លោក សុខ ឥសាន សុំទោសខ្មែរក្រោម ធ្វើដោយប្រយោល និងគ្មានការទទួលខុសត្រូវ
2024.07.24
មន្ត្រីនាំពាក្យគណបក្សប្រជាជនកម្ពុជា លោក សុខ ឥសាន ក្នុងកម្មវិធីវេទិកាអ្នកស្ដាប់វិទ្យុអាស៊ីសេរី កាលពីថ្ងៃទី៦ ខែកញ្ញា ឆ្នាំ២០១៦។
RFA File
អ្នកប្រើប្រាស់បណ្តាញសង្គមនៅតែបន្តបង្ហោះសារផ្តោតទៅលើខ្មែរកម្ពុជាក្រោម ជាពិសេសពួកគាត់រិះគន់អ្នកនាំពាក្យគណបក្សប្រជាជនកម្ពុជា គឺលោក សុខ ឥសាន តែងម្តង ក្រោយពីលោកនិយាយថា៖ ខ្មែរក្រោម គឺជា«ជនជាតិវៀតណាម» មិនមែន «ជនជាតិខ្មែរ»។
ទោះបីជាលោក សុខ ឥសាន ព្រមសុំទោសជាសាធារណៈលើបណ្ដាញសង្គមលើអ្វីដែលលោកបាននិយាយ។
ប៉ុន្តែអ្នកប្រើប្រាស់បណ្ដាញសង្គមមួយចំនួនយល់ថា ការសុំទោសនេះ ធ្វើឡើងដើម្បីបង្គ្រប់កិច្ច នូវអ្វីដែលលោកបាននិយាយទាំងបំពានច្បាប់ និងការពិត អំពីខ្មែរកម្ពុជាក្រោម។
អ្នកប្រើប្រាស់បណ្ដាញសង្គមជាច្រើនយល់ឃើញថា ការថ្លែងរបស់ សុខ ឥសាន អ្នកនាំពាក្យគណបក្សប្រជាជនកម្ពុជា អំពីខ្មែរក្រោមនេះ សបញ្ជាក់ថា រដ្ឋាភិបាលកម្ពុជា ពុំបានយកចិត្តទុកដាក់ដល់សុខទុក្ខរបស់ពលរដ្ឋខ្មែរក្រោម ដែលគ្រប់គ្រងដោយវៀតណាមនោះទេ។
ម្ចាស់គណនីហ្វេសប៊ុកដែលដាក់ឈ្មោះថា ផៅ សុចាន់ យល់ឃើញថា ការសុំទោសរបស់ សុខ ឥសាន នេះមិនមែនជាការសុំទោសដោយសុទ្ធចិត្តនោះទេ គ្រាន់តែសុំទោសដោយប្រយោលប៉ុណ្ណោះ...!!
អ្នកប្រើប្រាស់បណ្ដាញសង្គម មួយទៀត មានដែលដាក់ឈ្មោះថា ស្រុកសម្តេច (Srok Samdach) ក៏បានបញ្ចេញមតិជុំវិញរឿងនេះដែរថា។
គួរឱ្យខ្មាសយួនណាស់ យួនមករស់នៅស្រុកខ្មែរ អ្នកដឹកនាំយួនគេទាមទារឱ្យមានសិទ្ធិគ្រប់យ៉ាង ឯបក្សប្រជាជន មិនបានជួយអ្វីសោះ ដល់ខ្មែរក្រោម ថែមទាំងយកជើងរាទឹក ដល់គេថា ខ្ញុំយួន ចោទគេថា លាបពណ៌។
គាត់ថាហួសព្រំដែន តែបើខ្មែរមានអ្នកដឹកនាំដែលស្រឡាញ់ជាតិពិតត្រូវទាមទារយកកម្ពុជាក្រោមមកវិញ អាហ្នឹងគឺនៅក្នុងព្រំដែនហើយ។
ចំណែក អ្នកប្រើប្រាស់បណ្ដាញសង្គម ដែលមានឈ្មោះថា លឹម សំអាត(Lim Samath) មានទស្សនថា គ្រាន់តែស្នើគ្មានអ្វីថាមិនកើតទេ បើមានឆន្ទៈស្រឡាញ់ខ្មែរ ព្រោះខ្មែរជាម្ចាស់ទឹកដីនៅទីនោះ ហើយត្រូវបានគេប្លន់យកទឹកដី។ គាត់និយាយបែបនេះមកពីគាត់កំពុងស្រវឹងអំណាច លក់មនសិការទៅឲ្យបរទេស និយាយរួមជាជនក្បត់ជាតិសាសន៍ខ្លួនឯង។
ចំណែកអ្នកប្រើប្រាស់បណ្ដាញសង្គម ដែលដាក់ឈ្មោះថា ផល ជូ (Paull Chu) វិញ បានបន្ទរថា៖ «គ្រួសារ ហ៊ុន សែន ខ្លាចយួនណាស់ អ្វីដែលពួកគេមានសព្វថ្ងៃគឺផ្តល់ដោយយួន ហើយយួនអាចបំផ្លាញគ្រួសារនេះក្នុងមួយវិនាទី បើយួនមិនសប្បាយចិត្តនឹងគ្រួសារហ៊ុន ដូច្នេះ គ្រួសារ ហ៊ុន នឹងមិននិយាយអំពីខ្មែរក្រោមឡើយ។
ទាក់ទងរឿងរ៉ាវ ដែលថា ខ្មែរក្រោម ជាជនជាតិនេះដែរ លោក សេង វណ្ណលី អ្នកតាមដានភូមិសាស្ត្រនយោបាយក្នុងតំបន់អាស៊ីប៉ាស៊ីហ្វិក ក៏បានផ្ញើសារឆ្លើយតបទៅលោក សុខ ឥសាន តាមរយៈទំព័រហ្វេសប៊ុក របស់លោក ដោយដាក់ចំណងជើងថា៖ រឿងខ្មែរក្រោម ជា ខ្មែរ ឬ វៀតណាម? លោកបានលើកឡើងចំនួន៤ចំនុច។
