លោក កឹម សុខា ត្រូវ​បាន​ដោះ​លែង​ចេញ​ពី​ពន្ធនាគារ​ ក្រោម​ការ​រឹតត្បិត​សិទ្ធិ​សេរីភាព​ស្ទើរ​គ្រប់​យ៉ាង​

ដោយ វ៉ែន សុមេធ
2018-09-10
អ៊ីម៉ែល
មតិ
Share
បោះពុម្ព
អនុ​ប្រធាន​គណបក្ស​សង្គ្រោះជាតិ លោក កឹម សុខា ផ្ដល់​បទសម្ភាសន៍ ខណៈ​​លោក​ទៅ​សួរ​សុខទុក្ខ​មន្ត្រី​ជាន់​ខ្ពស់​របស់​គណបក្ស​សង្គ្រោះជាតិ លោក មាជ សុវណ្ណារ៉ា ក្នុង​ពន្ធនាគារ​ព្រៃស នៅ​ថ្ងៃ​ទី​១២ មីនា ២០១៥។
អនុ​ប្រធាន​គណបក្ស​សង្គ្រោះជាតិ លោក កឹម សុខា ផ្ដល់​បទសម្ភាសន៍ ខណៈ​​លោក​ទៅ​សួរ​សុខទុក្ខ​មន្ត្រី​ជាន់​ខ្ពស់​របស់​គណបក្ស​សង្គ្រោះជាតិ លោក មាជ សុវណ្ណារ៉ា ក្នុង​ពន្ធនាគារ​ព្រៃស នៅ​ថ្ងៃ​ទី​១២ មីនា ២០១៥។
RFA/Uon Chhin

តុលាការ​របបលោក​ ហ៊ុន សែន​ បាន​ដោះលែង​ប្រធាន​គណបក្ស សង្គ្រោះ​ជាតិ លោក​ កឹម សុខា ឱ្យ​នៅ​ក្រៅ​​​ឃុំ​ជាបណ្តោះ​អាសន្ន​​ និង​បាន​ដឹក​លោក​ពី​​ពន្ធនាគារ​ត្រពាំង​ផ្លុង​ មក​ដល់​គេហដ្ឋាន​របស់​លោក​នៅ​ទីក្រុង​ភ្នំពេញ​វិញ ដោយ​ស្ងាត់ៗ នៅ​វេលា​ទៀប​ភ្លឺ​ថ្ងៃ​ទី១០ កញ្ញា។ នៅ​ពេល​នេះ ទោះ​ជា​លោក​ទទួល​បាន​សេរីភាព​យ៉ាង​ណា ក៏​វា​មិន​មែន​ជា​សេរីភាព​ពេញ​លេញ​ឡើយ ពោល គឺ​លោក​ត្រូវ​ស្ថិត​ក្រោម​ការ​តាម​ដាន​របស់​អាជ្ញាធរ ហើយ​ក៏​មិន​អាច​ធ្វើ​នយោបាយ​បាន​ដែរ​នៅក្នុង​ស្ថានភាព​នេះ។

ប្រជាពលរដ្ឋ​ និង​អ្នក​គាំទ្រ​លោក​ កឹម សុខា ជាច្រើននាក់​ បាន​នាំគ្នា​ទៅ​ដល់​មុខ​គេហដ្ឋាន​របស់​លោក​នៅ​សង្កាត់​​​បឹងកក់​ ២ ខណ្ឌ​ទួល​គោក​ រាជធានី​ភ្នំពេញ តាំងពី​ព្រឹក​ព្រលឹម ដើម្បី​ទៅ​អប​អរលោក​ កឹម សុខា​ ដែល​ទើប​​ត្រូវ​បាន​ដោះលែង​ឱ្យ​នៅ​ក្រៅ​ឃុំ​វិញ​​។ ក៏​ប៉ុន្តែ​ប្រធាន​គណបក្ស សង្គ្រោះ​ជាតិ រូប​នេះ មិន​ទាន់​អាច​ចេញ​មក​​ជួប​ ឬ​ថ្លែង​សារ​ណា​មួយ​ទៅ​កាន់​​អ្នក​គាំទ្រ​របស់​លោក​បាន​នៅ​ឡើយ​ ដោយ​សារ​មិន​មាន​ការ​អនុញ្ញាត​ពី​ចៅក្រម​ស៊ើបសួរ។

