ប្រមុខ​ការទូត​របប​ក្រុង​ភ្នំពេញ​ប្រាប់​ឱ្យ​អង្គការ​បរទេស​គោរព​ច្បាប់​កម្ពុជា

ដោយ វ៉ែន សុមេធ
2019-01-29
អ៊ីម៉ែល
មតិ
Share
បោះពុម្ព
លោក ប្រាក់ សុខុន រដ្ឋមន្ត្រី​ការបរទេស​កម្ពុជា ថ្លែង​ក្នុង​កិច្ច​ប្រជុំ​ពិគ្រោះ​យោបល់​ជាមួយ​នឹង​​ក្រុម​អង្គការ​មិន​មែន​រដ្ឋាភិបាល​បរទេស​ នៅ​ថ្ងៃ​ទី២៩ ខែ​មករា ឆ្នាំ២០១៩។
លោក ប្រាក់ សុខុន រដ្ឋមន្ត្រី​ការបរទេស​កម្ពុជា ថ្លែង​ក្នុង​កិច្ច​ប្រជុំ​ពិគ្រោះ​យោបល់​ជាមួយ​នឹង​​ក្រុម​អង្គការ​មិន​មែន​រដ្ឋាភិបាល​បរទេស​ នៅ​ថ្ងៃ​ទី២៩ ខែ​មករា ឆ្នាំ២០១៩។
រូបថត៖ ក្រសួង​ការ​បរទេស និង​សហប្រតិបត្តិការ​អន្តរជាតិ

ប្រមុខ​ការទូត​របប​ក្រុង​ភ្នំពេញ ប្រាប់​​អង្គការ​មិនមែន​រដ្ឋាភិបាល​បរទេស​ឱ្យ​ធ្វើ​សកម្ម​ភាព​របស់​ខ្លួន​ស្រប​តាម​ច្បាប់ និង​លិខិត​បទដ្ឋាន​គតិយុត្តិ​នានា ជា​ធរមាន​។ ការ​ណែនាំ​នេះ ធ្វើ​ឡើង​ក្នុង​កិច្ច​ប្រជុំ​ពិគ្រោះ​យោបល់​រវាង​ភាគី​ក្រសួង​ការបរទេស​កម្ពុជា ​ជាមួយ​នឹង​​ក្រុម​អង្គការ​មិន​មែន​រដ្ឋាភិបាល​បរទេស​ នៅ​ថ្ងៃ​ទីអង្គារ ទី ២៩ មករា។

កិច្ចប្រជុំ​ពិគ្រោះ​យោបល់​របស់​ក្រសួង​ការបរទេស​នេះ គឺ​ជា​កិច្ច​ប្រជុំ​បិទទ្វារ ដែល​មាន​លក្ខណៈ​រឹតត្បិត​ព័ត៌មាន​ ហើយ​មន្ត្រី​ក្រសួង​នេះ​ក៏​មិន​បាន​ផ្ដល់​សម្ភាសន៍​ដល់​អ្នក​កាសែត​ដែរ។

ប្រមុខ​ការទូត​របប​ក្រុង​ភ្នំពេញ​លោក ប្រាក់​ សុខុន បាន​ឡើង​ថ្លែង​សុន្ទរកថា យ៉ាង​ខ្លី​មួយ​ដោយ ទទួល​ស្គាល់​ថា អង្គការ​សង្គម​ស៊ីវិល​ ជា​ដៃគូ​ដែល​មិន​អាច​ខ្វះ​បាន​សម្រាប់​ការ​កសាង និង​អភិវឌ្ឍ​ប្រទេស។ លោក​បន្ត​ថា អង្គការ​សង្គម​ស៊ីវិល​ទាំង​ក្នុង​ស្រុក​ និង​អន្តរជាតិ​ បាន​ដើរ​តួនាទី​យ៉ាង​សំខាន់​ក្នុង​ការ​រួម​ចំណែក​ផ្ដល់​សេវា និង​គាំទ្រ​ដល់​វិស័យ​សំខាន់ៗ​​​ពាក់ព័ន្ធ​នឹង​សេដ្ឋកិច្ច និង​សង្គម​កិច្ច​នៅ​តាម​តំបន់​ជនបទ​ និង​តំបន់​ដាច់​ស្រយាល​នៅ​កម្ពុជា។

