជ្ញាធរក្រុងភ្នំពេញមិនអនុញ្ញាតឱ្យបក្សកម្លាំងជាតិធ្វើបាតុកម្ម នៅទីលានប្រជាធិបតេយ្យ
- មន្ត្រីរដ្ឋាភិបាលអះអាងថា ការជីកព្រែកហ្វូណនជាសិទ្ធិអធិបតេយ្យរបស់កម្ពុជា គ្មានការចាំបាច់បំភ្លឺគ្រប់រឿងដល់វៀតណាមទេ
- លោក ហ៊ុន ម៉ាណែត ថ្លែងការពារគម្រោងព្រែកជីកហ្វូណនតេជោ ក្រោយពេលវៀតណាមរិះគន់
- តើកម្ពុជាអាចជម្នះសាងសង់ព្រែកជីកហ្វូណនតេជោបានដែរឬទេ?
- លោក ហ៊ុន សែន បដិសេធការចោទរបស់វៀតណាម ដែលថា ព្រែកជីកហ្វូណនសម្រាប់សម្រួលវត្តមានយោធាចិន