លោក ហ៊ុន សែន៖ បើ​មាន​ការ​ផ្ទេរ​អំណាច​គឺ​មិន​ផ្ទេរ​ទៅ​អ្នក​ផ្សេង​ឡើយ

ដោយ យាង សុជាមេត្តា
2017-06-02
អ៊ីម៉ែល
មតិ
Share
បោះពុម្ព
លោក​នាយករដ្ឋមន្រ្តី ហ៊ុន សែន (លើក​ដៃ​នៅ​លើ​រថយន្ត​ខាង​ឆ្វេង) ចូលរួម​ហែ​ក្បួន​ឃោសនា  នៅ​ថ្ងៃ​ចុង​ក្រោយ​នៃ​យុទ្ធនាការ ឃោសនា​បោះឆ្នោត​ជ្រើសរើស​ក្រុម​ប្រឹក្សា​ឃុំ-សង្កាត់ នៅ​រាជធានី​ភ្នំពេញ នៅ​ថ្ងៃ​ទី២ ខែ​មិថុនា ឆ្នាំ​២០១៧។ RFA/Tep Sony
លោក​នាយករដ្ឋមន្រ្តី ហ៊ុន សែន (លើក​ដៃ​នៅ​លើ​រថយន្ត​ខាង​ឆ្វេង) ចូលរួម​ហែ​ក្បួន​ឃោសនា នៅ​ថ្ងៃ​ចុង​ក្រោយ​នៃ​យុទ្ធនាការ ឃោសនា​បោះឆ្នោត​ជ្រើសរើស​ក្រុម​ប្រឹក្សា​ឃុំ-សង្កាត់ នៅ​រាជធានី​ភ្នំពេញ នៅ​ថ្ងៃ​ទី២ ខែ​មិថុនា ឆ្នាំ​២០១៧។ RFA/Tep Sony
RFA/Tep Sony

លោក​នាយករដ្ឋមន្ត្រី ហ៊ុន សែន ថ្លែង​ជា​ថ្មី​ថា បើ​មាន​ការ​ផ្ទេរ​អំណាច ឬ​តំណែង​មែន គឺ​ជា​ការ​ផ្ទេរ​ទៅ​ឲ្យ​កូន​ចៅ​របស់​គណបក្ស​ប្រជាជន​កម្ពុជា មិន​មែន​ផ្ទេរ​ទៅ​ឲ្យ​អ្នក​ផ្សេង​នោះ​ទេ។ ការ​ថ្លែង​របស់​លោក ហ៊ុន សែន ធ្វើ​ឡើង​ចំពោះ​មុខ​អ្នក​ចូលរួម​យុទ្ធនាការ​ឃោសនា​បោះឆ្នោត​ជ្រើសរើស​ក្រុមប្រឹក្សា​ឃុំ-​សង្កាត់ នា​រាជធានី​ភ្នំពេញ នៅ​ថ្ងៃ​ទី​២ ខែ​មិថុនា។

នេះ​ជា​លើក​ទី​១​ហើយ​ក្នុង​អំឡុង​ពេល​ឃោសនា​បោះឆ្នោត​ដែល​លោក ហ៊ុន សែន បាន​ចេញ​មុខ​ឃោសនា​រក​សំឡេង​ឆ្នោត​សម្រាប់​ការ​បោះឆ្នោត​ជ្រើសរើស​ក្រុមប្រឹក្សា​ឃុំ-​សង្កាត់ ដែល​នឹង​ប្រព្រឹត្តទៅ​នៅ​ថ្ងៃ​ទី​៤ ខែ​មិថុនា។

នៅ​ថ្ងៃ​ឃោសនា​ចុង​ក្រោយ​នេះ ក្នុង​នាម​ជា​ប្រធាន​គណបក្ស​កាន់​អំណាច លោក ហ៊ុន សែន អំពាវនាវ​ឲ្យ​សមាជិក​បក្ស​ត្រូវ​ការពារ​បក្ស និង​ចាំបាច់​ត្រូវ​បោះឆ្នោត​ឲ្យ​គណបក្ស​ប្រជាជន​កម្ពុជា។ លោក​ថា "ការ​សម្រេច​ចិត្ត​ខុស​មួយថ្ងៃ ចង្រៃ​មួយ​ជីវិត"។ លោក ហ៊ុន សែន ថែម​ទាំង​ថ្លែង​ឌឺដង​ឲ្យ​បក្ស​ប្រឆាំង​ដែល​លោក​ថា កន្លង​ទៅ​ធ្លាប់​តែ​មិន​គាំទ្រ​បក្ស​កាន់អំណាច​ក្នុង​ការ​ទម្លាក់​ថវិកា​វិស័យ​យោធា តែ​បែរ​ជា​​ចង់​បំពាក់អាវុធ​ឲ្យ​យោធា​ទៅ​វិញ។ លោក​ថា នេះ​គ្រាន់​តែ​ជា​នយោបាយ​ប្រជាភិថុតិ​ដើម្បី​ទាក់ទាញ​សន្លឹក​ឆ្នោត​ប៉ុណ្ណោះ។

