សង្គមស៊ីវិលប្រតិកម្មទៅនឹងគ.ជ.បដែលថាមិនបារម្ភពីការថយចុះនៃអ្នកបោះឆ្នោត
2017.12.14
នាយិកាប្រតិបត្តិអង្គការសីលការ អ្នកស្រី ធីតា ឃិះ ថ្លែងក្នុងសិក្ខាសាលាពិគ្រោះយោបល់អំពីថវិកា ឆ្លើយតបនឹងយេនឌ័រនៅថ្នាក់ក្រោមជាតិ នៅថ្ងៃទី២១ ខែមេសា ឆ្នាំ២០១៧។ RFA
Photo: RFA
អ្នកតាមដានការបោះឆ្នោតអះអាងថា ការបោះឆ្នោតជាតិ នៅឆ្នាំ២០១៨ ខាងមុខនេះ អ្នកបោះឆ្នោតភាគច្រើន ពិសេសអ្នកគាំទ្រគណបក្សសង្គ្រោះជាតិ អាចនឹងមិនទៅបោះឆ្នោត។
នាយិកាប្រតិបត្តិនៃអង្គការសីលការ អ្នកស្រី ធីតា ឃិះ បញ្ជាក់ថា មូលហេតុដែលពលរដ្ឋជាច្រើននឹងមិនទៅចូលរួមបោះឆ្នោតជាតិ នៅខែកក្កដា ឆ្នាំ២០១៨ ខាងមុខ ដោយសារយល់ឃើញថា សន្លឹកឆ្នោតរបស់ពួកគេពុំមានសារសំខាន់អ្វីទាល់តែសោះ។
អ្នកតាមដានការបោះឆ្នោតអះអាងថា ការបោះឆ្នោតជាតិ នៅឆ្នាំ២០១៨ ខាងមុខនេះ អ្នកបោះឆ្នោតភាគច្រើន ពិសេសអ្នកគាំទ្រគណបក្សសង្គ្រោះជាតិ អាចនឹងមិនទៅបោះឆ្នោត។
នាយិកាប្រតិបត្តិនៃអង្គការសីលការ អ្នកស្រី ធីតា ឃិះ បញ្ជាក់ថា មូលហេតុដែលពលរដ្ឋជាច្រើននឹងមិនទៅចូលរួមបោះឆ្នោតជាតិ នៅខែកក្កដា ឆ្នាំ២០១៨ ខាងមុខ ដោយសារយល់ឃើញថា សន្លឹកឆ្នោតរបស់ពួកគេពុំមានសារសំខាន់អ្វីទាល់តែសោះ។
ការលើកឡើងរបស់អ្នកស្រី ធីតា ឃិះ នេះ ធ្វើឡើងបន្ទាប់ពីអគ្គនាយករងនៃគណៈកម្មាធិការជាតិ រៀបចំការបោះឆ្នោត គ.ជ.ប លោក សោម សូរីដា បានប្រាប់ប្រព័ន្ធផ្សព្វផ្សាយរបស់លោក ហ៊ុន សែន ថា គ.ជ.ប មិនមានការព្រួយបារម្ភអំពីការថយចុះនៃចំនួនអ្នកទៅចូលរួមបោះឆ្នោតនៅឆ្នាំក្រោយឡើយ ដោយសារនេះគឺជាសិទ្ធិរបស់ពលរដ្ឋម្នាក់ៗ ដែលមិនមែនជាកាតព្វកិច្ចនោះទេ។
អ្នកស្រី ធីតា ឃិះ បញ្ជាក់ថា ស្ថានការណ៍នយោបាយបច្ចុប្បន្ននៅកម្ពុជានេះ ជំរុញឲ្យពលរដ្ឋម្ចាស់ឆ្នោតមានការខកចិត្តយ៉ាងខ្លាំង ហើយក៏មិនចង់ចូលរួមការបោះឆ្នោតនៅឆ្នាំក្រោយ៖ «ខ្ញុំតែងលឺតំណាង គ.ជ.ប និយាយពីមុនថា ប្រសិនបើពលរដ្ឋម្ចាស់ឆ្នោតមិនចូលរួម នោះការបោះឆ្នោតរបស់យើងគឺពិតជាមានបញ្ហាហើយ។ ប៉ុន្តែឥឡូវគាត់ថា មិនមានការព្រួយបារម្ភទេ នេះជារឿងមួយដែលនិយាយផ្ទុយពីមុន។ ចំពោះពលរដ្ឋដែលមិនចូលរួម ព្រោះគាត់គិតថា ការបោះឆ្នោតវាអត់មានតម្លៃគេយកទៅដោះដូរតាមចិត្ត ម្ល៉ោះហើយវាមិនមានសារសំខាន់ អ៊ីចឹងហើយ ពលរដ្ឋខកចិត្តក៏មិនចង់ទៅចូលរួមការបោះឆ្នោត...»។