ទោះ​ជា​យ៉ាង​ណា លោក​ក៏​បាន​ឆ្លៀត​ឱកាស​នេះ​ណែនាំ​ឱ្យ​អង្គការ​មិនមែន​រដ្ឋាភិបាល​បរទេស​ឱ្យ​គោរព​ច្បាប់​កម្ពុជា​ផង​ដែរ ជាពិសេស​លោក​សង្កត់​ធ្ងន់​រឿង​ច្បាប់​ស្ដី​ពី​សមាគម​ និង​អង្គការ​មិន​មែន​រដ្ឋាភិបាល​។ លោក​ថ្លែង​ថា របប​​របស់​លោក​បាន​ដឹង​យ៉ាង​ច្បាស់​ពី​កង្វល់​ និង​ក្ដី​បារម្ភ​របស់​ដៃគូ​អភិវឌ្ឍន៍ និង​អង្គការ​សង្គម​ស៊ីវិល​ពាក់ព័ន្ធ​នឹង​ការ​រឹតត្បិត​សិទ្ធិ​សេរីភាព​ តាម​រយៈ​ច្បាប់​ស្ដីពី​សមាគម​ និង​អង្គការ​មិន​មែន​រដ្ឋាភិបាល។ ក៏​ប៉ុន្តែ លោក​បក​ស្រាយ​ថា ច្បាប់​នេះ​មិន​មែន​ធ្វើឡើង​ដើម្បី​រឹតត្បិត​សិទ្ធិ​សេរីភាព​អង្គការ​ណាមួយ​នោះ​ទេ។ លោក​ថា ច្បាប់​នេះ​ធ្វើ​ឡើង​​ដើម្បី​ឱ្យ​អង្គការ​ទាំង​អស់​ប្រតិ​បត្តិ​ការ​ប្រកប​ដោយ​តម្លាភាព គណនេយ្យភាព សុចរិត​ភាព និង​ការ​ទទួល​ខុស​ត្រូវ​ចំពោះ​មុខ​ច្បាប់។

នេះ​ជា​ជំនួប​លើក​ដំបូង​រវាង​ក្រសួង​ការ​បរទេស​ជាមួយ​នឹង​អង្គការ​មិន​មែន​រដ្ឋាភិបាល​អន្តរជាតិ​ ដែល​កំពុង​ប្រតិបត្តិ​ការងារ​នៅ​កម្ពុជា ចាប់​តាំង​ពី​របប​ក្រុង​ភ្នំពេញ​បាន​បង្កើត​ និង​ដាក់​ឱ្យ​ប្រើប្រាស់​​​ច្បាប់​ស្ដីពី​សមាគម​ និង​អង្គការ​មិន​មែន​រដ្ឋាភិបាល កាលពី​ខែ​សីហា ឆ្នាំ២០១៥ កន្លងទៅ។

តំណាង​ប្រចាំ​ប្រទេស​នៃ​អង្គការ​ Humanity and Inclusion​ ដែល​ប្ដូរ​ឈ្មោះ​ពី​អង្គការ​ជន​ពិការ​អន្តរជាតិ អ្នកស្រី អេឌីត វ៉ាន់ វីចហ្កាដិន (Edith van Wijngaaden) ថ្លែង​ថា អ្នក​ស្រី​គាំទ្រ​ជំនួប​ជាមួយ​ក្រសួង​ការ​បរទេស​នេះ និង​ចង់​ឱ្យ​មាន​កិច្ច​ពិគ្រោះ​យោបល់​បែប​​នេះ​បន្ត​ទៅទៀត ដើម្បី​ដោះ​ស្រាយ​​បញ្ហា​ស្រពិចស្រពិល​ទាំងឡាយ​រវាង​​របប​ក្រុង​ភ្នំពេញ និង​អង្គការ​មិន​មែន​រដ្ឋាភិបាល​បរទេស។ អ្នក​ស្រី​បន្ត​ថា អង្គការ​សង្គម​ស៊ីវិល​ចង់​ដឹង​ថា តើ​ក្រសួង​ការបរទេស​រំពឹង​អ្វី​ខ្លះ​ពី​ពួក​គេ ដើម្បី​ឱ្យ​ពួក​គេ​អាច​បំពេញ​កាតព្វកិច្ច​របស់​ខ្លួន​បាន។ អ្នក​ស្រី​បន្ថែម​ថា ចាប់​តាំងពី​មាន​ច្បាប់​ស្ដីពី​សមាគម និង​អង្គការ​មិន​មែន​រដ្ឋាភិបាល​មក​ សកម្មភាព​របស់​អង្គការ​សង្គម​ស៊ីវិល​ត្រូវ​បាន​រឹត​បន្តឹង​ជាង​មុន៖ «ខ្ញុំ​គិត​ថា គួរ​តែ​មាន​ការ​បញ្ជាក់​ឱ្យ​បាន​ច្បាស់​ពី​ក្រសួង​អំពី​កាតព្វកិច្ច​របស់​ពួក​យើង អំពី​ទម្រង់​នៃ​​របាយការណ៍​​ដែល​ពួក​យើង​ត្រូវ​ប្រើ បញ្ហា​ទាក់ទង​នឹង​រឿង​ពន្ធ និង​បញ្ហា​មួយ​ចំនួន​ទៀត​ដែល​យើង​មិន​ទាន់​យល់​ច្បាស់។ ឧទាហរណ៍​ ពេល​យើង​ផ្ញើ​របាយការណ៍​ទៅ​ក្រសួង យើង​មិន​ដឹង​ច្បាស់​ថា​ ក្រសួង​ចង់​បាន​របាយការណ៍​បែប​ណា​នោះ​ទេ។ នេះ​ហើយ​ជា​បញ្ហា​ដែល​យើង​ចង់​បញ្ជាក់​ឱ្យ​បាន​ច្បាស់​ជាមួយ​គ្នា»