ក្រៅ​ពី​នេះ លោក ហ៊ុន សែន ក៏​បាន​រម្លឹក​ឡើង​វិញ​ពី​ការ​តស៊ូ និង​ប្ដេជ្ញា​ការពារ​សន្តិភាព​ដែល​លោក​ថា បាន​នាំ​មក​ឲ្យ​ប្រទេស​កម្ពុជា តាម​រយៈ​នយោបាយ​ឈ្នះ ឈ្នះ និង​ប្ដេជ្ញា​ការពារ​សន្តិភាព​ឲ្យ​បាន។ លោក ហ៊ុន សែន ក៏​បាន​រិះគន់​គោលនយោបាយ​គណបក្ស​ប្រឆាំង​ទម្លាក់​ថវិកា ៥០​ម៉ឺន​ដុល្លារ​ដល់​ឃុំ-​សង្កាត់ ពេល​ខ្លួន​ឈ្នះ​ឆ្នោត​ឆ្នាំ​២០១៨ ដែល​លោក ហ៊ុន សែន ថា​មិន​អាច​ទៅ​រួច​នោះ​ទេ។

លោក ហ៊ុន សែន៖ «បោះឆ្នោត​ជូន​គណបក្ស​ប្រជាជន​កម្ពុជា ដើម្បី​បន្ត​សន្តិភាព និង​ការ​រីកចម្រើន បោះ​ឆ្នោត​ជូន​គណបក្ស​ប្រជាជន គឺ​ដើម្បី​រីកចម្រើន​ខ្លួន​ឯង ការ​សម្រេច​ចិត្ត​ខុស​មួយ​ថ្ងៃ​ចង្រៃ​មួយ​ជីវិត ដែល​យើង​ធ្លាប់​បាន​ជួប​ប្រទះ​រួច​ទៅ​ហើយ លន់ នល់ បាន​សម្រេច​ចិត្ត​ខុស​នៅ​ថ្ងៃ​ទី​១៨ ខែ​មីនា ឆ្នាំ​១៩៧០ ធ្វើ​ឲ្យ​យើង​ក្លាយ​ទៅ​ជា​ជនរងគ្រោះ​រហូត​ដល់​ពេល​នេះ ដូច្នេះ​អ្វី​ដែល​មាន​ក្នុង​ដៃ​រួច​ហើយ​ត្រូវ​បន្ត​កាន់​អោយ​ជាប់»

លោក ហ៊ុន សែន ថ្លែង​អួត​ដែរ​ថា ក្នុង​ថ្ងៃ​ឃោសនា​ចុង​ក្រោយ​នេះ គណបក្ស​លោក​បាន​ជួល​ប៉ុស្តិ៍​ទូរទស្សន៍​ចំនួន​៨ ដើម្បី​ផ្សាយ​ផ្ទាល់ ដោយ​ចំណាយ ៣០០​ដុល្លារ​ក្នុង​១​នាទី។

នៅ​ថ្ងៃ​ចុង​ក្រោយ​នៃ​យុទ្ធនាការ​ឃោសនា​បោះឆ្នោត​នៅ​រាជធានី​ភ្នំពេញ មាន​គណបក្ស​នយោបាយ​តែ​ពីរ​គត់​ដែល​ធ្វើ​យុទ្ធនាការ គឺ​គណបក្ស​ប្រជាជន​កម្ពុជា និង​គណបក្ស​សង្គ្រោះ​ជាតិ។ ក្បួន​គណបក្ស​ប្រជាជន​កម្ពុជា ហែ​ចេញ​ពី​ផ្លូវ ៦០​ម៉ែត្រ ក្នុង​សង្កាត់​ចាក់អង្រែលើ នៅ​ពេល​ព្រឹក ខណៈ​ដែល​ក្បួន​របស់​គណបក្ស​សង្គ្រោះ​ជាតិ ហែ​ចេញ​ពី​វត្ត​ពោធិយារាម ហៅ​វត្ត​ចាស់ នៅ​ម៉ោង ៣​រសៀល។

