លោក ហ៊ុន សែន ព្រមាន​ចាប់​អ្នកទោស​មនសិការ​ដាក់​គុក​ជា​ថ្មី​ទៀត បើ​នៅ​តែ​ហ៊ាន​និយាយ​ប៉ះពាល់​​របប​លោក

សេក បណ្ឌិត
2018-08-23
អ៊ីម៉ែល
មតិ
Share
បោះពុម្ព
លោក គឹម សុខ (ឆ្វេង) អ្នក​ឃ្លាំ​មើល​សង្គម និង​នយោបាយ និង​លោក​នាយករដ្ឋមន្ត្រី ហ៊ុន សែន (ស្ដាំ)។ RFA
លោក គឹម សុខ (ឆ្វេង) អ្នក​ឃ្លាំ​មើល​សង្គម និង​នយោបាយ និង​លោក​នាយករដ្ឋមន្ត្រី ហ៊ុន សែន (ស្ដាំ)។ RFA
RFA

មេដឹកនាំ​របប​ក្រុងភ្នំពេញ លោក ហ៊ុន សែន ថ្លែង​នៅ​ចំពោះ​មុខ​កម្មករ​ជាង ១​ម៉ឺន​នាក់ នៅ​ថ្ងៃ​ព្រហស្បតិ៍ ទី​២៣ សីហា នេះ​ថា អ្នក​ដែល​ទើប​ត្រូវ​បាន​ដោះលែង​ពី​ពន្ធនាគារ​នោះ អាច​នឹង​ត្រូវ​បាន​ចាប់​ដាក់​ពន្ធនាគារ​ជា​ថ្មី​ទៀត បើ​នៅតែ​ហ៊ាន​និយាយ​រិះគន់​របប​របស់​លោក​នោះ។

របប​នេះ​បាន​ដោះលែង​អ្នកទោស​មនសិការ​មួយ​ចំនួន​ជា​បន្តបន្ទាប់ ក្រោយពេល​ក្រសោប​យក​អាសនៈ​សភា​មក​គ្រប់គ្រង​តែម្នាក់​ឯង។

លោក ហ៊ុន សែន ព្រមាន​ថា អ្នក​ទើបនឹង​ចេញពី​ពន្ធនាគារ​អាច​នឹង​ត្រូវ​ចាប់​ដាក់គុក​ជា​ថ្មី​ទៀត បើ​និយាយ​ប៉ះពាល់​ដល់​អ្នកដទៃ។

លោក​បន្ត​ថា ការ​រួច​ផុត​ពី​ការ​ឃុំ​ឃាំង​ក្នុង​ពន្ធនាគារ មិនមែន​មានន័យថា ជន​នោះ​រួចខ្លួន​លែង​ជាប់គុក​ទៀត​នោះ​ទេ។ «»

ទោះជា​មិនបាន​និយាយ​ចំ​ឈ្មោះ​ក្តី បុរស​ខ្លាំង​រូប​នេះ​ទំនងជា​សំដៅ​ទៅលើ​លោក គឹម សុខ ដោយសារ​អ្នកវិភាគ​នយោបាយ​រូប​នេះ បាន​និយាយ​ដោយ​ឥត​សំចៃ​មាត់​ទៅលើ​របៀប​ដឹកនាំ​របស់​បក្ស​កាន់​អំណាច និង​ស្ថានការណ៍​នយោបាយ​ដ៏​អាប់អួ​នៅ​កម្ពុជា។

លោក គឹម សុខ ថ្លែង​ថា ស្ថានភាព​សង្គម​កម្ពុជា​សព្វថ្ងៃ​ទាមទារ​ឱ្យ​មាន​ការចូលរួម​ពី​ពលរដ្ឋ​ទូទៅ មិន​អាច​ពឹង​តែ​ទៅលើ​អ្នកណា​ម្នាក់ ឬ​ក្រុម​ណាមួយ​បាន​នោះ​ទេ។ លោក​ថា លោក ហ៊ុន សែន ដោះស្រាយ​បញ្ហា​ជាតិ​ទៅ​តាម​តួនាទី​ជា​នាយករដ្ឋមន្ត្រី ហើយ​លោក​ជា​អ្នកវិភាគ​ចូលរួម​ជួយ​សង្គម​តាមរយៈ​ការ​ចែករំលែក​គំនិត​ទៅ​ដល់​សាធារណជន។ លោក​ថា​កម្ពុជា​មិនមែន​ជា​ប្រទេស​ផ្ដាច់មុខ​របស់​ជន​ណា​ម្នាក់​នោះ​ទេ តែ​ជា​របស់​ពលរដ្ឋ​ខ្មែរ​គ្រប់គ្នា ដូច្នេះ​ក្នុងនាម​ជា​ពលរដ្ឋ​ម្នាក់ លោក​មាន​សិទ្ធិ និង​ត្រូវតែ​បញ្ចេញយោបល់​ទាក់ទង​នឹង​បញ្ហា​សំខាន់ៗ​របស់​ជាតិ។ «»

