លោក ហ៊ុន សែន ស្នើ​អន្តរជាតិ​កុំ​ធ្វើ​ការ​ជាមួយ​គណបក្ស​ប្រឆាំង

ដោយ តាំង សារ៉ាដា
2017.12.17
សម រង្ស៊ី ហ៊ុន សែន ៨៥៥ អតីតប្រធាន​គណបក្ស​សង្គ្រោះ​ជាតិ លោក សម រង្ស៊ី (ឆ្វេង) និង​ប្រធាន​គណបក្ស​ប្រជាជន​កម្ពុជា និង​ជា​នាយករដ្ឋមន្ត្រី លោក ហ៊ុន សែន។ រូបថត​ឆ្នាំ​២០១៥។
Photo: RFA

ខណៈ​ដែល​រដ្ឋាភិបាល​កម្ពុជា​កំពុង​ប្រឈម​ការ​ដាក់​ទណ្ឌកម្ម​ពី​សហភាព​អឺរ៉ុប និង​សហរដ្ឋអាមេរិក លោក ហ៊ុន សែន បាន​ស្នើ​ទៅ​អន្តរជាតិ​កុំ​ធ្វើការ​ជាមួយ​គណបក្សប្រឆាំង​ព្រោះ​បក្ស​ប្រឆាំង មិនបាន​ដាក់​ទូត​ជាមួយ​ប្រទេស​ទាំង​នោះ​ទេ។

លោក ហ៊ុន សែន បាន​ចោទ​បក្ស​ប្រឆាំង​ថា​ជា​អ្នក​ជំរុញ​អោយ​ក្រុម​ប្រទេស​មហាអំណាច ដាក់ទណ្ឌកម្ម​របស់​មក​លើ​រដ្ឋាភិបាល​លោក។ «»

លោក ហ៊ុន សែន ថ្លែង​ដូចនេះ នៅ​ពេល​ចុះ​ជួប​កម្មករ​កម្មការិនី នៅ​សាល​មហោស្រព​កោះ​ពេជ្រ ក្រុងភ្នំពេញ​ព្រឹក​ថ្ងៃអាទិត្យ​ទី​១៧ ខែ​ធ្នូ។

នៅ​ពេល​នេះ​កម្ពុជា​កំពុង​ប្រឈម​នឹង​ទណ្ឌកម្ម​ជាច្រើន​ពី​សហគមន៍ អន្តរជាតិ អ្នកនាំពាក្យ​គណបក្ស​ប្រជាជន​កម្ពុជា លោក សុខ ឥសាន ស្នើ​បរទេស​កុំ​យក​កម្មករ និង​ពលរដ្ឋ​ទូទាំង​ប្រទេស ធ្វើជា ចំណាប់ខ្មាំង ដោះដូរ​ជាមួយ​ក្រុម​ក្បត់ជាតិ​មួយ​ក្រុម។

ប៉ុន្តែ អ្នកវិភាគ​នយោបាយ​លោក បណ្ឌិត ឡៅ ម៉ុង និយាយ​ថា អ្នក​ដែល​យក​ពលរដ្ឋ​ខ្មែរ និង​កម្មករ​ធ្វើជា​ចំណាត់​ខ្មាំង​នយោបាយ គឺ​រដ្ឋាភិបាល​កម្ពុជា​ទៅវិញ​ទេ។

ខណៈ​រដ្ឋាភិបាល​លោក ហ៊ុន សែន បាន​សាង​កំហុស​ម្តង​ហើយម្តងទៀត ដូចជា​ការ​បិទ​អង្គការ​សង្គម​ស៊ីវិល បិទ​ប្រពន្ធ​ផ្សព្វផ្សាយ​ឯករាជ្យ ចាប់​មេ​បក្ស​ប្រឆាំង អ្នក​ធ្វើ​ការងារ​សង្គម និង​កាសែត​ដាក់គុក ហើយ​ចុង​ក្រោយនេះ គឺ​រំលាយ​គណបក្ស​សង្គ្រោះ​ជាតិ​ចោល​ដែល​មាន​អ្នកគាំទ្រ​មួយ​ចំហៀង​ប្រទេស។

សហភាព​អឺរ៉ុប និង​សហរដ្ឋ​អាមេរិក ព្រមាន​ទៅដល់​លោក ហ៊ុន សែន ថា បើ​នៅតែ​មិន​ព្រម​ស្តារ​ស្ថានភាព​រំលោភ​សិទ្ធិ​មនុស្ស និង​ប្រជាធិបតេយ្យ​ឡើងវិញ​ទេ​នោះ គឺ​ពលរដ្ឋ​ខ្មែរ​ទូទាំង​នគរ​នឹង​រង​ទុក្ខ​ជាក់​ជាមិនខាន៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

បញ្ចេញ​មតិយោបល់៖

បញ្ចូលមតិរបស់អ្នកដោយបំពេញទម្រង់ខាងក្រោមជាអក្សរសុទ្ធ។ មតិនឹងត្រូវសម្រេចដោយអ្នកសម្របសម្រួល និងអាចពិនិត្យកែប្រែឲ្យស្របតាម លក្ខខណ្ឌនៃការប្រើប្រាស់ របស់វិទ្យុអាស៊ីសេរី។ មតិនឹងមិនអាចមើលឃើញភ្លាមៗទេ។ វិទ្យុអាស៊ីសេរី មិនទទួលខុសត្រូវចំពោះខ្លឹមសារនៃមតិដែលបានចុះផ្សាយឡើយ។ សូមគោរពមតិរបស់អ្នកដទៃ ហើយប្រកាន់ខ្ជាប់នូវការពិត។