គណៈកម្មការទី៧នៃរដ្ឋសភានឹងសាកសួររដ្ឋមន្ត្រីក្រសួងធម្មការនៅរសៀលថ្ងៃទី១០ ខែមករា
2016.12.23
រដ្ឋមន្ត្រីក្រសួងធម្មការ និងសាសនា លោក ហ៊ឹម ឆែម (កណ្ដាល) និងមន្ត្រីអ្នកមុខអ្នកការមួយចំនួនទៀត នាំគ្នាដង្ហែព្រះសារីរិកធាតុយកទៅតម្កល់នៅភ្នំព្រះរាជទ្រព្យ ឬហៅឧត្តុង្គ ក្នុងខេត្តកណ្ដាល កាលពីព្រឹកថ្ងៃទី២០ ខែឧសភា ឆ្នាំ២០១៦។
RFA/Phann Yasy
គណៈកម្មការទី៧ នៃរដ្ឋសភា នឹងសាកសួររដ្ឋមន្ត្រីក្រសួងធម្មការ និងសាសនា នៅរសៀលថ្ងៃ ទី១០ ខែមករា ឆ្នាំ២០១៧ ខាងមុខ។
លិខិតអញ្ជើញមួយចេញដោយលោក យ៉ែម បុញ្ញឫទ្ធិ ប្រធានគណៈកម្មការអប់រំ យុវជន កីឡា ធម្មការ កិច្ចការសាសនា វប្បធម៌ និងទេសចរណ៍ នៃរដ្ឋសភា កាលពីថ្ងៃទី២២ ខែធ្នូ បញ្ជាក់ថា គណៈកម្មការនេះនឹងស្ដាប់ការបំភ្លឺរបស់រដ្ឋមន្ត្រីក្រសួងធម្មការ និងសាសនា គឺលោក ហ៊ឹម ឆែម និងសហការី។
លិខិតដែលអញ្ជើញសមាជិក សមាជិកាគណៈកម្មការទី៧នេះបញ្ជាក់ថា តំណាងមកពីក្រសួងធម្មការ និងសាសនា នឹងទៅបំភ្លឺនៅសភា ពាក់ព័ន្ធនឹងវិទ្យាស្ថានពុទ្ធសាសនបណ្ឌិត្យ ពុទ្ធិកសកលវិទ្យាល័យ និងសហលក្ខន្តិកៈមន្ត្រីសង្ឃ។
បើទោះជាមានលិខិតអញ្ជើញយ៉ាងនេះក្ដី នៅក្នុងលិខិតដែលចេញដោយអគ្គលេខាធិការដ្ឋានក្រុមប្រឹក្សាអ្នកច្បាប់បានជូនដំណឹងទៅអគ្គលេខាធិការដ្ឋានរដ្ឋសភាលើកឡើងថា ទីស្ដីការគណៈរដ្ឋមន្ត្រីបានទទួលសំណើរបស់អ្នកតំណាងរាស្ត្ររួចហើយ និងកំពុងចាត់ចែងតាមនីតិវិធី។
កាលពីថ្ងៃទី១៣ ខែធ្នូ ប្រធានរដ្ឋសភា លោក ហេង សំរិន បានចារបញ្ជូនលិខិតរបស់ប្រធានគណៈកម្មការទី៧ លោក យ៉ែម បុញ្ញឫទ្ធិ ទៅទីស្ដីការគណៈរដ្ឋមន្ត្រី ចំពោះសំណើសុំរដ្ឋមន្ត្រីក្រសួងធម្មការ និងសាសនា អោយចូលទៅបំភ្លឺ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- វៀតណាមព្រមានថា ព្រែកជីកហ្វូណនតេជោអាចជួយសម្រួលវត្តមានយោធាចិនក្នុងទឹកដីកម្ពុជាកាន់តែជ្រៅ
- ពលរដ្ឋនៅតំបន់បឹងតាមោក ចោទប្រកាន់អាជ្ញាធរខណ្ឌព្រែកព្នៅថា ប្រើអំពើហិង្សា
- អាជ្ញាធរក្រុងភ្នំពេញមិនអនុញ្ញាតឱ្យបក្សកម្លាំងជាតិធ្វើបាតុកម្ម នៅទីលានប្រជាធិបតេយ្យ
- ក្រសួងដែនដីបានហៅអតិថិជនបុរីពិភពថ្មីទៅពិភាក្សា ដើម្បីរកដំណោះស្រាយ
- ពលរដ្ឋខ្មែរ-អូស្ត្រាលីម្នាក់ ដែលរិះគន់រដ្ឋាភិបាលកម្ពុជា រងការវាយដំពីជនមិនស្គាល់មុខមួយក្រុម ពេលទៅលេងស្រុកខ្មែរ
អត្ថបទពេញនិយម
នយោបាយ
- លោក ហ៊ុន សែន បដិសេធការចោទរបស់វៀតណាម ដែលថា ព្រែកជីកហ្វូណនសម្រាប់សម្រួលវត្តមានយោធាចិន
- លោក ហ៊ុន ម៉ាណែត ថ្លែងការពារគម្រោងព្រែកជីកហ្វូណនតេជោ ក្រោយពេលវៀតណាមរិះគន់
- មន្ត្រីរដ្ឋាភិបាលអះអាងថា ការជីកព្រែកហ្វូណនជាសិទ្ធិអធិបតេយ្យរបស់កម្ពុជា គ្មានការចាំបាច់បំភ្លឺគ្រប់រឿងដល់វៀតណាមទេ
- លោក ហ៊ុន សែន ស្នើជួបមេដឹកនាំរដ្ឋប្រហារយោធាភូមាភ្លាមៗក្រោយឡើងតំណែងជាប្រធានព្រឹទ្ធសភា
- ពលរដ្ឋខ្មែរនៅក្រៅប្រទេសចង់ឃើញលោក ហ៊ុន ម៉ាណែត បង្រួបបង្រួមជាតិឡើងវិញក្នុងឱកាសចូលឆ្នាំខ្មែរ