មេធាវី​ការពារ​ក្តី​ឱ្យ​លោក​ កឹម សុខា គឺ​លោក​ ផែង ហេង និង​អ្នក​ស្រី ម៉េង សុភារី​ ថ្លែង​ប្រាប់​ក្រុម​អ្នក​សារព័ត៌មាន​នៅ​ព្រឹក​ថ្ងៃ​ទី១០ កញ្ញា​ថា ចៅក្រម​ស៊ើបសួរ​បាន​ដាក់​លក្ខខណ្ឌ​មួ​យ​ចំនួន​ដល់​លោក​ កឹម សុខា។ លក្ខខណ្ឌ​​ទាំង​នោះ​មាន​ដូច​ជា ហាម​ធ្វើ​សកម្មភាព​នយោបាយ ហាម​ជួប​ជាមួយ​ថ្នាក់​ដឹក​នាំ​គណបក្ស សង្គ្រោះ​ជាតិ ហាម​ជួប​ជាមួយ​ជន​បរទេស និង​ហាម​ធ្វើ​ដំណើរ​ចាក​ឆ្ងាយ​ពី​គេហដ្ឋាន​ជា​ដើម ដែល​លក្ខខណ្ឌ​ទាំង​នេះ គឺ​ប្រៀប​បាន​ទៅ​នឹង​ការ​ឃុំ​ខ្លួន​លោក​ កឹម សុខា ក្នុង​ផ្ទះ​យ៉ាង​ដូច្នេះ​ដែរ៖ «តុលាការ​បាន​ដាក់​កាតព្វកិច្ច​មួយ​ចំនួន​ឱ្យ​គាត់​ត្រូវ​តែ​អនុវត្តតាម​ បើ​មិន​អនុវត្ត​តាមទេនោះ គឺ​គេ​នឹង​យក​គាត់​ទៅ​ពន្ធនាគារ​វិញ។ លក្ខខណ្ឌ​ទាំង​នោះ​មាន ហាម​ជួប​ជុំ​ថ្នាក់​ដឹក​នាំ​នៃ​គណបក្ស​សង្គ្រោះជាតិ​ ហាម​ជួប​ជន​បរទេស​ ជា​ពិសេស ជន​បរទេស​ដែល​ពាក់​ព័ន្ធ​ក្នុង​សំណុំ​រឿង​ ប៉ុន្តែ​យើង​អត់​ទាន់​បាន​ដឹង​ថា តើ​ជន​បរទេស​ដែល​ពាក់​ព័ន្ធ​ក្នុង​សំណុំ​រឿង​ហ្នឹង ជា​នរណា​ទេ​? ហើយ​ហាម​ជួប​ថ្នាក់​ដឹក​នាំ ក៏​មិន​ដឹង​ថា ថ្នាក់​ដឹក​នាំ​ត្រឹម​កម្រិត​ណា​ដែរ​? មួយ​ទៀត​ គឺ​ហាម​ជួប្រជុំ​នយោបាយ​ផ្សេង​ៗ ដូច​ជាថ្ងៃ​នេះជាដើម​ គាត់​មិន​បាន​ចេញ​មក​ជួប​បងប្អូន​។​ គាត់​សុំ​ថ្លែង​អំណរគុណ​ចំពោះ​បង​ប្អូន​ទាំងអស់​គ្នា​ដែល​បាន​មក​ជួយ​លើក​ទឹក​ចិត្ត​គាត់​នៅ​ទីនេះ​ ប៉ុន្តែគាត់​អត់​ទាន់​អាច​ចេញ​មក​ជួប​បាន​ដោយ​សារ​ជាប់​លក្ខខណ្ឌ​មួយ​ចំនួន​ដែល​ជា​បម្រាម​របស់​តុលាការ​។ ហើយ​ការ​ដើរហើរ​ទៀត​សោត​ ក៏​ស្ថិត​នៅក្នុង​ព្រំប្រទល់​ដែន​ដែល​កំណត់​ដោយ​ចៅក្រម​ស៊ើបសួរ​ដែរ​។ ចៅក្រម​បាន​កំណត់​ផែន​ទី​ដែល​គាត់ត្រូវ​ធ្វើ​ដំណើរ គឺ​តែ​ប៉ុន្មាន​គីឡូម៉ែត្រ​​ពី​តំបន់​នេះ​តែ​ប៉ុណ្ណោះឯង​។ ព្រំប្រទល់​ ដូចជា នៅត្រឹម​ផ្លូវ ៣១៣ ៣១១ និង​ ៦០៨ អ៊ីចឹង​គាត់​អាច​នៅ​តែ​ម្តុំ​នេះ​ទេ»