លោក សោម សូរីដា ក៏បានបញ្ជាក់ដែរថា៖ «ចំនួនអ្នកទៅចូលរួមបោះឆ្នោតច្រើន ឬតិច មិនសំខាន់នោះទេ សំខាន់គឺ គ.ជ.ប បានអនុវត្តដំណើរការរៀបចំការបោះឆ្នោតប្រកបដោយភាពត្រឹមត្រូវ យុត្តិធម៌ និងមានតម្លាភាព»។
ទោះជាមានការអះអាងរបស់មន្ត្រីជាន់ខ្ពស់ គ.ជ.ប បែបនេះក៏ដោយ ក៏សហរដ្ឋអាមេរិក និងសហភាពអឺរ៉ុប បានដកសេចក្ដីទុកចិត្តទាំងស្រុងពី គ.ជ.ប ដោយបានប្រកាសបញ្ឈប់ផ្ដល់ថវិកាសម្រាប់ការរៀបចំការបោះឆ្នោតជាតិ នៅឆ្នាំ២០១៨ ខាងមុខ។ បន្ថែមពីនេះ សហរដ្ឋអាមេរិក និងសហភាពអឺរ៉ុប ក៏បានប្រកាសថា ពួកគេនឹងមិនទទួលស្គាល់លទ្ធផលនៃការបោះឆ្នោតជាតិ នៅឆ្នាំ២០១៨ ខាងមុខ ដោយសារពុំមានការចូលរួមពីគណបក្សសង្គ្រោះជាតិ ពីព្រោះការបោះឆ្នោតនោះ គឺមិនសេរី ត្រឹមត្រូវ និងយុត្តិធម៌ នោះឡើយ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- ពលរដ្ឋនៅតំបន់បឹងតាមោក ចោទប្រកាន់អាជ្ញាធរខណ្ឌព្រែកព្នៅថា ប្រើអំពើហិង្សា
- វៀតណាមព្រមានថា ព្រែកជីកហ្វូណនតេជោអាចជួយសម្រួលវត្តមានយោធាចិនក្នុងទឹកដីកម្ពុជាកាន់តែជ្រៅ
- ពលរដ្ឋខ្មែរ-អូស្ត្រាលីម្នាក់ ដែលរិះគន់រដ្ឋាភិបាលកម្ពុជា រងការវាយដំពីជនមិនស្គាល់មុខមួយក្រុម ពេលទៅលេងស្រុកខ្មែរ
- ក្រសួងដែនដីបានហៅអតិថិជនបុរីពិភពថ្មីទៅពិភាក្សា ដើម្បីរកដំណោះស្រាយ
- ការប្រារព្ធពិធីបុណ្យចូលឆ្នាំថ្មី នៅតាមតំបន់មួយចំនួននៅស្រុកសុរិន្ទ
អត្ថបទពេញនិយម
នយោបាយ
- អាជ្ញាធរក្រុងភ្នំពេញមិនអនុញ្ញាតឱ្យបក្សកម្លាំងជាតិធ្វើបាតុកម្ម នៅទីលានប្រជាធិបតេយ្យ
- មន្ត្រីរដ្ឋាភិបាលអះអាងថា ការជីកព្រែកហ្វូណនជាសិទ្ធិអធិបតេយ្យរបស់កម្ពុជា គ្មានការចាំបាច់បំភ្លឺគ្រប់រឿងដល់វៀតណាមទេ
- លោក ហ៊ុន ម៉ាណែត ថ្លែងការពារគម្រោងព្រែកជីកហ្វូណនតេជោ ក្រោយពេលវៀតណាមរិះគន់
- តើកម្ពុជាអាចជម្នះសាងសង់ព្រែកជីកហ្វូណនតេជោបានដែរឬទេ?
- លោក ហ៊ុន សែន បដិសេធការចោទរបស់វៀតណាម ដែលថា ព្រែកជីកហ្វូណនសម្រាប់សម្រួលវត្តមានយោធាចិន