មន្ត្រី​រដ្ឋាភិបាល៖ ការ​រិះគន់​របស់​សមាជិក​ព្រឹទ្ធសភា​អាមេរិក​គ្មាន​ឥទ្ធិពល​លើ​កម្ពុជា

ដោយ យាង សុជាមេត្តា
2016-02-12
អ៊ីម៉ែល
មតិ
Share
បោះពុម្ព
តំណាងរាស្ត្រ​បក្ស​សង្គ្រោះជាតិ​ លោក ញ៉យ ចំរើន (ឆ្វេង) និង​លោក គង់ សភា ដែល​ត្រូវ​បាតុករ​មួយ​ក្រុម​វាយ​ដំ​ឲ្យ​របួស​នៅ​​ក្បែរ​​បរិវេណ​រដ្ឋសភា នៅ​ថ្ងៃ​ទី​២៦ ខែ​តុលា ឆ្នាំ​២០១៥។
តំណាងរាស្ត្រ​បក្ស​សង្គ្រោះជាតិ​ លោក ញ៉យ ចំរើន (ឆ្វេង) និង​លោក គង់ សភា ដែល​ត្រូវ​បាតុករ​មួយ​ក្រុម​វាយ​ដំ​ឲ្យ​របួស​នៅ​​ក្បែរ​​បរិវេណ​រដ្ឋសភា នៅ​ថ្ងៃ​ទី​២៦ ខែ​តុលា ឆ្នាំ​២០១៥។
RFA/Uon Chhin

មន្ត្រី​រដ្ឋាភិបាល​លើក​ឡើង​ថា ការ​រិះគន់​ពី​ការ​គោរព​សិទ្ធិមនុស្ស និង​លទ្ធិប្រជាធិបតេយ្យ​នៅ​កម្ពុជា ដោយ​សមាជិក​ព្រឹទ្ធសភា​សហរដ្ឋអាមេរិក គ្មាន​ឥទ្ធិពល​មក​លើ​រដ្ឋាភិបាល​កម្ពុជា ឡើយ។

ការ​លើក​ឡើង​ដូច្នេះ​របស់​មន្ត្រី​រដ្ឋាភិបាល គឺ​បន្ទាប់​ពី​សមាជិក​ព្រឹទ្ធសភា​សហរដ្ឋអាមេរិក ចំនួន ៧​រូប កាល​ពី​ថ្ងៃ​ទី​១១ ខែ​កុម្ភៈ បាន​ផ្ញើ​លិខិត​ទៅ​កាន់​លោក​នាយករដ្ឋមន្ត្រី ហ៊ុន សែន សម្ដែង​ការ​បារម្ភ​ពី​ស្ថានការណ៍​នយោបាយ ការ​រំលោភ​សិទ្ធិ​មនុស្ស​នានា នៅ​កម្ពុជា។

មន្ត្រី​រដ្ឋាភិបាល​ចាត់​ទុក​ការ​រិះគន់​របស់​សមាជិក​ព្រឹទ្ធសភា​សហរដ្ឋអាមេរិក មក​លើ​កម្ពុជា នៅ​ពេល​នេះ​ថា គ្រាន់​តែ​ជា​ការ​យល់​ឃើញ​របស់​សមាជិក​ព្រឹទ្ធសភា​អាមេរិក មួយ​ក្រុម​តូច ដែល​មិន​មែន​ជា​ជំហរ​រួម​របស់​ព្រឹទ្ធសភា​សហរដ្ឋអាមេរិក ទាំង​មូល​នោះ​ទេ។