អាស៊ី​សេរី​មិន​ទាន់​អាច​ទាក់ទង​អ្នក​នាំ​ពាក្យ​ក្រសួង​ការបរទេស​ លោក កេត សោផាន់ ដើម្បី​សាកសួរ​ពី​លទ្ធផល​នៃ​ជំនួប​នេះ​បាន​នៅឡើយ​ទេ គិត​ត្រឹម​ម៉ោង​ផ្សាយ​នេះ។

ច្បាប់​ស្ដីពី​សមាគម​ និង​អង្គការ​មិន​មែន​រដ្ឋាភិបាល តម្រូវ​ឱ្យ​សមាគម​ និង​អង្គការ​មិន​មែន​រដ្ឋាភិបាល​ក្នុង​ស្រុក​ ចុះ​បញ្ជី​នៅ​ក្រសួង​មហាផ្ទៃ ចំណែក​សមាគម និង​អង្គការ​មិន​មែន​រដ្ឋាភិបាល​បរទេស ត្រូវ​ចុះ​បញ្ជី​នៅ​ក្រសួង​ការបរទេស​ ក្រោម​ទម្រង់​ជា​អនុស្សរណៈ​នៃ​ការ​យោគ​យល់​គ្នា ឬ​ហៅ​ថា MoU (Memorandum of Understanding)MoU នេះ មាន​សុពលភាព ៣ឆ្នាំ និង​អាច​បន្ត​​បាន​ទៅ​មុខ​ទៀត។