របប​ក្រុងភ្នំពេញ​បាន​ដោះលែង​អ្នកទោស​មនសិការ​ជា​បន្ត​បន្ទាប់ រួមមាន អ្នកវិភាគ​នយោបាយ លោក គឹម សុខ សកម្មជន​ការពារ​សិទ្ធិ​ដីធ្លី​អ្នកស្រី ទេព វន្នី ព្រមទាំង​អតីត​បុគ្គលិក​អាស៊ីសេរី​ពីរ​រូប គឺ​លោក អ៊ួន ឈិន និង​លោក យាង សុធារិន្ទ ក៏ប៉ុន្តែ​មិន​ទាន់​ឃើញ​មានការ​ដោះលែង​ថ្នាក់​ដឹកនាំ និង​សកម្មជន​គណបក្ស​សង្គ្រោះជាតិ​ជិត ២០​នាក់ ដែល​កំពុង​ជាប់ឃុំ​ក្នុង​ពន្ធនាគារ​នោះ​នៅឡើយ​ទេ។

ទោះជា​មានការ​ដោះលែង​អ្នកទោស​មនសិការ​មួយ​ចំនួន​ក្តី ក៏​របប​លោក ហ៊ុន សែន មិន​បាន​ទម្លាក់​ចោល​បទចោទប្រកាន់​ទាំងឡាយ​ប្រឆាំង​នឹង​សកម្មជន​សង្គម​ទាំង​នោះ​ឡើយ ធ្វើ​ឱ្យ​ពួកគេ​ត្រូវ​ប្រឈមមុខ​នឹង​ការ​ចាប់​ដាក់​ពន្ធនាគារ​វិញ​គ្រប់​ពេល នៅ​ពេល​មាន​បញ្ជា​ពី​របប​ក្រុងភ្នំពេញ។

អ្នកនាំពាក្យ​សមាគម​សិទ្ធិមនុស្ស​អាដហុក (ADHOC) លោក សឹង សែនករុណា ថ្លែង​ថា ប្រសាសន៍​របស់​លោក ហ៊ុន សែន ជា​ការ​គំរាមកំហែង​ដល់​សេរីភាព​នៃ​ការ​បញ្ចេញមតិ។ លោក​ថា​នៅ​ក្នុង​សង្គម​ប្រជាធិបតេយ្យ សេរីភាព​នេះ​ត្រូវ​បាន​ធានា​ដោយ​ច្បាប់ និង​មិន​ត្រូវ​មានការ​ការ​រឹតត្បិត​បែបនេះ​ឡើយ។ លោក​ជំរុញ​ឱ្យ​របប​ដឹកនាំ​បច្ចុប្បន្ន​បើក​ចិត្ត​ឱ្យ​ទូលាយ​ទទួលយក​មតិយោបល់​ពី​គ្រប់​អ្នក​ពាក់ព័ន្ធ និង​ពលរដ្ឋ​ទូទៅ មិនមែន​ជា​ការ​ចាត់​វិធានការណ៍​តាម​ផ្លូវ​ច្បាប់​ទៅលើ​អ្នក​ហ៊ាន​បញ្ចេញមតិ​រិះគន់​នោះ​ទេ។ «»

មន្ត្រី​សិទ្ធិមនុស្ស​រូប​នេះ ជំរុញ​ឱ្យ​អាជ្ញាធរ​ដោះលែង​អ្នក​ទោស​នយោបាយ​ដែល​កំពុង​ជាប់ឃុំ និង​ទម្លាក់​ចោល​បទចោទប្រកាន់​ទាំងឡាយ​ប្រឆាំង​នឹង​សកម្មជន​នយោបាយ និង​សកម្មជន​សង្គម ដើម្បី​ឱ្យ​ពួកគេ​មានឱកាស​វិល​មក​បំពេញការងារ​ជា​ប្រយោជន៍​ជាតិ​ជាថ្មី​ម្ដង​ទៀត៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (1)
Share

អ្នក​អាន​អនាមិក

ពី Cambodian has no need dictator...but Cambodian always have great our forefather founder Jay Varman VII

A horrible serial killer Hun Sen warned to a 14 former members of CNRP"Cambodian National Rescue Party"who just released from prison by king's pardoned in recent days,and its"HS" said if all those former prisoners still criticizes or political attack to his rogue govm't,it would be send back to prison once again"untouchable tmil Hun Sen",and who'm I?...'m a badass dictator for life without anyone above me.

Sep 02, 2018 11:44 AM

គេហទំព័រ​ទាំងមូល