បក្ស​ប្រឆាំង​មិន​អើពើ​ចំពោះ​ការ​លើក​ឡើង​របស់​លោក ហ៊ុន សែន រឿង​ញុះញង់​ឲ្យ​កម្មករ​ធ្វើ​បាតុកម្ម

ដោយ​ សុ ជីវី
2017-08-30
អ៊ីម៉ែល
មតិ
Share
បោះពុម្ព
លោក​នាយករដ្ឋមន្ត្រី ហ៊ុន សែន ​ជួប​ជាមួយ​កម្មករ​រោងចក្រ​នៅ​សួនឧស្សាហកម្មវឌ្ឍនៈ២ នា​រាជធានី​ភ្នំពេញ កាល​ពី​ព្រឹក​ថ្ងៃ​ទី​៣០ សីហា ឆ្នាំ​២០១៧។
លោក​នាយករដ្ឋមន្ត្រី ហ៊ុន សែន ​ជួប​ជាមួយ​កម្មករ​រោងចក្រ​នៅ​សួនឧស្សាហកម្មវឌ្ឍនៈ២ នា​រាជធានី​ភ្នំពេញ កាល​ពី​ព្រឹក​ថ្ងៃ​ទី​៣០ សីហា ឆ្នាំ​២០១៧។
Photo courtesy of PM Hun Sen's Facebook page

មន្ត្រី​ជាន់​ខ្ពស់​គណបក្ស​ប្រឆាំង​មិន​ចាប់​អារម្មណ៍​ឆ្លើយ​តប​ចំពោះ​ប្រសាសន៍​របស់​លោក​នាយករដ្ឋមន្ត្រី ហ៊ុន សែន ដែល​ថា គណបក្ស​ប្រឆាំង​ជា​ថៅកែ​បាតុកម្ម និង​ជា​អ្នក​នៅ​ពី​ក្រោយ​ក្រុម​តាំង​ខ្លួន​ជា​បង​ធំ​នៅ​ក្នុង​រោងចក្រ និង​គំរាម​ក្រុម​កម្មករ​អោយ​ចូលរួម​បាតុកម្ម​របស់​ខ្លួន។ មន្ត្រី​បក្ស​ប្រឆាំង​ថា ពួកគេ​មាន​គោលនយោបាយ​សុចរិត និង​ផ្ដោត​ទៅ​លើ​តម្រូវការ​របស់​ពលរដ្ឋ។

អ្នកនាំពាក្យ​គណបក្ស​សង្គ្រោះ​ជាតិ លោក យឹម សុវណ្ណ លើកឡើង​ថា គណបក្ស​ប្រឆាំង​មិន​ពាក់ព័ន្ធ នៅ​ពី​មុខ​ ឬ​ពីក្រោយ​ក្រុម​កម្មករ​ឡើយ ដ្បិត​កម្មករ​មាន​ក្រុម​សហជីព​របស់​ពួកគេ។

លោក យឹម សុវណ្ណ មាន​ប្រសាសន៍​បែប​នេះ នៅ​រសៀល​ថ្ងៃ​ទី​៣០ ខែ​សីហា នៅ​ពេល​ចោទ​សួរ​ពី​ប្រតិកម្ម​របស់​គណបក្ស​ប្រឆាំង​តប​នឹង​ប្រសាសន៍​របស់​លោក​នាយករដ្ឋមន្ត្រី​ដែល​បាន​ថ្លែង​ក្នុង​ពេល​លោក​ជួប​ជាមួយ​កម្មករ​កំពុង​បំពេញ​ការងារ​នៅ​រោងចក្រ​មាន​ទីតាំង​ក្នុង​សួន​ឧស្សាហកម្ម​វឌ្ឍនៈ២។