ទោះ​ជា​យ៉ាង​ណា កាល​ពី​ខែ​សីហា ឆ្នាំ២០១៧ កន្លងទៅ របប​ក្រុង​ភ្នំពេញ​បាន​ប្រើប្រាស់​ច្បាប់​ស្ដីពី​សមាគម និង​អង្គការ​មិន​មែន​រដ្ឋាភិបាល​នេះ ដើម្បី​​បិទ​វិទ្យាស្ថាន​ជាតិ​ប្រជាធិបតេយ្យ ហៅ​កាត់​ថា (NDI) ដោយ​យក​លេស​ថា អង្គការ​នេះ​ធ្វើ​សកម្មភាព​​ដោយ​មិន​បាន​ចុះ​បញ្ជី​ជាមួយ​ក្រសួង​ការបរទេស និង​មិន​បាន​ចុះ​បញ្ជី​សារពើពន្ធ​សម្រាប់​ដំណើរ​ការ​បង់​ពន្ធ។ ខាង​អង្គការ NDI បាន​បដិសេធ​ថា ពួក​គេ​​បាន​បំពេញ​កាតព្វកិច្ច​ផ្លូវ​ច្បាប់​គ្រប់​បែប​យ៉ាង​សម្រាប់​ការ​ចុះ​បញ្ជី​នៅ​​ក្រសួង​ការ​បរទេស ហើយ​ក្រសួង​បាន​ទទួល​យក​ឯកសារ​សុំ​ចុះ​បញ្ជី​របស់​ពួក​គេ​តាំង​តែ​ពី​ខែ​កញ្ញា ឆ្នាំ​២០១៦ មក​ម្ល៉េះ។ NDI បាន​ចោទ​ក្រសួង​ការ​បរទេស​កម្ពុជា​ថា បាន​ប្រព្រឹត្ត​ផ្ទុយ​នឹង​មាត្រា​១៤ នៃ​ច្បាប់​ស្ដីពី​សមាគម និង​អង្គការ​មិន​មែន​រដ្ឋាភិបាល ដែល​តម្រូវ​ឲ្យ​ក្រសួង​ត្រូវ​សម្រេច​ចំពោះ​ពាក្យ​ស្នើសុំ​ចុះ​បញ្ជី​ក្នុង​រយៈ​ពេល ៤៥​ថ្ងៃ​យ៉ាង​យូរ ប៉ុន្តែ​ជា​ច្រើន​ខែ​ក្រោយ​ការ​ដាក់​ពាក្យ​ស្នើសុំ​ ក្រសួង​​មិន​បាន​​ឆ្លើយ​តប​នឹង​សំណើ​នេះ​ឡើយ ហើយ​ក៏​សម្រេច​បិទ​អង្គការ​នេះ​តែ​ម្ដង។ ចំណាត់​ការ​លើ​អង្គការ​ NDI នេះ បាន​រង​ការ​ថ្កោល​ទោស និង​រង​ការ​រិះគន់​ថា ​ជា​រឿង​នយោបាយ​សុទ្ធសាធ ដោយសារ​របប​ក្រុង​ភ្នំពេញ​ចោទ​ថា NDI បាន​រៀបចំ​យុទ្ធសាស្ត្រ​ជួយ​គណបក្ស​សង្គ្រោះ​ជាតិ ផ្ដួល​រំលំ​គណបក្ស​កាន់​អំណាច។

គិត​ត្រឹម​ចុង​ឆ្នាំ២០១៨ មាន​អង្គការ​មិន​មែន​រដ្ឋាភិបាល​បរទេស​ចំនួន ៣៨៦ នៅ​មាន​សុពល​ភាព។ អង្គការ​ទាំង​នោះ​មក​ពី​ទ្វីប​អាស៊ី អាមេរិក អឺរ៉ុប និង​អូស្ត្រាលី និង​មាន​គម្រោង​ផ្ដោត​សំខាន់​លើ​វិស័យ​អប់រំ សុខាភិបាល សង្គម​កិច្ច កសិកម្ម​ បណ្ដុះបណ្ដាល​វិជ្ជាជីវៈ អភិវឌ្ឍន៍​សហគមន៍​ បរិស្ថាន និង​ការ​បោស​សម្អាត​មីន​ជា​ដើម៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (1)
Share

how the world gonna respect your mafia govm't..if u and your mafia govm't didn't respect to the international community....u damn crook...

Everybody knew who's the hell behind this guy?and all of them as the same boat...don't try to say one thing and do other thing Mr.Crook,u and your fascist govm't causes the Cambodia to face the world economic sanctions coming.Otherwise, u and your stupid leader Hun Sen always pissed off to the international's sanctions or the UN's special envoy reporter.Mr.Crook do see your stupid leader Hun Sen's lives in FB or YouTube clips video with what's hell he says...said he and his fascist govm't don't care about the economic sanction at all and said his fascist commie govm't not gonna die...but the Cambodian pple will die"not him and other cronies".Mr.Crook all your rogue govm't video clips posted in FB,or YouTube, we've already been recorded to keep all these videos to ICC's testimony.Stop bullying or fool Khmer pple around town anymore"enough is enough"stop Cambodian pple suffering,stop arrest pple,stop forcing or rob pple's land,or farmland,stop threaten pple or opposition political party and kill pple.So,tell your mafia boss Hun Sen to keep calms down rather than annoying and stop say one thing and do other thing Mr...everybody knew clearly and not one gonna buy your damn word at all.See all your stupid govm't officials addressed in FB and YouTube,first say one thing and next say other thing and who's the hell gonna believe all your stupid clowns there"shame on them".

Jan 30, 2019 02:22 PM

គេហទំព័រ​ទាំងមូល