អ្នកនាំពាក្យ​ទីស្ដីការ​គណៈរដ្ឋមន្ត្រី លោក ផៃ ស៊ីផាន ដែល​អះអាង​ថា បាន​ឃើញ​លិខិត​របស់​សមាជិក​ព្រឹទ្ធសភា​សហរដ្ឋអាមេរិក រួច​ហើយ​នោះ មាន​ប្រសាសន៍​ថា លិខិត​នោះ​មិន​មាន​តម្លៃ​ផ្លូវច្បាប់​ដែល​រដ្ឋាភិបាល​ត្រូវ​ព្រួយបារម្ភ​នោះ​ទេ។ លោក​ថ្លែង​ថា អ្វី​ដែល​សមាជិក​ព្រឹទ្ធ​សភា​អាមេរិក លើក​ឡើង​ក្នុង​លិខិត គឺ​ពួកគេ​មិន​បាន​ដឹង​ច្បាស់​ពី​ស្ថានភាព​ពិតប្រាកដ​នៅ​កម្ពុជា​ឡើយ។ លើស​ពី​នេះ លោក​យល់​ថា អ្វី​ដែល​សមាជិក​ព្រឹទ្ធសភា​អាមេរិក​ធ្វើ គឺ​ដើម្បី​បំពេញ​ចិត្ត​អ្នក​បោះ​ឆ្នោត​គាំទ្រ​ពួកគេ​នៅ​អាមេរិក​ប៉ុណ្ណោះ។ ជាង​នេះ​ទៀត លោក ផៃ ស៊ីផាន ថា ស្ថានទូត​កម្ពុជា ប្រចាំ​នៅ​សហរដ្ឋអាមេរិក មិន​បាន​ទទួល​យក​លិខិត​របស់​សមាជិក​ព្រឹទ្ធសភា​ទាំង​នោះ​ទេ ហើយ​បាន​បញ្ជូន​ត្រឡប់​ទៅ​ឲ្យ​ម្ចាស់​ដើម​វិញ ដោយ​ស្ថានទូត​យល់​ថា លិខិត​នោះ​គ្មាន​សារប្រយោជន៍​អ្វី​ឡើយ។

​លោក ផៃ ស៊ីផាន៖ «គ្មាន​អ្វី​ដែល​ជា​ឥទ្ធិពល ហើយ​គ្មាន​អ្វី​ដែល​ជា​ការ​យក​ចិត្ត​ទុកដាក់​ដោយសារ​ចំណង​មិត្តភាព​របស់​កម្ពុជា និង​សហរដ្ឋអាមេរិក ស្ដែង​ចេញ​តាម​ឯកឧត្ដម ចន ឃែរី (John Kerry) លោក​បាន​និយាយ​ច្បាស់​ណាស់ លោក​បាន​វាយតម្លៃ ទី​១ គឺ​ការ​ជឿនលឿន​របស់​កម្ពុជា ទី​២ គឺ​ចង់​បង្កើន​ទំនាក់ទំនង​ឲ្យ​រឹត​តែ​ល្អ​ទៅ​ទៀត។ ដូច្នេះ​ខ្ញុំ​យល់​ឃើញ​ថា ទំនាក់ទំនង​កម្ពុជា-​អាមេរិក នៅ​ល្អ ហើយ​អ្វី​ដែល​លើក​ឡើង​របស់​សមាជិក​ព្រឹទ្ធសភា​មួយ​ចំនួន​តូច​នេះ គ្រាន់តែ​ជា​ព័ត៌មាន​ប៉ុណ្ណោះ មិន​មាន​តម្លៃ​ច្បាប់ ឬ​ការ​ដាក់​សម្ពាធ​នោះ​ទេ»

