អ្នកវិភាគ​លើក​ឡើង​ថា លោក ហ៊ុន សែន គ្មាន​នយោបាយ​ច្បាស់លាស់​ក្នុង​ការ​ដឹកនាំ

ដោយ ហេង រស្មី
2019-03-13
អ៊ីម៉ែល
មតិ
Share
បោះពុម្ព
លោក ហ៊ុន សែន  ពេល​ជួប​ពលរដ្ឋ និង​និស្សិត​ខ្មែរ​នៅ​ទីក្រុង​ហ្សឺណែវ ប្រទេស​ស្វីស ថ្ងៃ​ទី២៣ ខែតុលា ឆ្នាំ ២០១៨។
លោក ហ៊ុន សែន ពេល​ជួប​ពលរដ្ឋ និង​និស្សិត​ខ្មែរ​នៅ​ទីក្រុង​ហ្សឺណែវ ប្រទេស​ស្វីស ថ្ងៃ​ទី២៣ ខែតុលា ឆ្នាំ ២០១៨។
រូប៖ ហ្វេសប៊ុក​នាយករដ្ឋមន្ត្រី ហ៊ុន សែន

អ្នកវិភាគ​នយោបាយ​បាន​ចោទ​ថា លោកនាយក​រដ្ឋមន្ត្រី ហ៊ុន សែន គ្មាន​នយោបាយ​ច្បាស់លាស់​ក្នុង​ការ​ដឹកនាំ​ប្រទេស បន្ទាប់ពី​លោក ហ៊ុន សែន និយាយ​ថា បើ​នាយករដ្ឋមន្ត្រី​រលាយ នោះ​គណៈរដ្ឋមន្ត្រី​ក៏​រលំរលាយ​ដែរ។ ស្រប​ពេល​ជាមួយ​គ្នា​នេះ​ដែល មេដឹកនាំ​គណបក្សប្រឆាំង​ថា លោក ហ៊ុន សែន កំពុង​ភ័យ​ស្លន់ស្លោ​នឹង​ស្ថានភាព​នយោបាយ​ចុងក្រោយ​នេះ។

អ្នកវិភាគ​នយោបាយ និង​សង្គម​លោក គឹម សុខ និយាយ​ថា លោក ហ៊ុន សែន ជា​មេដឹកនាំ​គ្មាន​នយោបាយ​ច្បាស់លាស់​ក្នុង​ការ​ដឹកនាំ​ប្រទេស ហើយ​អំណាច​កន្លងមក​គឺ​ប្រមូល​ផ្តុំ​ទៅលើ​បុគ្គល​តែ​ម្នាក់​ប៉ុណ្ណោះ៖ «បើ​លោក ហ៊ុន សែន ចេះតែ​ប្រតិកម្ម​របៀប​ហ្នឹង​បាន​ន័យ​ថា​លោក ហ៊ុន សែន ជា​មេដឹកនាំ​ម្នាក់​ដែល​មិន​មាន​នយោបាយ​ច្បាស់លាស់​ទេ។ ប្រសិនបើ​គាត់​បារម្ភ​ខ្លាំង​ពេក​នោះ​មានន័យថា​អំណាច​ដែល​ធ្លាប់​មាន​កន្លងមក​គឺ​គាត់​តែ​ម្នាក់​ឯង​គត់ នៅ​ក្នុង​គណបក្ស​ប្រជាជន​កម្ពុជា​។​មិន​មាន​អំណាច​បែប​ក្រុម​នៃ​គណបក្ស​ប្រជាជន​កម្ពុជា​ទេ។ មានន័យថា​អ្វីៗ​បាត់​ពី​គាត់​ទៅ​អត់​មាន​ការ​រៀបចំ​ស្នឹង​ត្រឹមត្រូវ​តាមរបៀប​ប្រជាធិបតេយ្យ​ផ្ទៃក្នុង​ឡើយ»

ការ​លើកឡើង​របស់​អ្នកវិភាគ​បាន​កើតមានឡើង ក្រោយពី​មេដឹកនាំ​របប​ក្រុងភ្នំពេញ​គឺ​លោក ហ៊ុន សែន បាន​បញ្ជាក់​ថា បើ​លោក​បាត់បង់​ដំណែង​ជា​នាយករដ្ឋមន្ត្រី​នោះ គណៈរដ្ឋមន្ត្រី​ទាំងមូល​ក៏​ត្រូវ​បាត់បង់​ដែរ។