លោកសរសេរថា ការលើកឡើងរបស់លោក សុខ ឥសាន ដែលថា ខ្មែរក្រោម គឺជា «ជនជាតិវៀតណាម» មិនមែន «ជនជាតិខ្មែរ» ផ្ទុយពីច្បាប់កម្ពុជាស្ដីពី ‘សញ្ជាតិ’ ដែលចែងក្នុងមាត្រាទី ៩ នៃជំពូកទី ៤ ថា៖«ត្រូវបានសញ្ជាតិខ្មែរទោះបីកើតនៅទីណាក៏ដោយ»។ ម្យ៉ាងទៀត ការណ៍ដែលលោកនិយាយថា «គ្មានខ្មែរក្រោមណាម្នាក់កាន់សញ្ជាតិ ឬលិខិតឆ្លងដែនខ្មែរ»បង្ហាញឲ្យឃើញពីការមិនទទួលស្គាល់ខ្មែរក្រោមរាប់លាននាក់ដែលកំពុងរស់នៅកម្ពុជា និងបរទេសនិងបង្ហាញពីការមិនយល់ដឹងពីនីតិវិធីនៃអត្តសញ្ញាណកម្មសម្រាប់ខ្មែរក្រោមនៃអគ្គនាយកដ្ឋានអត្តសញ្ញាណកម្មចំណុះឲ្យក្រសួងមហាផ្ទៃ។ ការលើកឡើងដោយគ្មានមូលដ្ឋានច្បាប់ច្បាស់លាស់ ស្មើនឹងបដិសេធច្បាប់ស្ដីពីសញ្ជាតិខ្មែរសម្រាប់ជនរួមជាតិ/ឈាមខ្មែរក្រោម និងមិនសាកសមជាអ្នកនយោបាយខ្មែរ និងជាសមាជិកព្រឹទ្ធសភាទាល់តែសោះ។ ជាក់ស្តែង ស្ទើរគ្រប់ប្រទេសនៅពិភពលោក ការលើករបៀបនេះស្មើនឹងទោស‘ក្បត់ជាតិ’ និងមិនសក្ដិសមកើតមកជាខ្មែរនោះទេ។
ស្រដៀងគ្នានេះដែរ អ្នកប្រើប្រាស់បណ្ដាញសង្គមម្នាក់ទៀតដែលដាក់ឈ្មោះថា ខៀវ សាវ៉ាត ក៏បញ្ចេញទស្សនៈ និង មានសំណួរទៅកាន់លោកលោក សុខ ឥសាន ដែរថា «ឈាមជាខ្មែរ បើខ្មែរមិនទទួលស្គាល់ខ្មែរខ្លួនឯង យួនរឹតតែបានដៃធ្វើបាបខ្មែរ កាន់តែខ្លាំងហើយ តើលោកតា មានបេះដូង ជាខ្មែរដែរទេ? តើកំហុសអ្នកណា..?៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- លោក ឃួង ស្រេង ពីមន្ត្រីខណ្ឌតូចតាចទៅជាអភិបាលក្រុងភ្នំពេញដោយសារស្នាដៃបម្រើគ្រួសារត្រកូលហ៊ុន
- លោក ហ៊ុន ម៉ានី ស្នើឲ្យនាយករដ្ឋមន្ត្រី លោក ហ៊ុន ម៉ាណែត ដកប្រធានមន្ទីរបរិស្ថានចំនួន៤ ខេត្ត នៅជុំវិញតំបន់ព្រៃឡង់
- លោក ហេង សិទ្ធី ត្រូវបានចាប់ខ្លួនដល់រុស្សីក្រោយស្នើឱ្យលោក ហ៊ុន ម៉ាណែត ចុះចេញពីតំណែង
- ខ្មាន់កាំភ្លើងបង្ហាញអត្តសញ្ញាណអ្នកបញ្ជាឱ្យបាញ់សម្លាប់លោក លិម គិមយ៉ា ក្រោយពេលតុលាការចេញដីកាចាប់ខ្លួនលោក លី រតនរស្មី
- មន្ត្រីបក្សកាន់អំណាចព្យាយាមលាងជម្រះលោក ហ៊ុន សែន ពាក់ព័ន្ធឃាតកម្មលើលោក លិម គិមយ៉ា
អត្ថបទពេញនិយម
នយោបាយ
- លោក សម រង្ស៊ី អំពាវនាវឱ្យកងកម្លាំងប្រដាប់អាវុធ និងអ្នកនយោបាយរួមគ្នាផ្លាស់ប្ដូររបបត្រកូល ហ៊ុន
- តុលាការថៃចេញដីកាចាប់ខ្លួនជនសង្ស័យជនជាតិខ្មែរគឺលោក លី រតនរស្មី ករណីឃាតកម្មលើលោក លិម គិមយ៉ា
- តុលាការបារាំង បានសាកសួរភរិយាលោក លិម គិមយ៉ា អំពីករណីឃាតកម្មលើលោក លិម គិមយ៉ា
- ភាពស្ងប់ស្ងាត់លើករណីឃាតកម្មលោក លិម គិមយ៉ា «បង្ហាញពីភាពគ្មានទំនួលខុសត្រូវរបស់រដ្ឋាភិបាល»
- អាជ្ញាធរត្រៀមបញ្ជូនអតីតឧកញ៉ា ហេង សិទ្ធី មកកម្ពុជា ក្រោយចាប់ខ្លួនបាននៅរុស្ស៊ី