លោក ហ៊ុន សែន ហៅ​លោក សម រង្ស៊ី ថា​ជា​កូន​របស់​ជន​ក្បត់​ជាតិ

ដោយ ម៉ម មុនីរតន៍
2015-11-12
អ៊ីម៉ែល
មតិ
Share
បោះពុម្ព
លោក​នាយករដ្ឋមន្ត្រី ហ៊ុន សែន (ឆ្វេង) លោក សម រង្ស៊ី (ស្ដាំ) ប្រធាន​គណបក្ស​សង្គ្រោះជាតិ។
លោក​នាយករដ្ឋមន្ត្រី ហ៊ុន សែន (ឆ្វេង) លោក សម រង្ស៊ី (ស្ដាំ) ប្រធាន​គណបក្ស​សង្គ្រោះជាតិ។
RFA

ប្រមុខ​រដ្ឋាភិបាល​បាន​ផ្ញើ​សារ​នយោបាយ​ចុង​ក្រោយ​របស់​លោក ទៅ​កាន់​មេ​បក្ស​ជំទាស់​ដែល​អ្នក​វិភាគ​ចាត់​ទុក​ថា ជា​សារ​អសីលធម៌ និង​មិន​គួរ​ឲ្យ​កើត​មាន​ឡើយ។ សារ​ដែល​លោក​នាយករដ្ឋមន្ត្រី​បាន​ហៅ​លោក សម រង្ស៊ី មេ​បក្ស​ប្រឆាំង​ដែល​អ្នក​វិភាគ​យល់​ថា គំរោះគំរើយ​នោះ គឺ​លោក ហ៊ុន សែន ហៅ​ថា ជា​កូន​អា​ក្បត់​ជាតិ។

ប្រតិកម្ម​ជា​ថ្មី​ទៀត​របស់​លោក​នាយករដ្ឋមន្ត្រី​នៅ​ពេល​នេះ បាន​ធ្វើ​ឲ្យ​កម្ដៅ​នយោបាយ​ដែល​មិន​ទាន់​ទាំង​បាន​ត្រជាក់​ទៅ​វិញ​ស្រួលបួល​ផង​នោះ កើន​ឡើង​មួយ​កម្រិត​ថែម​ទៀត។

កម្ដៅ​នយោបាយ​ដែល​បាន​ផ្ទុះ​ឡើង​ជា​ថ្មី​ទៀត រហូត​ធ្វើ​ឲ្យ​ថ្នាក់​ដឹកនាំ​ប្រទេស​ប្រើប្រាស់​វង្សត្រកូល​មក​ធ្វើ​ជា​ល្បែង​ម្ដង​វិញ​នេះ ខណៈ​ដែល​មេដឹកនាំ​បក្ស​ជំទាស់​អំពាវនាវ​ឲ្យ​ប្រទេស​ជប៉ុន ជួយ​បញ្ចុះ​កម្ដៅ​នយោបាយ​នៅ​កម្ពុជា ដែល​កំពុង​តែ​ឡើង​អង្សា​កាន់​តែ​ខ្លាំង ក្នុង​ដំណាក់​កាល​ចុង​ក្រោយ​នេះ។

កាល​ពី​រាត្រី​ថ្ងៃ​ទី​១១ ខែ​វិច្ឆិកា លោក ហ៊ុន សែន បាន​បញ្ចេញ​សារ​នយោបាយ​យ៉ាង​ពិស្ដារ​របស់​លោក​នៅ​លើ​បណ្ដាញ​សង្គម​ហ្វេសប៊ុក (Facebook) ដោយ​ហៅ​លោក សម រង្ស៊ី ថា ជា​កូន​អា​ក្បត់​ជាតិ។ បន្ថែម​លើ​នេះ លោក​នាយករដ្ឋមន្ត្រី​បាន​ផ្សាយ​ផ្ទាល់​សារ​ទាំង​នោះ​តាម​ហ្វេសប៊ុក​របស់​លោក​នៅ​រសៀល​ថ្ងៃ​ទី​១២ ខែ​វិច្ឆិកា នេះ​ទៀត។ លោក​បន្ត​ថា «ខ្ញុំ​គ្រាន់​តែ​និយាយ​តាម​សម្ដេច​ព្រះ​នរោត្តម សីហនុ អំពី សម សារី ក្បត់​ជាតិ។ តែ​ឪ​ក្បត់​ជាតិ វា​ត្រូវ​កូន​មាន​ឈ្មោះ​ថា​កូន​អា​ក្បត់​ជាតិ​ហើយ។ គេ​មិន​ដែល​ហៅ​ឯកឧត្ដម​ក្បត់​ជាតិ​ទេ គេ​ហៅ​អា​ក្បត់​ជាតិ»