ថ្លែង​នៅ​ចំពោះ​មុខ​អ្នក​គាំទ្រ​របស់​ខ្លួន​នៅ​មុខ​វត្ត​ចាស់ ប្រធាន​គណបក្ស​សង្គ្រោះ​ជាតិ លោក កឹម សុខា ថា​បក្ស​ប្រឆាំង​ចង់​ផ្លាស់ប្ដូរ​ប្រទេស​កម្ពុជា ជា​វិជ្ជមាន គឺ​ប្ដូរ​ពី​សន្តិភាព​មួយ​ជ្រុង​ទៅ​សន្តិភាព​ពេញលេញ ពី​សន្តិភាព​ដោយ​អយុត្តិធម៌​ទៅ​យុត្តិធម៌ ពី​សន្តិភាព​មានការ​គំរាមកំហែង ទៅ​សន្តិភាព​គ្មាន​ការ​គំរាមកំហែង ដែល​មាន​ន័យ​ថា ជា​សន្តិភាព​សម្រាប់​ខ្មែរ​ទាំង​អស់​គ្នា៖ «បង​ប្អូន​ខ្មែរ​យើង​ធ្លាប់​មាន​ប្រវត្តិ​ល្បីល្បាញ​តាំងពី​សម័យ​អង្គរ គេ​គោរព​កោត​ស្ញប់ស្ញែង​ពេញ​សកលលោក តែ​ឥឡូវ​ម៉េច​ក៏​អន្តរជាតិ​គេ​គិតតែ​ស្ដី​អោយ​អ៊ីចឹង ព្រោះ​អី​មក​ពី​រំលោភ​សិទ្ធិមនុស្ស​បងប្អូន​មក​ពី​បំផ្លិចបំផ្លាញ​ធម្មជាតិ​មែន​ទេ បង​ប្អូន មកពី​ពុករលួយ​មែន​ទេ​បងប្អូន បោះ​ឲ្យ​សង្គ្រោះ​ជាតិ​យើង​នឹង​លើក​កិត្យានុភាព តម្លៃ​របស់​ជាតិខ្មែរ​យើង​ឲ្យ​ថ្កុំថ្កើង​ឡើង​វិញ»

​ចំណែក​អតីត​ប្រធាន​គណបក្ស​សង្គ្រោះ​ជាតិ លោក សម រង្ស៊ី បាន​ថ្លែង​នៅ​លើ​ទំព័រ​ហ្វេសប៊ុក ពី​បរទេស​អំពាវនាវ​ឲ្យ​ពលរដ្ឋ​ទៅ​បោះឆ្នោត​ទៅ​តាម​សតិសម្បជញ្ញៈ​របស់​ខ្លួន ដោយ​មិន​ត្រូវ​ភ័យខ្លាច​តាម​ការ​គំរាមកំហែង​របស់​អ្នក​នយោបាយ​ឡើយ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (11)
Share

Punisher

និយាយដូចប្រទេសខ្មែរគ្មាននរណាស្មើរនិងកូនខ្លួនឯងអញ្ចឹង! ហើយសូមប្រាប់សម្តេចថាគ្មាននរណាចង់ប្តូរមេដឹកនាំទេ តែមកពីធ្វើអោយប្រជាជនឆ្អែតរាល់ថ្ងៃ។

Jun 03, 2017 03:10 AM

LY CHHONG

ពី PHNOM PENH

ខ្ញុំសង្ស័យមិនបានផ្ទេរអំណាចឲ្យអ្នកផេ្សងផង សង្ស័យខ្លាចក្រែងភយ័ពេកដាច់សសៃឈាមខួរក្បាលដេកនៅលើគ្រែផងក៏មិនដឹង។ខ្ញុំសូមបន់ព្រះសូមកុំឲ្យសម្ដេចភយ័ពេកក្រែងលរដូចខ្ញុំសង្ស័យទៅចប់៕

Jun 02, 2017 08:12 PM

ដើមត្នោត

We need the change for our people interest. Why we don't try and wait for only mono-party in leading the country as today. យើងត្រូវការផ្លាស់ប្ដូរដើម្បីប្រយោជន៍រាស្ត្រទូទៅ។ ហេតុអ្វីយើងមិនសាកល្បង​ តែបែរជារង់ចាំតែរបស់ឯកបក្សដូចសព្វថ្ងៃនេះ។ ថាឯកបក្សព្រោះ​ បក្សឯទៀតមិនមានសិទ្ធិអ្វីទាំងអស់ក្រៅអំពីជាកូនអុកក្នុងល្បែងនយោបាយ ។

Jun 02, 2017 06:58 PM

អ្នក​អាន​អនាមិក

The Vietnames who reside on the lake of Tonle Sap get ready and also pack their items to go back to Vietnam. The new Khmer government(CNRP) will send you back peacefully.

Jun 02, 2017 02:45 PM

អ្នក​អាន​អនាមិក

You are right Hun Sen. One wrong vote we suffer for over 30 years under your notorious regime and you are wrong regarding the March 18, 1970. Mr. Lun Nol was trying to protect our homeland from the invading North Vietnamese force which you and your clan had joined them. So shameful that you have a Khmer body with enemy head and brain. And by the way we the people will make the transfer of power. Do you get it, Sakmakmit Sen?

Jun 02, 2017 01:48 PM

មើល​មតិ​ទាំង​អស់.

គេហទំព័រ​ទាំងមូល