ចៅក្រម​ស៊ើបសួរ​តុលាការ​ក្រុង​ភ្នំពេញ លោក គី ឫទ្ធី បាន​ចេញ​ដីការ​បង្គាប់​ឱ្យ​ដោះលែង​ប្រធាន​គណបក្ស សង្គ្រោះ​ជាតិ លោក​ កឹម សុខា នៅ​ថ្ងៃ​ទី៩ កញ្ញា។ លោក​ កឹម សុខា ត្រូវ​បាន​គេ​ដឹកចេញ​ពី​ពន្ធនាគារ​ត្រពាំង​​​​​ផ្លុងក្នុង​ខេត្ត​ត្បូង​ឃ្មុំ​ក្បែរ​ព្រំដែន​ កម្ពុជា-វៀតណាម ទៅ​ដល់​គេហដ្ឋាន​របស់​លោក​នៅ​ខណ្ឌទួល​គោក​ រាជធានី​ភ្នំពេញ ដោយ​ស្ងៀម​ស្ងាត់​ នៅ​វេលា​ទៀប​ភ្លឺ​ថ្ងៃ​ទី១០ កញ្ញា។ សេចក្តី​ប្រកាស​ព័ត៌មាន​របស់​អ្នក​នាំ​ពាក្យ​​តុលាការ​ក្រុង​ភ្នំពេញ​ឱ្យ​ដឹង​ថា ការ​ដោះ​លែង​នេះ​ ធ្វើ​ឡើង​ដោយ​ផ្អែក​លើ​ហេតុ​ផល​សុខភាព និង​ដោយ​មាន​ការ​ធានា​ខាង​ផ្នែក​នីតិវិធី​ច្បាស់លាស់​ថា លោក​ កឹម សុខា និង​មិន​អាច​រត់​គេច​ខ្លួន​ពី​នីតិវិធី​តុលា​ការ​ឡើយ។ ថ្វីដ្បិត​តែ​ប្រធាន​គណបក្ស​ប្រឆាំង​រូប​នេះ ត្រូវ​បាន​ដោះ​លែង​ឱ្យ​នៅ​ក្រៅ​ឃុំ​ក៏​ពិត​មែន​ ប៉ុន្តែ​តុលា​ការ​បាន​ដាក់​លោក​​ឱ្យ​ស្ថិត​ក្រោម​ការ​ត្រួត​ពិនិត្យ​ ដោយ​ភ្ជាប់​នូវ​កាតព្វកិច្ច​តាម​ផ្លូវ​ច្បាប់​មួយ​ចំនួន។