បើ​ទោះ​ជា​បែប​ណា សម្រាប់​អ្នក​វិភាគ​នយោបាយ​យល់​ឃើញ​ថា បញ្ហា​នេះ​រឹត​តែ​រុញ​ច្រាន​ឲ្យ​កម្ពុជា ធ្លាក់​ក្នុង​ភាព​អាម៉ាស់​កាន់​តែ​ខ្លាំង​នៅ​លើ​ឆាក​អន្តរជាតិ​ថែម​ទៀត។

លោក អ៊ូ វីរៈ ប្រធាន​អង្គការ​នៃ​វេទិកា​អនាគត បង្ហាញ​ការ​សោកស្ដាយ​ដែល​មេដឹកនាំ​កំពូល​របស់​ប្រទេស ប្រើប្រាស់​មធ្យោបាយ​នេះ​ដើម្បី​ហេតុផល​នយោបាយ​របស់​ខ្លួន។ លោក​បន្ត​ថា នេះ​ជា​គំរូ​ដ៏​អាក្រក់​សម្រាប់​មនុស្ស​ជំនាន់​ក្រោយ​ទៀត ដែល​ម្នាក់ៗ​បាន​ចម្លង​ទុក​ដោយ​មិន​ដឹង​ខ្លួន ជាពិសេស​បាន​ធ្វើ​ឲ្យ​សីលធម៌​កាន់​តែ​ធ្លាក់​ចុះ​ថែម​ទៀត​ផង។ មិន​តែ​ប៉ុណ្ណោះ លោក អ៊ូ វីរៈ ចាត់​ទុក​ថា មេដឹកនាំ​ទាំង​ពីរ លោក​រក​ពុំ​ទាន់​ឃើញ​ថា បាន​ប្រើប្រាស់​ឥរិយាបថ​ក្នុង​សេចក្ដី​ថ្លៃថ្នូរ និង​អាច​ជឿ​ទុកចិត្ត​បាន​នៅ​ឡើយ​ទេ សម្រាប់​គំរូ​នៃ​ការ​ដឹកនាំ​ប្រទេស។ លោក​បន្ត​ថា «បើ​តាម​ខ្ញុំ​មើល​តាំង​ពី​ដើម​មក ការ​ជេរ​ប្រមាថ​គ្នា គឺ​ជា​កំហុស​ទាំង​សង​ខាង ហើយ​ខ្ញុំ​ការ​ជេរ​ប្រមាថ​គ្នា​ទៅ​វិញ​ទៅ​មក​ច្រើន គឺ​ជេរ លោក ហ៊ុន សែន សុទ្ធតែ​អា​ខ្វាក់​អា​អី។ ខ្ញុំ​សោកស្ដាយ​មែន ព្រោះ​អី​ជា​គំរូ​មួយ​ដ៏​អាក្រក់»

លោក ហ៊ុន សែន បាន​ព្រមាន និង​បាន​សុំទោស​ប្រជាពលរដ្ឋ​ខ្មែរ​គ្រប់​រូប​នៅ​ក្នុង​សារ​នយោបាយ​របស់​លោក និង​ស្នើ​ឲ្យ​វិនិច្ឆ័យ​ចុះ ​ថា​តើ​នរណា​បង្ក​ហេតុ ​ហើយ​បើ​មាន​អ្វី​កើត​ឡើង សូម​កុំ​បន្ទោស​លោក​ថា​ប្រើ​ពាក្យ​អសុរោះ។ លោក​បន្ត​ថា «យើង​បាន​កំណត់​បន្ទាត់​ក្រហម​នៅ​ពេល​ដែល​អ្នក​ឯង​បញ្ចេញ​សិទ្ធិ​ខុស​ជាមួយ​នឹង​ច្បាប់ ឈាន​ដល់​ដំណាក់​កាល​នៃ​ការ​ផ្ដួល​រំលំ។ យើង​អស់​ជម្រើស​ហើយ ហើយ​អ្នក​ក៏​នឹង​ទទួល​បាបកម្ម​តាម​អ្វី​ដែល​អ្នក​បាន​សាង»

បើ​ទោះ​ជា​បែប​នេះ​ក៏ដោយ​ចុះ អតីត​សមាជិក​ក្រុម​ប្រឹក្សា​ធម្មនុញ្ញ លោក សឺន ស៊ូប៊ែរ្តិ៍ យល់​ឃើញ​ថា លោក​នាយករដ្ឋមន្ត្រី​ហាក់​ដូច​ជា​អំនួត​សម្បើម​ណាស់ ដែល​លោក ហ៊ុន សែន ទំនង​ជា​ឆាប់​ភ្លេច​ប្រវត្តិសាស្ត្រ​ខ្លួន​ឯង ដែល​ទើប​តែ​ចប់​ទៅ​កាល​ពី​ជាង ២០​ឆ្នាំ​មុន ក្រោយ​ចាញ់​ឆ្នោត​ឆ្នាំ​១៩៩៣។ លោក​បន្ថែម​ថា លោក ហ៊ុន សែន នៅ​ពេល​នោះ​ព្យាយាម​បង្កើត​តំបន់​អបគមន៍​ប្រឆាំង​លទ្ធផល​ឆ្នោត​នៅ​តាម​បណ្ដា​ខេត្ត​មួយ​ចំនួន​នៃ​ភាគ​ខាង​កើត​ប្រទេស​កម្ពុជា។