ក្នុង​លិខិត​ផ្ញើ​ទៅ​កាន់​លោក ហ៊ុន សែន សមាជិក​ព្រឹទ្ធសភា​អាមេរិក​ទាំង ៧​រូប សម្ដែង​ការ​បារម្ភ​ពី​ស្ថានការណ៍​រំលោភ​បំពាន​សិទ្ធិមនុស្ស​នានា​នៅ​កម្ពុជា ដូចជា​ការ​វាយ​ដំ​លើ​តំណាងរាស្ត្រ​បក្ស​ប្រឆាំង ការ​រំលោភបំពាន​ដីធ្លី​ពលរដ្ឋ និង​ការ​ជួញដូរ​មនុស្ស​ជាដើម។ ពួកគេ​ជំរុញ​ឲ្យ​រដ្ឋាភិបាល​ដោះលែង​សកម្មជន​បក្ស​ប្រឆាំង​ លោក មាជ សុវណ្ណារ៉ា ដែល​មាន​សញ្ជាតិ​អាមេរិកាំង ចេញ​ពី​ពន្ធនាគារ និង​ឲ្យ​នាំ​ខ្លួន​ជន​ប្រព្រឹត្ត​បទឧក្រិដ្ឋ​រំលោភ​បំពាន​ដីធ្លី​ពលរដ្ឋ​មក​កាត់​ទោស​តាម​ច្បាប់។ ការ​ទទូច​នេះ ធ្វើ​ឡើង ៤​ថ្ងៃ​ប៉ុណ្ណោះ​មុន​ពេល​លោក​នាយករដ្ឋមន្ត្រី ហ៊ុន សែន ធ្វើ​ដំណើរ​ចាកចេញ​ពី​កម្ពុជា ចូលរួម​កិច្ចប្រជុំ​កំពូល​អាស៊ាន-​អាមេរិក នៅ​រដ្ឋ​កាលីហ្វ័រញ៉ា (California) សហរដ្ឋអាមេរិក។

អ្នកស្រាវជ្រាវ​ឯករាជ្យ​ផ្នែក​សង្គម និង​នយោបាយ លោក​សាស្ត្រាចារ្យ ហេង ស្រ៊ាង មាន​ប្រសាសន៍​ថា រដ្ឋាភិបាល​គួរ​មើល​ពី​កំហុស​ឆ្គង​របស់​ខ្លួន​ឲ្យ​បាន​ច្រើន ជា​ជាង​រង់ចាំ​តែ​ច្រាន​ចោល​ការ​រិះគន់​របស់​អ្នក​ដទៃ។ លោក​ថា រដ្ឋាភិបាល​ក៏​មិន​ត្រូវ​មើលស្រាល​ចំពោះ​ការ​បារម្ភ​របស់​សមាជិក​រដ្ឋសភា និង​ព្រឹទ្ធសភា​អាមេរិក ចំពោះ​ស្ថានការណ៍​នៅ​កម្ពុជា នោះ​ដែរ។ លោក​ថា នៅ​ក្នុង​សង្គម​ប្រជាធិបតេយ្យ​ដូច​សហរដ្ឋអាមេរិក សមាជិក​រដ្ឋ​សភា និង​ព្រឹទ្ធសភា មាន​ឥទ្ធិពល​ខ្លាំង​លើ​រដ្ឋាភិបាល។ ពួកគេ​អាច​ជំរុញ​ទៅ​រដ្ឋាភិបាល​អាមេរិក ឲ្យ​ពិនិត្យ​មើល​ឡើង​វិញ​នូវ​គោលនយោបាយ​អាមេរិក ចំពោះ​កម្ពុជា ដែល​លោក​ថា ពេល​នោះ​ហើយ​ដែល​នឹង​ធ្វើ​ឲ្យ​មាន​ឥទ្ធិពល​លើ​កម្ពុជា។

សហរដ្ឋអាមេរិក គឺ​ជា​ប្រទេស​មហាអំណាច​មួយ​ដែល​តែង​ហ៊ាន​រិះគន់​ពី​ការ​រំលោភ​សិទ្ធិមនុស្ស និង​ប្រជាធិបតេយ្យ​នៅ​កម្ពុជា។ កាល​ពី​ចុង​ឆ្នាំ​២០១៥ ក្រោយ​ពេល​ដែល​តំណាងរាស្ត្រ​បក្ស​ប្រឆាំង ២​រូប ត្រូវ​បាន​បាតុករ​គាំទ្រ​បក្ស​កាន់​អំណាច​វាយ​ឲ្យ​របួស និង​ក្រោយ​ពេល​ប្រធាន​បក្ស​ប្រឆាំង​លោក សម រង្ស៊ី ត្រូវ​បាន​តុលាការ​ចេញ​ដីកា​តាម​ចាប់​ខ្លួន សមាជិក​សភា​អាមេរិក ក៏​បាន​ចេញ​លិខិត​អំពាវនាវ​ឲ្យ​បក្ស​កាន់​អំណាច​ឈប់​ធ្វើ​ទុក្ខបុកម្នេញ​លើ​បក្ស​ប្រឆាំង។

