លោក ហ៊ុន សែន អោយពលរដ្ឋក្រោកឈរប្រឆាំងបរទេសដែលចង់លូកដៃចូលផ្ទៃក្នុងកម្ពុជា
2017.12.23
លោកនាយករដ្ឋមន្ត្រី ហ៊ុន សែន
Photo courtesy of SPM Page
លោកនាយករដ្ឋមន្ត្រី ហ៊ុន សែន នៅថ្ងៃសៅរ៍ ទី២៣ បានប្រកាសជាថ្មីថា កម្ពុជានឹងឈប់លែងពឹងពាក់បរទេសដើម្បីរស់បន្តទៀតហើយ។
លោក ហ៊ុន សែន នៅចំពោះមុខមន្ត្រីរាជការ និងពលរដ្ឋរាប់ពាន់នាក់ក្នុងពិធីបើកបុណ្យសមុទ្រ ខេត្តកែប ក៏ស្នើខ្មែរទាំងអស់ឲ្យក្រោកឈរឡើងប្រឆាំងបរទេសណាដែលចង់លូកដៃចូលផ្ទៃក្នុងកម្ពុជា៖ «កម្ពុជា មិនត្រូវការដកដង្ហើមតាមអុកស៊ីហ្សែនរបស់នរណាមួយនោះទេ។ កម្ពុជាប្រៀបដូចមនុស្សម្នាក់ដែលមានរន្ធច្រមុះពីរ និងមានមាត់មួយសម្រាប់ដកដង្ហើម»។
ការលើកឡើងរបស់របស់អតីតកម្មាភិបាលខ្មែរក្រហម លោក ហ៊ុន សែន នេះ ជាការឆ្លើយតបនឹងសម្ពាធរបស់សភាអាមេរិក និងអឺរ៉ុប ដែលព្រមានដាក់ទណ្ឌកម្មសេដ្ឋកិច្ច និងទំនាក់ទំនងការបរទេស និងមន្ត្រីកម្ពុជា ដែលពាក់ព័ន្ធក្នុងការបំផ្លាញលទ្ធិប្រជាធិបតេយ្យនៅកម្ពុជា។ សហគមន៍អន្តរជាតិក៏បានផ្អាកជំនួយទាំងស្រុងទៅឲ្យគណៈកម្មាធិការជាតិរៀបចំការបោះឆ្នោត រួមទាំងព្រមានមិនទទួលលទ្ធផលនៃបោះឆ្នោតនៅឆ្នាំ២០១៨ ខាងមុខទៀតផង។
ទោះបីលោក ហ៊ុន សែន បានបន្ទន់ជំហរក្នុងការទទួលយកពលរដ្ឋខ្មែរដែលមានទោសនៅអាមេរិក ប្រមាណ ៧០នាក់ មកកម្ពុជា ដើម្បីជាថ្នូរនឹងទិដ្ឋាការឲ្យមន្ត្រីការបរទេសកម្ពុជា ទៅអាមេរិក ក៏ដោយ លោកនៅតែមិនព្រមបន្ធូរបន្ថយស្តារកម្ពុជា ឲ្យមានលទ្ធិប្រជាធិបតេយ្យឡើងវិញឡើយ ទោះបីបើរដ្ឋាភិបាលអាមេរិក និងអឺរ៉ុប អាចបង្កកទ្រព្យសម្បត្តិពីមន្ត្រីកម្ពុជា និងឈប់បន្ធូរបន្ថយពន្ធក៏ដោយ៕
លោក ហ៊ុន សែន ថា ភរិយានិងម្ដាយក្មេករបស់លោកកំពុងមានជំងឺ
ដោយ យន់ សាមៀន
លោកនាយករដ្ឋមន្ត្រី ហ៊ុន សែន ប្រាប់ថា ភរិយារបស់លោក និងម្ដាយក្មេករបស់លោកកំពុងមានជំងឺ។ លោកថា ម្ដាយក្មេករបស់លោកដែលវ័យជាង ៩៤ឆ្នាំ មានជំងឺធ្ងន់ជាងភរិយារបស់លោក។ ការបង្ហាញពីស្ថានភាពសុខភាពភរិយារបស់លោក ហ៊ុន សែន ដូចនេះ ខណៈលោក លោក ហ៊ុន សែន ចូលរួមក្នុងពិធីសម្ពោធដាក់អោយប្រើប្រាស់អគារសិក្សាវិទ្យាល័យ ខេត្តកែប ថ្ងៃទី២៣ ខែធ្នូ ដោយមានពលរដ្ឋរាប់ពាន់ចូលរួមស្ដាប់លោក។
លោក ហ៊ុន សែន កម្របង្ហាញពីបញ្ហាសុខភាពរបស់លោក និងក្រុមគ្រួសាររបស់លោកឲ្យមហាជនបានដឹងណាស់។ ប៉ុន្តែ លោកមិនប្រាប់ថា ភរិយារបស់លោកឈឺជំងឺអ្វីទេ ឬសម្រាកនៅមន្ទីរពេទ្យក្នុងប្រទេស ឬក្រៅប្រទេសនោះទេ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- ពលរដ្ឋនៅតំបន់បឹងតាមោក ចោទប្រកាន់អាជ្ញាធរខណ្ឌព្រែកព្នៅថា ប្រើអំពើហិង្សា
- វៀតណាមព្រមានថា ព្រែកជីកហ្វូណនតេជោអាចជួយសម្រួលវត្តមានយោធាចិនក្នុងទឹកដីកម្ពុជាកាន់តែជ្រៅ
- ពលរដ្ឋខ្មែរ-អូស្ត្រាលីម្នាក់ ដែលរិះគន់រដ្ឋាភិបាលកម្ពុជា រងការវាយដំពីជនមិនស្គាល់មុខមួយក្រុម ពេលទៅលេងស្រុកខ្មែរ
- ក្រសួងដែនដីបានហៅអតិថិជនបុរីពិភពថ្មីទៅពិភាក្សា ដើម្បីរកដំណោះស្រាយ
- ការប្រារព្ធពិធីបុណ្យចូលឆ្នាំថ្មី នៅតាមតំបន់មួយចំនួននៅស្រុកសុរិន្ទ
អត្ថបទពេញនិយម
នយោបាយ
- អាជ្ញាធរក្រុងភ្នំពេញមិនអនុញ្ញាតឱ្យបក្សកម្លាំងជាតិធ្វើបាតុកម្ម នៅទីលានប្រជាធិបតេយ្យ
- មន្ត្រីរដ្ឋាភិបាលអះអាងថា ការជីកព្រែកហ្វូណនជាសិទ្ធិអធិបតេយ្យរបស់កម្ពុជា គ្មានការចាំបាច់បំភ្លឺគ្រប់រឿងដល់វៀតណាមទេ
- លោក ហ៊ុន ម៉ាណែត ថ្លែងការពារគម្រោងព្រែកជីកហ្វូណនតេជោ ក្រោយពេលវៀតណាមរិះគន់
- តើកម្ពុជាអាចជម្នះសាងសង់ព្រែកជីកហ្វូណនតេជោបានដែរឬទេ?
- លោក ហ៊ុន សែន បដិសេធការចោទរបស់វៀតណាម ដែលថា ព្រែកជីកហ្វូណនសម្រាប់សម្រួលវត្តមានយោធាចិន