ក្រៅ​ពី​លើក​ឡើង​ពី​ក្រុម​បងធំ​ក្នុង​រោងចក្រ និង​ថា មាន​មនុស្ស​មួយ​ចំនួន​មាន​បក្ស​ប្រឆាំង​នៅ​ពី​ក្រោយ​ខ្នង ថែម​ទាំង​បាន​គំរាម​កម្មករ កម្មការិនី​មិន​អោយ​ចូល​ធ្វើការ​អោយ​ចូល​ធ្វើ​បាតុកម្ម​នោះ លោក​នាយក​រដ្ឋមន្ត្រី​បាន​លើក​ឡើង​ជា​ថ្មី​ទៀត​ពី​ក្រុម "បី​កុំ" ដែល​ទំនង​សំដៅ​ទៅ​ដល់​គណបក្ស​ប្រឆាំង​នេះ​ដែរ ដោយ​សំដៅ​ទៅ​ក្រុម​ដែល​លោក​នាយករដ្ឋមន្ត្រី ចោទ​ថា តែង​រារាំង​បរទេស​ថា កុំ​ផ្ដល់​ជំនួយ​កុំ​មក​វិនិយោគ និង​កុំ​ទិញ​ទំនិញ​ពី​កម្ពុជា។ លើស​ពី​នេះ​លោក​ថា ប្រាក់​បៀវត្សរ៍​របស់​កម្មករ​មិន​មែន​ជា​ការ​ខិតខំ​របស់​បក្ស​ប្រឆាំង​នោះ​ទេ តែ​វា​បាន​មក​ពី​កិច្ច​ខិតខំ​ប្រឹងប្រែង​រួមគ្នា​របស់​រដ្ឋាភិបាល និង​កម្មករ កម្មការិនី​ខ្លួន​ឯង​ផ្ទាល់ ព្រម​ទាំង​ថៅកែ​រោងចក្រ«យើង​មាន​សិទ្ធិ​ធ្វើ​បាតុកម្ម​កូដកម្ម​តាម​ច្បាប់​ការងារ ប៉ុន្តែ​មិន​ត្រូវ​រារាំង​ចំពោះ​អ្នក​ដទៃ​ដែល​គេ​មិន​ចង់​ធ្វើ​បាតុកម្ម​ទេ។ ទាំងអស់​សូម​មេត្តា​កុំ​តាំង​ខ្លួន​ជា​បង​ធំ​នៅ​ក្នុង​តំបន់​រោងចក្រ។ មនុស្ស​ខូច​មួយ​ចំនួន​ដែល​មាន​បក្ស​ប្រឆាំង​នៅ​ពី​ក្រោយ​ខ្នង ខ្លួន​ឯង​មិន​ពេញ​ចិត្ត​ធ្វើ​កូដកម្ម ៥០​នាក់ ប៉ុន្តែ​ទៅ​គំរាម​កំហែង ៥០០​នាក់​មិន​ឲ្យ​ចូល​ធ្វើ​ការ នេះ​មិន​ត្រូវ​ឲ្យ​មាន​តទៅទៀត​ទេ»

លោក យឹម សុវណ្ណ បាន​លើក​ឡើង​ទៀត​ថា គណបក្ស​របស់​លោក​មិន​បាន​ខ្វាយខ្វល់​រឿង​ការ​អធិប្បាយ ឬ​ការ​ចោទ​ប្រកាន់​អ្វី​ទេ លោក​ថា បក្ស​ប្រឆាំង​ខ្វល់​តែ​នឹង​តម្រូវការ​របស់​ពលរដ្ឋ។ លោក​ថា ពេល​នេះ​គណបក្ស​សង្គ្រោះ​ជាតិ ជាប់​រវល់​នឹង​ការងារ​ដែល​ត្រូវ​បំពេញ​តាម​តម្រូវការ​ពលរដ្ឋ​នៅ​ក្នុង​ឃុំ សង្កាត់​ទាំង​ជាង ៥០០ ដែល​គណបក្ស​នេះ​ឈ្នះ​ឆ្នោត«ខ្ញុំ​ខ្លាច​តែ​ប្រជាពលរដ្ឋ​ធ្វើ​អត្ថាធិប្បាយ​ទេ ពីព្រោះ​បើ​សិន​ជា​ប្រជាពលរដ្ឋ​គាំទ្រ​គណបក្ស​សង្គ្រោះ​ជាតិ គាត់​ធ្វើ​អត្ថាធិប្បាយ គាត់​ចេញ​យោបល់​ល្អៗ​ឲ្យ​គណបក្ស​សង្គ្រោះ​ជាតិ ធ្វើ​ការ​បម្រើ​ប្រទេស​ជាតិ បម្រើ​ប្រជាពលរដ្ឋ ហ្នឹង​គឺ​ខ្ញុំ​ចាប់​អារម្មណ៍​តែ​ទៅ​លើ​ប្រជាពលរដ្ឋ​ទេ ក្រៅ​ពី​ហ្នឹង​ចង់​អ្នក​ណា​គេ​ចង់​មាន​មតិ​អី​ក៏​ជា​រឿង​របស់​គេ​ទៅ​ចុះ»