ក្នុង​ដំណើរ​ទស្សនកិច្ច​មក​កាន់​កម្ពុជា កាល​ពី​ចុង​ខែ​មករា បើ​ទោះ​ជា​រដ្ឋមន្ត្រី​ក្រសួង​ការបរទេស​សហរដ្ឋអាមេរិក លោក ចន ឃែរី កត់សម្គាល់​ពី​ការ​រីក​ចម្រើន​មួយ​ចំនួន​នៅ​កម្ពុជា ក្តី ប៉ុន្តែ​លោក​ថា សហរដ្ឋអាមេរិក​យក​ចិត្ត​ទុក​ដាក់​ខ្លាំង​ពី​ការ​គោរព​សិទ្ធិមនុស្ស ការ​គោរព​សេរីភាព​ពលរដ្ឋ និង​អភិបាលកិច្ច​ល្អ ដែល​លោក​ថា ទាំង​អស់នេះ​ជា​កត្តា​សំខាន់​ក្នុង​ការ​កំណត់​នូវ​ទំនាក់ទំនង​រវាង​កម្ពុជា និង​សហរដ្ឋអាមេរិក៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (8)
Share

Ta Pay-Child support most wanted

Ta P.Siphan bald head was still owed child support,break the rule of law ,fugitive on wild ,criminal gangster recorded ,ex-khmerouge butcher ,criminal most wanted ,financial scams trouble maker and try to get away from justice system .He got a high degree in Donut workshop somewhere in California area and he didn't pass exam entrance in the first grade...but later he'd a chance to applied in Donut shop by a friend introduced him .Later ,he got many trouble thing around with broken heart child support policy ,then he made his own decided and try to get away from child supported....then one day he speedup 500 miles per hour across pacific ocean to meet his best old comrade HuSein to find a job for him to survive " as HuSein's statesman job" ,and at that time he married to a young beautiful woman and abandoned the old one " a young girl compared him like her grandpa ",maybe he got a lot of sexual experiences from the old school.

Feb 15, 2016 11:48 AM

អ្នក​អាន​អនាមិក

និយាយរឿង គ្មានឥទ្ធិពលលើកម្ពុជា នឹកឃើញ កាលសម័យ ខ្មែរក្រហម ប៉ុល ពត ក៏ថា អីចឹង ដែរ !

Feb 13, 2016 02:01 AM

អ្នក​អាន​អនាមិក

AMERICAN SENATOR CAN CALL Mr.Kerry to testify if there is anything wrong doing young man.You are an SSI people knows nothing.If you are coming back to America there is no more SSI for you.

Feb 12, 2016 07:41 PM

អ្នក​អាន​អនាមិក

What did you say Phan Siphes ?Khmer embassy in Washington gave a letter back to American senator are you something?Oh you are on SSI that why you dont' understand American law,senator.congressmen.All you know just Samdach is good,smart than anyone.Stupid man

Feb 12, 2016 07:37 PM

អ្នក​អាន​អនាមិក

Obama នឹងបិទទ្រុងវាយឆ្កែ ថ្ងៃចន្ទ ខាងមុខនេះ។ សុំរង់ចាំតាមដានកុំអាក់ខាន។

Feb 12, 2016 07:26 PM

អ្នក​អាន​អនាមិក

វាមិនអាចទៅរួចទេ។កុំសង្ឃឹម...អូបាម៉ាមិនអាចធ្វើស្អីហ៊ុនសែនបានឡើយ

Feb 12, 2016 11:33 PM

អ្នក​អាន​អនាមិក

Obama is credited for removing bin laden from this world. That is undiable fact.

Feb 13, 2016 10:38 AM

មើល​មតិ​ទាំង​អស់.

គេហទំព័រ​ទាំងមូល