អ្នកនាំពាក្យ​សមាគម អាដហុក (ADHOC) លោក​ សឺង សែន​ករុណា ថ្លែង​ថា ការ​ដោះ​លែង​លោក​ កឹម សុខា ជា​ការ​វិវឌ្ឍវិជ្ជ​មាន​សម្រាប់​ស្ថានការណ៍​នយោបាយ​នៅ​កម្ពុជា។ ក៏​ប៉ុន្តែ លោក​ថា​ សេរីភាព​ដែល​លោក​ កឹម សុខា ទទួល​បាន​នៅ​ពេល​នេះ ជា​សេរីភាព​មួយ​ដែល​តិចតួច​បំផុត ព្រោះ​តុលាការ​បាន​វាស់​ដី​ឱ្យ​លោក​ដើរ​ ហើយ​បាន​ហាម​ប្រាម​រាល់​សកម្មភាព​នយោបាយ​របស់​លោក​ទាំង​អស់។ មន្ត្រី​សិទ្ធិមនុស្ស​រូប​នេះ រិះគន់​ថា ការ​ធ្វើ​របៀប​នេះ​គ្មាន​ខុស​អ្វី​នឹង​របប​​ផ្តាច់​ការ​នៅ​​ភូមា​កាល​ពី​ប៉ុន្មាន​ឆ្នាំ​មុន​នោះ​​ឡើយ ដែល​មេ​ដឹក​នាំ​យោធា​​បាន​ឃុំ​ខ្លួន​មេ​បក្ស​ប្រឆាំង គឺ​អ្នក​ស្រី អ៊ុងសាន សូជី ក្នុង​គេហដ្ឋាន​របស់​អ្នក​ស្រី​​អស់​រយៈ​ពេល​ជា​ច្រើន​ឆ្នាំ មុន​នឹង​ដោះ​លែង​ឱ្យ​មាន​សេរីភាព​ពេញ​លេញ​វិញ៖ «ប្រសិន​បើ​ការ​ដោះលែង​របៀប​នេះដើម្បី​ឱ្យ​អន្តរជាតិ​បន្ថូរ​បន្ថយសម្ពាធ​លើ​កម្ពុជា ខ្ញុំ​គិត​ថា ការ​ដោះលែង​បែប​នេះ​មិន​មាន​ន័យ​អ្វីជា​ការ​ពិចារណា​ដល់​លក្ខខណ្ឌ​របស់​អង្គការ​អន្តរជាតិ ឬប្រទេស​ម្ចាស់​ជំនួយ​មួយ​ចំនួន​នោះ​ទេ។ ជាពិសេស​លក្ខខណ្ឌ​របស់​សហភាព​អឺរ៉ុប​ដែល​បាន​កំណត់ច្បាស់​ថា លក្ខខណ្ឌ​ដែល​អនុគ្រោះ​ពន្ធ​ហ្នឹង គឺ​ផ្តោត​ទៅលើ​ការ​គោរព​សិទ្ធិមនុស្ស​ និង​ប្រព័ន្ធ​ដឹក​នាំ​រដ្ឋ​តាម​បែប​ប្រជាធិបតេយ្យ​ដែល​មាន​ការ​បោះឆ្នោត​សេរី ត្រឹម​ត្រូវ​ និង​យុត្តិធម៌ ហើយ​មាន​ការ​ប្រកួត​ប្រជែង​ដោយ​ស្មើភាព​ជាដើម»

ប្រធាន​គណបក្ស សង្គ្រោះជាតិ លោក កឹម សុខា បាន​ជាប់​ពន្ធនាគារ​អស់​រយៈ​ពេល​ជាង​មួយ​ឆ្នាំ​រួច​មក​ហើយ មុន​នឹង​ត្រូវ​ដោះ​លែង​ឱ្យ​នៅ​ក្រៅ​ឃុំ ​ក្រោម​ការ​រឹតត្បិត​សិទ្ធិ​សេរីភាព​នៅ​ពេល​នេះ។ លោក​​ត្រូ​វបាន​អាជ្ញាធរ​របប​​ក្រុង​ភ្នំពេញ​​សម្រុក​ចូល​ចាប់​ខ្លួន​​ទាំង​មាន​អភ័យឯកសិទ្ធិ​សភា ដល់​​ក្នុង​ផ្ទះ​របស់​លោក​ក្នុង​ទាំង​កណ្តាល​​អាធ្រាត កាល​ពី​ខែ​កញ្ញា ឆ្នាំ ២០១៧ កន្លង​ទៅ តាម​បញ្ជា​របស់​លោក​ ហ៊ុន សែន ដែល​ចោទ​លោក​ថា ក្បត់​ជាតិ។ តុលាការ​ការ​បាន​ចោទ​ប្រកាន់​លោក​ពី​បទ “សន្និដិ្ឋភាព​ជាមួយ​បរទេស” ដែល​មាន​ន័យ​ថា ជា​អំពើ​ត្រូវរ៉ូវ​គ្នា​ដោយ​សម្ងាត់​​ជាមួយ​រដ្ឋ​បរទេស ឬ​ភ្នាក់ងារ​បរទេស ដើម្បី​បង្កើត​ឱ្យ​មាន​អំពើ​ប្រទូស្តរ៉ាយ ឬ​ឱ្យ​មាន​អំពើ​​ឈ្លាន​​ពាន​ប្រឆាំង​នឹង​កម្ពុជា ដែល​ជា​បទ​ល្មើស​ឧក្រិដ្ឋ​អាច​ប្រឈម​នឹង​ការ​ជាប់​ពន្ធនាគារ​រហូត​ដល់​ ៣០ឆ្នាំ។