នេះ​ជា​ការ​ចុះ​ជួប​ក្រុម​កម្មករ​ជា​លើក​ទី​៤​ហើយ​របស់​លោក​នាយករដ្ឋមន្ត្រី ហ៊ុន សែន ហើយ​នៅ​ថ្ងៃ​នេះ លោក​បាន​ទទួលទាន​បាយ​កញ្ចប់​ជាមួយ​កម្មករ ដោយ​មាន​ការ​សន្យា និង​ផ្ដល់​អត្ថប្រយោជន៍​មួយ​ចំនួន​ដល់​កម្មករ ដែល​មិន​ខុស​ពី​ការ​ចុះ​ជួប​ជាមួយ​កម្មករ​នៅ​លើក​មុន​ៗ​ដែរ ក្នុង​នោះ​រួមមាន ការ​ដំឡើង​ប្រាក់​ឈ្នួល​ដល់ ១៦០​ដុល្លារ​នៅ​ឆ្នាំ​២០១៨ ការ​ធានា​បង់​ប្រាក់ ធានា​ថែទាំ​សុខភាព​ទៅ​បេឡា​ជាតិ​របប​សន្តិសុខ​សង្គម ដោយ​និយោជក ឬ​ភាគី​ថៅកែ​រោងចក្រ ការ​ផ្ដល់​សេវា​​ឡាន​ក្រុង​ដោយ​មិន​គិត​ថ្លៃ​ដល់​ក្រុម​កម្មករ ការ​សន្យា​ផ្ដល់​ប្រាក់​សោធន​និវត្តន៍ ការ​ណែ​នាំ​​អោយ​ម្ចាស់​ផ្ទះ​ជួល​ផ្អាក​ការ​ដំឡើង​ថ្លៃ​ឈ្នួល​ផ្ទះ និង​ការ​ផ្ដល់​អត្ថប្រយោជន៍​ដល់​កម្មករ​ដែល​មាន​ផ្ទៃពោះ​ជា​ដើម។

ទាំង​អ្នក​វិភាគ និង​តំណាង​សហជីព​ហៅ​យុទ្ធនាការ​ជួប​កម្មករ​របស់​លោក​នាយក​រដ្ឋមន្ត្រី ហ៊ុន សែន នៅ​ពេល​នេះ​ជា​រឿង​ល្អ​មួយ ដើម្បី​ឲ្យ​មេ​ដឹកនាំ​ដឹង​សុខ​ទុក្ខ​កម្មករ​ដែល​កំពុង​តែ​ប្រឈម​នឹង​បញ្ហា​លំបាក​នា​ពេល​បច្ចុប្បន្ន។ ពួក​គេ​លើក​ឡើង​ដែរ​ថា ប្រសិន​បើ​លោក​នាយករដ្ឋមន្ត្រី​ពិត​ជា​គិតគូរ​ដល់​កម្មករ​ជា​ធំ​មែន​នោះ លោក ហ៊ុន សែន ប្រាកដ​ជា​ទាមទារ​ឲ្យ​អាជ្ញាធរ​ពាក់ព័ន្ធ រួម​ទាំង​តុលាការ រក​យុត្តិធម៌​ជូន​កម្មករ​នៅ​ផ្លូវ​វ៉េងស្រេង ដែល​រង​ការ​បាញ់​ប្រហារ​ពី​កង​កម្លាំង​ប្រដាប់​អាវុធ​កាល​ពី​ដើម​ឆ្នាំ​២០១៤។ បើ​ពុំ​នោះ​សោត ការ​ជួប​ក្រុម​កម្មករ​នៅ​ពេល​នេះ គឺ​អាច​ជា​នយោបាយ​ប្រជាភិថុតិ​ទៅ​វិញ​ទេ។ ម្យ៉ាង​ទៀត ចំពោះ​ការ​ធ្វើ​បាតុកម្ម​វិញ​អ្នក​វិភាគ​មើល​ឃើញ​ថា រដ្ឋាភិបាល​មិន​អាច​ទប់ស្កាត់​កម្មករ​ក្នុង​ការ​ធ្វើ​បាតុកម្ម​បាន​នោះ​ទេ បើ​សិន​ជា​អំពើ​អយុត្តិធម៌ ការ​គាប​សង្កត់​កម្មករ​នៅ​តែ​កើត​ឡើង៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (6)
Share

អ្នក​អាន​អនាមិក

HUN SEN need to stop using Facebook if he don't like whatever USA have offer. He may need to know that all cloth factory in Cambodia is get COTA tax break millions of dollars from the USA government each year and if anything happens all those factory will close and go some place else instead of Cambodia, also close to a million of garment will out of job.

