|
|
ព័ត៌មានទាក់ទងនឹងបណ្ឌិត កែម ឡី |
|
|
លោកបណ្ឌិត កែម ឡី ជាអ្នកស្រាវជ្រាវការអភិវឌ្ឍសង្គម ត្រូវបានខ្មាន់កាំភ្លើងបាញ់សម្លាប់នៅព្រឹកថ្ងៃទី១០ ខែកក្កដា ឆ្នាំ២០១៦ នៅឯស្ដារម៉ាត (Star Mart) ក្នុងស្ថានីយលក់ប្រេងឥន្ធនៈកាល់តិច (Caltex)។ លោកបណ្ឌិត កែម ឡី ត្រូវបានសាធារណជនជាច្រើនបានស្គាល់លោកតាមរយៈការវិភាគលើបញ្ហាសង្គម ស្ថានភាពនយោបាយ សិទ្ធិមនុស្ស ការអភិវឌ្ឍប្រទេសនៅលើប្រព័ន្ធផ្សព្វផ្សាយជាតិ និងអន្តរជាតិ ហើយលោកត្រូវបានពលរដ្ឋខ្មែរដែលគាំទ្រការវិភាគរបស់លោក ហៅថាជាអ្នកវិភាគឯករាជ្យ ដែលនិយាយចំៗទាក់ទងនឹងភាពអសកម្មរបស់រដ្ឋាភិបាល និងបញ្ហាផ្សេងៗទៀត ទោះបីជាលោកបានដឹងជាមុនថា លោកប្រឈមនឹងការបាញ់សម្លាប់ដោយប្រការណាមួយក្ដី។
អត្ថបទទាក់ទង
ភស្តុតាងថ្មីបញ្ជាក់ថាបណ្ឌិត កែម ឡី ស្លាប់នៅលើកៅអី
សាកសពក្នុងរូបថតដែលអាស៊ីសេរី ទទួលបានដែលមានសភាពអង្គុយលើកៅអីផ្អែកទៅក្រោយ ដៃទាំងពីរធ្លាក់សំយ៉ុងចុះក្រោម និងក្បាលផ្ងារហាក់សម្លឹងមើលទៅពិតាននោះ គឺជាលោកបណ្ឌិត កែម ឡី។ ផ្ទុយទៅវិញ សាកសពរបស់លោកបណ្ឌិត កែម ឡី ក្រោយអំពើឃាតកម្មដែលគេឃើញតាមបណ្ដាញព័ត៌មាននោះ គឺដេកផ្ងារនៅលើឥដ្ឋការ៉ូក្នុងថ្លុកឈាម។
រំឭកអំពីគុណសម្បត្តិលោកបណ្ឌិត កែម ឡី
អ្នកដែលស្រឡាញ់ចូលចិត្តបណ្ឌិត កែម ឡី ចាត់ទុកថា លោកជាអ្នកក្លាហាន ហ៊ាននិយាយការពិតដ៏ឆ្នើមឧត្ដមម្នាក់ ដើម្បីភាពយុត្តិធម៌នៅក្នុងសង្គមជាតិខ្មែរ។ អ្នកខ្លះយល់ថា បណ្ឌិត កែម ឡី ជាអវតាតំណាងឲ្យពន្លឺនៃការពិត និងចង់ដាក់ឈ្មោះលោកថា “អាទិទេពនៃសច្ចធម៌”។
មនុស្សរាប់សែននាក់ចូលរួមដង្ហែសពបណ្ឌិត កែម ឡី ទៅខេត្តតាកែវ
សពលោកបណ្ឌិត កែម ឡី បានដង្ហែដល់ភូមិកំណើតលោកនៅភូមិអង្គតាកុប ឃុំលាយបូរ ស្រុកត្រាំកក់ ខេត្តតាកែវ នៅវេលាម៉ោងជិត ៦ល្ងាចថ្ងៃទី២៤ ខែកក្កដា ក្រោយពីចំណាយពេលវេលាដង្ហែក្បួនជាង ១០ម៉ោង នៅលើដងផ្លូវជាង ៨០គីឡូម៉ែត្រ។ ពិធីដង្ហែសពបណ្ឌិត កែម ឡី អមដោយមានអ្នកចូលរួមប្រមាណ ២លាននាក់មកពីគ្រប់ទិសទីមកពីតំបន់ជនបទ និងទីក្រុង។