លោក សឺន ស៊ូប៊ែរ្តិ៍ ឲ្យ​ដឹង​ទៀត​ថា អ្នក​ដែល​ក្បត់​ជាតិ​នោះ គួរ​ជា​មេដឹកនាំ​បច្ចុប្បន្ន​វិញ ព្រោះ​មាន​បទល្មើស​ជា​ច្រើន​សំណុំរឿង ដូច​ជា​បន្ត​បង្ហូរ​ជន​អន្តោប្រវេសន៍​ខុស​ច្បាប់​មក​កម្ពុជា និង​ព្រមាន​លុប​ចោល​របប​រាជា​និយម​ជា​ដើម។ លោក​បន្ត​ថា «ខេត្ត​ខាង​កើត​ហ្នឹង​នាំ​គ្នា​បែក​ពី​រាជាណាចក្រ​កម្ពុជា។ អ្នក​ដែល​ធ្វើ​រដ្ឋ​ប្រហារ​ហ្នឹង មិន​ក្បត់​ជាតិ​ទេ​ហ្នឹង។ ដល់​ទី​បញ្ចប់ នាំ​គ្នា​រត់​ទៅ​ជ្រក​នៅ​ស្រុក​យួន»

វិទ្យុ​អាស៊ីសេរី ពុំ​​ទាន់​អាច​​ទាក់ទង​លោក សម រង្ស៊ី ដើម្បី​ឆ្លើយ​តប​ការ​ចោទ​ប្រកាន់​នេះ​បាន​ភ្លាមៗ​ទេ នៅ​ថ្ងៃ​ទី​១២ ខែ​វិច្ឆិកា។

ជុំវិញ​រឿង​នេះ លោក សឺន ស៊ូប៊ែរ្តិ៍ ថ្លែង​ថា ថ្វី​បើ​ពុំ​មាន​ឯកសារ​ដែល​បញ្ជាក់​ពី​សាវតារ​របស់​លោក សម សារី ឪពុក​របស់​លោក សម រង្ស៊ី ឲ្យ​បាន​ច្បាស់លាស់​ក្ដី រឿង​នេះ​វា​ពុំ​មាន​ជាប់​ពាក់ព័ន្ធ​នឹង​ទោស​ក្បត់​ជាតិ​ដូច​ការ​ចោទ​ប្រកាន់​ទេ។ បន្ថែម​ពី​លើ​នេះ លោក​អះអាង​ថា ហេតុផល​ដែល​នាំ​ឲ្យ​មាន​ការ​សង្ស័យ​លោក សម សារី ក្បត់​ជាតិ វា​ជា​នយោបាយ​សុទ្ធសាធ ដោយ​សារ​ឥទ្ធិពល​មហា​អំណាច​ពីរ​ធំៗ​កាល​ណោះ គឺ​ប្លុក​កុម្មុយនិស្ត និង​ប្លុក​លោក​សេរី។ ម្យ៉ាង​វិញ​ទៀត លោក សម សារី ត្រូវ​គេ​រក​ឃើញ​ថា មាន​និន្នាការ​ទៅ​រក​លោក​សេរី​ច្រើន​ជាង ហេតុ​នេះ​ទើប​ជាប់​សង្ស័យ​ថា ជា​មនុស្ស​ក្បត់​ជាតិ។ លោក​បន្ត​ថា «សម សារី លោក​ជា​អគ្គលេខាធិការ​របស់​គណបក្ស​ព្រះករុណា នរោត្តម សីហនុ ហើយ​លោក​បាន​ជួយ​ឈ្នះ​ឆ្នោត​លើក​ទី​មួយ​ហ្នឹង ៩០​ភាគរយ បើ​តាម​ខ្ញុំ​ចាំ។ ក្រោយ​មក វា​មាន​ការ​ខ្វែង​គំនិត​គ្នា​ដោយ​ជំនាន់​ហ្នឹង​យើង​នៅ​ក្នុង​កាលៈទេសៈ​មួយ ដែល​ប្រទាញប្រទង់​គ្នា ដោយសារ​វា​មាន​សង្គ្រាម​ត្រជាក់​សកល​លោក»