លោក ហ៊ុន សែន បាន​បញ្ជាក់​នៅ​ក្នុង​ពិធី​ជួប​ប្រជុំ​ជាមួយ​ក្រុម​កម្មករ កម្មការិនី នៅ​ក្នុង​ខេត្ត​កោះកុង​កាលពី​ថ្ងៃ​ទី​១៣ មិនា ថា លោក​ត្រូវ​កែ​រដ្ឋធម្មនុញ្ញ ឬ​មិន​កែប្រែ​ដោយសារតែ​រដ្ឋធម្មនុញ្ញ​កម្ពុជា​ចែងថា​នៅ​ពេល​ដែល​ដំណែង នាយករដ្ឋមន្ត្រី​ត្រូវ​ទំនេរ​ជា​ស្ថាពរ គណៈរដ្ឋមន្ត្រី​មួយ​ត្រូវ​រៀបចំ​ឡើងវិញ​ដូច្នេះ​រដ្ឋមន្ត្រី​ទាំងឡាយ​កុំ​បន់ស្រន់​ឱ្យ​លោក​ស្លាប់​ឱ្យ​សោះ៖ «មានន័យ​ថាបើ​នាយករដ្ឋមន្ត្រី​ស្លាប់​គឺ​រដ្ឋមន្ត្រី​ត្រូវ​រលាយ​តែម្ដង អត់​មាន​អ្នកណា​ធ្វើ​នាយករដ្ឋមន្ត្រី​ស្ដីទី​បានទេ អត់​មាន​ទេ។ អាហ្នឹង​ត្រូវ​ឱ្យ​ច្បាស់​កន្លែង​ហ្នឹង»

លោក សម រង្ស៊ី ប្រធាន​ស្ដីទី​គណបក្ស​សង្គ្រោះជាតិ មាន​ប្រសាសន៍​នៅ​ក្នុង​កម្មវិធី​វេទិកា​អ្នក​ស្ដាប់​វិទ្យុ​អាស៊ីសេរី​ថា លោក ហ៊ុន សែន កំពុង​ភ័យ​ស្លន់ស្លោ​ចំពោះ​ស្ថានភាព​នយោបាយ​ចុងក្រោយ​នេះ​ទើប​លោក​និយាយ​ផ្ដេសផ្ដាស។ លោក សម រង្ស៊ី មានប្រសាសន៍​ថា សូម​ឱ្យ​ប្រជាពលរដ្ឋ​ខ្មែរ​ប្រុងប្រយ័ត្ន​ចំពោះ​លោក ហ៊ុន សែន ដោយសារតែ​ស្ថានភាព​នយោបាយ​ធ្វើ​ឱ្យ​លោក ហ៊ុន សែន ភ័យខ្លាច​ក្នុង​ការ​ល្បងប្រាជ្ញា​ជាមួយ​លោក៖ «គាត់​មិនមែន​ខ្លាច​តែ​ខ្ញុំ សម រង្ស៊ី ទេ ខ្លាច​តែ​រូប​ខ្ញុំ​ទេ។គាត់​ខ្លាច​ឈ្មោះ​ខ្ញុំ គាត់​ខ្លាច​ស្រមោល​ខ្ញុំ។ ដូច្នេះ​ឱ្យ​តែ​ស្អី​ពាក់ព័ន្ធ​នឹង​ខ្ញុំ​គឺ​គាត់​ស្លន់ស្លោ​ជាទីបំផុត ហៅ​គេ​ហៅ​ឯង​មក​ជួយ​គាត់។ មក​ជេរ​ខ្ញុំ​ដើម្បី​កាត់បន្ថយ​ឥទ្ធិពល របស់ខ្ញុំ​។ អ៊ីចឹង​ឥទ្ធិពល​របស់ខ្ញុំ គឺ​ឥទ្ធិពល​បញ្ញា​ទេ ឥទ្ធិពល​គំនិត ឥទ្ធិពល​នយោបាយ ឥទ្ធិពល​ឧត្ដមគតិ​ទេ»

លោក សម រង្ស៊ី បញ្ជាក់​ថា នយោបាយ​លោក ហ៊ុន សែន​កំពុង​ទាល់ច្រក​យ៉ាង​ខ្លាំង នឹង​គ្មាន​អ្វី​ក្រៅពី​គំរាម​គេឯង​ដើម្បី​ការពារ​អំណាច​របស់​លោក​តែប៉ុណ្ណោះ។ លោកនាយក​រដ្ឋមន្ត្រី ហ៊ុន សែន មួយ​រយៈ​ចុងក្រោយ​នេះ ត្រូវ​បាន​អ្នកវិភាគ​នយោបាយ​មើល​ឃើញ​ថា កំពុង​ដើរ​ដល់​ផ្លូវ​ទាល់ច្រក​។​មាន​ពេល​ខ្លះ​ដើម្បី​ការពារ​អំណាច​របស់​លោក​បាន​យក​រដ្ឋធម្មនុញ្ញ​ដែល​ជា​ច្បាប់​កំពូល​មក​គំរាម​មន្ត្រី​របស់​លោក​ឱ្យ​គោរព​តាម​ទៀត​ផង៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (1)
Share

Remembering in what last day of Hun Sen died...he said if he back down will be nothing sort of a DOOOOOGGY

Last tmil Hun Sen's political resort"take suicide mission"no anyone else knew better than tmil Hun Sen himself and he would be prepares ahead of many cases scenario coming that he is facing daily life.It would be use 4 kinds of"lethal injection...electric chair execution...firing squads,or hang him up",and he won't fled to any countries or face any jail sentence beside dead in the bedroom rather than arrest him alive.What crimes did Hun Sen boss actually commit in the last 4 decades?year here is not one,two or hundreds...there ton of crimes he committed that no anybody else forgive him be plead guilty.When this evil dictator HS committed too many crimes he couldn't handle it and then he tries to deny himself as a criminal in the FB's clips video lives"inner karma cycle".

Mar 17, 2019 01:19 PM

គេហទំព័រ​ទាំងមូល