ប្រវត្តិលោក កែម ឡី ក្នុងវ័យកុមារ
មានមនុស្សជាច្រើនដែលបានស្គាល់លោក កែម ឡី ក្នុងភូមិជាមួយអះអាងថា គាត់គឺជាអ្នកដែលព្យាយាមអត់ធ្មត់ក្នុងការសិក្សា មិនតែប៉ុណ្ណោះជាមនុស្សដែលមានទស្សនៈវិស័យវែងឆ្ងាយគួបផ្សំនិស្ស័យពីកំណើត ដែលរៀនឆ្លាតស្រាប់ផង បានរុញច្រានឲ្យលោកក្លាយបុគ្គលដែលចាប់អារម្មណ៍ និងទទួលការស្រលាញ់រាប់អានដូចសព្វថ្ងៃនេះ។
ស្ថាប័នអន្តរជាតិនិងជាតិសំខាន់ៗថ្កោលទោសការបាញ់សម្លាប់លោកបណ្ឌិត កែម ឡី
គិតចាប់ពីថ្ងៃទី១០ កក្កដា មកដល់ថ្ងៃទី១៤ កក្កដា គឺស្ថាប័នសំខាន់ៗមួយចំនួន ទាំងជាតិ និងអន្តរជាតិ រួមទាំងស្ថានទូតផង បានចេញសេចក្ដីថ្លែងការណ៍ថ្កោលទោសចំពោះឃាតកម្មលើលោកបណ្ឌិត កែម ឡី និងស្ថាប័នខ្លះ ទាមទារឲ្យរដ្ឋាភិបាលស្វែងរកមុខឃាតកពិត និងអ្នកបញ្ជានៅពីក្រោយខ្នងយកមកផ្ដន្ទាទោសតាមច្បាប់។
វេទិកាអ្នកស្ដាប់៖ តើសែស្រឡាយមេដឹកនាំមានសិទ្ធិធ្វើជំនួញឬទេ?
នាទីវេទិកាអ្នកស្ដាប់វិទ្យុអាស៊ីសេរី នៅយប់ថ្ងៃទី៨ ខែកក្កដា ពិភាក្សាអំពី៖ «តើសែស្រឡាយមេដឹកនាំមានសិទ្ធិធ្វើជំនួញឬទេ?»។
វាគ្មិនចូលរួមក្នុងកម្មវិធីនេះរួមមានលោកបណ្ឌិត មាស នី អ្នកស្រាវជ្រាវការអភិវឌ្ឍសង្គម និងលោកបណ្ឌិត កែម ឡី អ្នកស្រាវជ្រាវការអភិវឌ្ឍសង្គម។
អ.ស.បផ្នែកសិទ្ធិមនុស្សស្នើឲ្យអាជ្ញាធររកឃាតកសម្លាប់លោក កែម ឡី ពិតប្រាកដ
ការិយាល័យឧត្ដមស្នងការអង្គការសហប្រជាជាតិទទួលបន្ទុកសិទ្ធិមនុស្ស ក្រុមគ្រួសារលោកបណ្ឌិត កែម ឡី និងគណបក្សប្រឆាំងស្នើឲ្យរដ្ឋាភិបាលបង្កើតគណៈកម្មការស៊ើបអង្កេតដោយឯករាជ្យមួយដែលមានការចូលរួមពីសហគមន៍អន្តរជាតិ ក្នុងការស៊ើបអង្កេតដោយយុត្តិធម៌មួយស្វែងរកឃាតកពិត និងអ្នកនៅក្រោយខ្នងបញ្ជាឲ្យបាញ់សម្លាប់លោកបណ្ឌិត កែម ឡី កាលពីថ្ងៃទី១០ កក្កដា នោះ។
វេសាររំលែកទុក្ខរបស់អង្គទូតបរទេសចំពោះមរណភាពបណ្ឌិត កែម ឡី
