តើរដ្ឋាភិបាល និងភាគីពាក់ព័ន្ធអនុវត្តតាមកិច្ចព្រមព្រៀងសន្តិភាពទីក្រុងប៉ារីសបានកម្រិតណា?
លោកអ្នកនាងជាទីមេត្រី!
នៅក្នុងកម្មវិធីផ្សាយរាត្រីថ្ងៃសុក្រ ទី២២ តុលានេះ សូមលោកអ្នកនាងរង់ចាំស្ដាប់ និងទស្សនានាទីវេទិកាអ្នកស្ដាប់វិទ្យុអាស៊ីសេរី ដែលនឹងជជែកជុំវិញប្រធានបទ "តើរដ្ឋាភិបាល និងភាគីពាក់ព័ន្ធអនុវត្តតាមកិច្ចព្រមព្រៀងសន្តិភាពទីក្រុងប៉ារីសបានកម្រិតណា?” តើខ្លឹមសារនៃកិច្ចព្រមព្រៀងសន្តិភាពទីក្រុងប៉ារីសបានចែងយ៉ាងដូចម្ដេចខ្លះ ហើយវានៅតែមានសក្ដានុពលលើស្ថានភាពនយោបាយសព្វថ្ងៃនេះយ៉ាងណាខ្លះ?
កិច្ចពិភាក្សានេះ នឹងមានលោក ជុន ច័ន្ទបុត្រ ជាអ្នកសម្របសម្រួល
កិច្ចព្រមព្រៀងសន្តិភាពទីក្រុងប៉ារីសមានអាយុកាល ៣០ឆ្នាំហើយ។ រយៈពេល ៣០ឆ្នាំមកនេះ តើរដ្ឋាភិបាល និងភាគីពាក់ព័ន្ធអនុវត្តតាមកិច្ចព្រមព្រៀងនេះបានកម្រិតណា? តើខ្លឹមសារនៃកិច្ចព្រមព្រៀងសន្តិភាពទីក្រុងប៉ារីសបានចែងយ៉ាងដូចម្ដេចខ្លះ ហើយវានៅតែមានសក្ដានុពលលើស្ថានភាពនយោបាយសព្វថ្ងៃនេះយ៉ាងណាខ្លះ?
លោកអ្នកនាងអាចបញ្ចេញមតិយោបល់ និងដាក់ជាសំណួរមកកាន់វាគ្មិនរបស់យើង ដោយគ្រាន់តែដាក់លេខទូរស័ព្ទនៅក្នុងប្រអប់សំបុត្រ (Inbox) ខ្ទង់ខំមិនថ៍ ហ្វេសប៊ុក (Facebook) និង យូធូប (Youtube) យើងខ្ញុំនឹងហៅទៅលោកអ្នកនាងវិញ។
ក្រៅពីមាននាទីវេទិកាអ្នកស្ដាប់អាស៊ីសេរីនៅរាត្រីថ្ងៃសុក្រនេះ។ អាស៊ីសេរីក៏នឹងតាមដានយកព័ត៌មាននៅទីតាំងពលរដ្ឋខ្មែរអាមេរិកកាំង មកពីគ្រប់រដ្ឋនានា ធ្វើបាតុកម្ម នៅមុខមន្ទីររដ្ឋសភាអាមេរិក នៅរដ្ឋធានីវ៉ាស៊ីនតោនដែរ។ សូមលោកអ្នកនាងរង់ចាំទស្សនាកម្មវិធីទាំងពីរនេះកុំបីខាន៕ សូមអរគុណ!