ទោះ​ជា​យ៉ាង​ណា របបលោក​ ហ៊ុន សែន បាន​ដោះ​លែង​អ្នក​ទោស​នយោបាយ​ជា​បន្ត​បន្ទាប់ ក្រោយ​ពេល​របប​នេះ​​រៀប​ចំការ​បោះ​ឆ្នោត​បែប​បង្គ្រប់​កិច្ច​បាន​ដោយ​ជោគជ័យ​ កាល​ពី​ចុង​ខែ​កក្កដា​កន្លង​ទៅ ដោយ​បាន​ក្រសោប​យក​អាសនៈ​សភា​ទាំង ១២៥​អាសនៈ មក​កាន់​កាប់​តែ​ម្នាក់​ឯង។ របប​នេះ​ក៏​ទើប​តែ​បង្កើត​រដ្ឋ​សភា និង​រដ្ឋាភិបាល​អាណត្តិ​ថ្មី​​តាម​របៀប​ដឹក​នាំ​ឯកបក្ស ​ដូច​ប្រទេស​កុម្មុយនីស្ត​ដែរ។ អ្នក​វិភាគ និង​អ្នក​ឃ្លាំមើល​បញ្ហា​សង្គម​ យល់​ឃើញ​ស្រដៀង​គ្នា​ថា របប​ក្រុង​ភ្នំពេញ​ត្រូវ​ការ​ភាព​ស្រប​ច្បាប់ និង​ការ​ទទួល​ស្គាល់​ពី​អន្តរជាតិ ទើប​របប​នេះ​ដោះ​លែង​អ្នក​ទោស​នយោបាយ​ជា​បន្ត​បន្ទាប់​បែប​នេះ៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (3)
Share

BB

Please, all news should post current pictures. Not to post the past pictures. For instance, this news should post Mr. Kim Sokha current picture, so we can see how his physical and emotional after years in prison.

Thanks,

Sep 11, 2018 05:02 PM

dictator ugly tactics..cheap politic...cheap blood ever... everblood

K.Sokha has to looks more better medical treatment abroad rather in Cambodia,the smart thing K.Sokha has to leave Cambodia quickly as he can,because all CNRP political hostages are under evil dictator Hun Sen's probating "under tmil Hun Sen radar+target".Be aware of evil dictator try to do step by step before and after unofficial election to prove to the world that this election its went smoothly as official election planned,and want the international community to support his rogue govm't as an official govm't to help him to rules Cambodian pple for life.Dictator HS try to playing tricks and threat in political hostages"using CNRP political hostages in bargain his pm election and power"before he has many planning to meeting at the UN and meet some part of European countries in this fall"to prove his official govm't and more support",that why he made a last released CNRP's leader Kem Sokha before he start travels on abroad to avoid lose his face on international stage.However,K.Sokha has to leave quick early as he can,before tmil HS meet the UN,because all Khmer pple around the world will be mass rallies at the UN and Eu or somewhere else dictator is going to call him to step down,resign,or demand new reelection as a necessary and bring all 55 CNRP's parliament seats back to their party again and let the CNRP get back to a new reelection as a plan.If,tmil Hun Sen wants to respect to its opposition top political contender,I-Hun Sen has to gives back all CNRP's 55 parliament seats,II-Hun Sen has to start a new reelection as necessary,III-Hun Sen has to let the CNRP to join national reelection pm again,IV-HunSen has no right to threat others or no violation the rule of law,V-Hun Sen has to let the UN and international community observers in new reelection as necessary,if fascist dictator HS can't do it,just resign,or step down immediately or face world economic SANCTIONS,or face brought to justice at ICC.This world rallies against Hun Sen is in secretly,quietly it's just all khmer pple around the world do against dictator Hun Sen and its alliance China commies govm't interest who supported this puppet govm't and we want China commie govm't just stop support the 2nd killing fields again"enough is enough/shame on China commie leader".Cambodian is needing a real freedom,democracy,liberty and peace that all we wanted,and all Cambodian don't need Cambodian as next Tibet,Uyghur,Macao as under apartheid ruler...can u respect or well treat us as a human being like u Mr?.Be aware to all CNRP politics please stay quite well during worldwide rallies in day ahead"no picture in video clip",just leave the Khmer pple do itself in whatever they want to do?it's alarming to wake up call to all khmer pple and all political parties time to end this fascist dictator as necessary with moving our country forward to a real freedom,democracy,liberty,prosperity and peace.

Sep 10, 2018 03:47 PM

អ្នក​អាន​អនាមិក

Hunsen's gorverment scare USA and EU punish them. That's why they release MR.hero KEM SOKHA.

Sep 10, 2018 03:08 PM

គេហទំព័រ​ទាំងមូល