Aug 31, 2017 06:11 AM

Khmer

ពី Phnom Penh

ខ្ញុំគិតថា, ការគាំទ្ររបស់គណបក្សសង្គ្រោះជាតិនៅពីក្រោយកម្មករគឺល្អជាងគណបក្សប្រជាជនជាពិសេសលោកហ៊ុនសែនគាំទ្រនៅពីក្រោយអំពើពុករលួយនិងឃាតករឧក្រិដ្ឋជន។ បើសិនជាលោកហ៊ុនសែនចង់រកឃើញភស្តុតាងលើកម្មករ, ថាហេតុអ្វីបានជាលោកហ៊ុនសែនមិនបានរកឃើញអំពើពុករលួយនិងឃាតកសម្លាប់នោះ។ ហេតុអ្វី? អ្វីដែលខ្ញុំនិយាយគឺជាការពិត។

Aug 31, 2017 02:13 AM

អ្នក​អាន​អនាមិក


មិនដែលឃើញទៅសួរសុខទុក្ខកម្មកររោកចក្រសោះ ស្រាប់តែជិតដល់ពេលបោះឆ្នោតលេចធ្ងោតែម្តង មិនតែប៉ុណ្នោះញុះញង់ឲ្យខ្មែរស្អប់ខ្មែរ ឲ្យខ្មែរបែកបាក់សាមគ្គី ថែមទាំងលាបពណ៍ខ្មែរឲ្យធ្វើជាសត្រូវនឹងគ្នា ចុះនាយកអីក៍ស្មោកគ្រោកម្លេះ! មិនសមជានាយកសូម្បីតែបន្តិចក៍គ្មាន។ ជានពាល។

អ្នកណានៅពីក្រោយការបាញ់សម្លាប់កម្មកររោកចក្រនៅផ្លូវវែងស្រេង? ខ្មែរដឹង។

អ្នកណានៅពីក្រោយការបាញ់សម្លាប់ព្រះសង្ឃ សម ប៊ុនធឿន លោក ឈុត វុទ្ធី លោក ជា វិជ្ជា លោក កែម ឡី កញ្ញា ទូច សូនិច ពិសិទ្ធ ពិលីកា? ខ្មែរដឹង។

អ្នកណានៅពីក្រោយផែនការណ៍ ក៥ ប្រល័យ ពូជសាសន៍ខ្មែរ? ខ្មែរដឹង

អ្នកណាប្លន់អំណាចដោយរដ្ឋប្រហារមកដល់សព្វ ថ្ងៃ? ខ្មែរដឹង។

រឿងឧក្រិដ្ឋកម្មច្រើនរាប់មិនអស់ទៀតដែលជនពាលស្មោកគ្រោកម្នាក់ហ្នឹងបានប្រព្រឺត្តចំពោះជាតិខ្មែរ។ បើនិយាយតាមច្បាប់ត្រូវមានវិញ គឺត្រូវទទួលទោសប្រហារជីវិត្តព្រោះខ្លួនជាជនក្បត់ជាតិ។

Aug 30, 2017 08:32 PM

អ្នក​អាន​អនាមិក

បើលោកហ៊ុន សែនលើកឡើងចំៗអញ្ចឹង​ តើឲ្យល្បងសុីនិងCNRPមានអីជំទាស់កើត។នេះហើយគេហៅថាដើរទាន់ជាន់កែងនោះ។

Aug 30, 2017 08:01 PM

អ្នក​អាន​អនាមិក

បងប្អូនប្រហែលជានៅចាំបានហើយនូវពាក្យស្លោករបស់ពួកនេះ បីមិន មួយរាយការណ៍។ ឥឡូវដល់ពេលគេប្រើទៀតហើយ បីកុំ គឺកុំជឿការបោកប្រាស់បន្តទៀត កុំតាមការឃោសនាគំរាមបោកបញ្ឆោតពីសង្គ្រាម កុំបោះឆ្នោតអោយ។

Aug 30, 2017 03:22 PM

មើល​មតិ​ទាំង​អស់.

គេហទំព័រ​ទាំងមូល