យ៉ាង​ណា​អត្ថបទ​ដែល​លោក ហ៊ុន សែន បាន​បង្ហោះ​ដោយ​ពេបជ្រាយ​ឲ្យ​លោក សម រង្ស៊ី ថា មិន​គួរ​ប្រៀបធៀប​ជោគជ័យ​នៃ​លទ្ធផល​ឆ្នោត​នៅ​មីយ៉ាន់ម៉ា ឬ ភូមា ព្រោះ​ភូមា មិន​ដែល​បោះឆ្នោត រី​ឯ​កម្ពុជា បោះ ៥​ដង​រួច​មក​ហើយ។ ម្យ៉ាង​វិញ​ទៀត បោះ​ឆ្នោត​នៅ​ភូមា ឆ្នាំ​២០១៥ រី​ឯ​កម្ពុជា បោះឆ្នោត​ឆ្នាំ​២០១៨។ លើស​ពី​នេះ​ទៀត មាន​អត្ថបទ​ប្រៀបធៀប​មួយ​ដែល​លោក ហ៊ុន សែន អះអាង​ថា មិន​ទាន់​ពេញលេញ​ចេញ​ពី​ប្រភព​ណា ប៉ុន្តែ​អាច​ជា​មូលដ្ឋាន​ឲ្យ​យល់​ពី អ៊ុង សាន ស៊ូជី (Aung San Suu Kyi) និង សម រង្ស៊ី។ អត្ថបទ​ប្រៀបធៀប​នោះ​ដាក់​ថា "អ៊ុង សាន ស៊ូជី មាន​ឪពុក​ជា​អ្នក​ស្នេហា​ជាតិ រំដោះ​ជាតិ​ពី​អាណានិគម​និយម ដោយ​ឡែក​លោក សម រង្ស៊ី វិញ​មាន​ឪពុក​ជា​ជន​ក្បត់​ជាតិ ទោស​ប្រហារ​ជីវិត និង​រត់​ចោល​ស្រុក​ជាដើម"

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (33)
Share

khmer

ពី europe

i want to know,what we call to Hun Manet,Hun Manit and ....

Nov 13, 2015 05:18 AM

ជា ស៊ីម

ពេលវេលារបស់លោក សម្តាច់ ជិតមកដល់ហើយ ព្រោះកន្លងថ្មីនេះសម្តាច់ និយាយការងារឥតបានការច្រើនពេក។ មិនព្រមយកពេលវេលាប្រឹងធ្វើការងារល្អៗ កំចាត់សាច់ស្អុយរបស់ខ្លួនចេញបំពេញចិត្តរាស្រ្តទេ បែរជាទៅបញ្ចេញកំហឹងជាមួយសំដីបក្សប្រឆាំងខាតពេល ខាតប្រយោជន៍ នៅសល់មិនដល់បីឆ្នាំ ទៀតទេ តើកំណែទម្រង់សម្តាច់បានជាដុំកំភួនអីខ្លះ? ផ្លូវក្នុងក្រុងខូចបណ្តើរៗហើយ សេដ្ឋកិច្ចកើនឡើងមែន តែប្រជាជននៅក្រណាស់ធៀបនឹងប្រទេសជិតខាង។ គួរសម្តាច់ឈប់និយាយច្រើន ហើយប្រើពេល ២ឆ្នាំជាងនេះអោយមានប្រសិទ្ទិភាព ចាក់អោយចំបេះដូងរាស្រ្តដែលចង់បាន បំពេញរាស្រ្តអោយសប្បាយចិត្តទើបល្អជាង!

Nov 13, 2015 03:30 AM

អ្នក​អាន​អនាមិក

ពី USA

I want to correct Mr Hun Sen comparison Sam Raingsey with Aung San Suu Kyi. Aung San Suu Kyi got house arrest whereas Sam Raingsey got granate, Aung San Suu Kyi won the election a lots fair and peace in history whereas Sam Raingsey lost the election a lots and got chase and shot bloody on the street because the votes were stolen and Mr Hun Sen did not want to recount and it is in history too.

Nov 13, 2015 01:07 AM

អ្នក​អាន​អនាមិក

>. រយះកាល កន្លងមក តាចាស់ ហ៊ុន សែន និយាយ ខុសច្រើនណាស់ ដូចជា ថា មានសង្គ្រាម ជាដើម !
>.. បើ ក្រៅពី តាចាស់ ហ៊ុន សែន និយាយ នឹងត្រូវ ចាប់ដាក់គុកភ្លាម !
>... នេះហើយ នៅប្រទេសខ្មែរ អនុវត្តន៍ ច្បាប់ ស្តង់ដា 2 យ៉ាងច្បាស់ !

Nov 13, 2015 12:37 AM

អ្នក​អាន​អនាមិក

I want RFA to broadcast from all hun sen biography and also his parents's biographies. WHO IS HE?

Nov 12, 2015 10:17 PM

មើល​មតិ​ទាំង​អស់.

គេហទំព័រ​ទាំងមូល