ក្រោយពេលសពបណ្ឌិត កែម ឡី ត្រូវបានដង្ហែទៅតម្កល់នៅវត្តពោធិយារាម ហៅវត្តចាស់ដើម្បីធ្វើបុណ្យទៅតាមប្រពៃណី មានអង្គទូតបរទេស និងតំណាងស្ថាប័នអន្តរជាតិធំៗ បានទៅដាក់កម្រងផ្កាគោរពវិញ្ញាណក្ខន្ធសពលោកជាហូរហែ។ អង្គទូតបរទេសទាំងនោះ មានដូចជាស្ថានទូតសហរដ្ឋអាមេរិក ប្រចាំកម្ពុជា ស្ថានទូតអូស្ត្រាលី ស្ថានទូតស៊ុយអែត ស្ថានទូតបារាំង ស្ថានទូតអាល្លឺម៉ង់ ស្ថានទូតជប៉ុន ការិយាល័យអង្គការសហប្រជាជាតិទទួលបន្ទុកសិទ្ធិមនុស្សប្រចាំកម្ពុជា និងទីភ្នាក់ងារសហរដ្ឋអាមេរិក សម្រាប់ការអភិវឌ្ឍអន្តរជាតិជាដើម។
បក្សប្រឆាំងចង់ឲ្យរដ្ឋាភិបាលបង្កើតគណៈកម្មការឯករាជ្យស៊ើបអង្កេតឃាតកម្មលោក កែម ឡី
មន្ត្រីជាន់ខ្ពស់គណបក្សសង្រ្គោះជាតិ អំពាវនាវឲ្យមានការជួបគ្នាមួយរវាងគណបក្សប្រជាជនកម្ពុជា និងគណបក្សខ្លួន ដើម្បីស្នើសុំឲ្យរដ្ឋាភិបាលបង្កើតគណៈកម្មការឯករាជ្យមួយ ដោយមានអង្គការសហប្រជាជាតិទទួលបន្ទុកផ្នែកសិទ្ធិមនុស្ស ចូលរួមក្នុងការស្វែងរកឃាតកពិតដែលបាញ់សម្លាប់លោកបណ្ឌិត កែម ឡី អ្នកឃ្លាំមើលផ្នែកអភិវឌ្ឍន៍សង្គម និងស្វែងអ្នកបញ្ជានៅពីក្រោយខ្នងនៃឃាតកម្មនេះ។
មន្ត្រីទូត៤ប្រទេសចូលគោរពវិញ្ញាណក្ខន្ធលោក កែម ឡី នៅថ្ងៃនេះ
តំណាងស្ថានទូត ៤ ប្រទេស មកចូលរួមគោរពវិញ្ញាណក្ខន្ធលោក កែម ឡី កាលពីព្រឹកថ្ងៃទី១៣ ខែកក្កដា។ តំណាងស្ថានទូតទាំង៤ នោះរួមមាន ទូតជប៉ុន អូស្ត្រាលី បារាំង និងស៊ុយអែត។ ក្រៅពីមន្ត្រីទូត ក៏មានមន្ត្រីអង្គការសង្គមស៊ីវិល មន្ត្រីបក្សប្រឆាំងមកពីគ្រប់ខណ្ឌទាំងអស់នៅរាជធានីភ្នំពេញ និងប្រជាពលរដ្ឋបន្តមកយ៉ាងច្រើនកុះករ។ ក្រៅពីនោះក៏ឃើញមានមន្ត្រីប៉ូលិស ទាហាន ដែលមកគោរពវិញ្ញាណក្ខន្ធជាលក្ខណៈបុគ្គលដែរ។
អ្នកសៀមរាបនិងឧត្តរមានជ័យមួយចំនួនគ្រោងមកមើលមុខលោក កែម ឡី ជាចុងក្រោយ
ប្រជាពលរដ្ឋជាច្រើននៅក្នុងខេត្តសៀមរាប និងខេត្តឧត្តរមានជ័យ នៅតែមានអារម្មណ៍ក្ដុកក្ដួល សោកស្ដាយលោកបណ្ឌិត កែម ឡី ដែលជាអ្នកវិភាគបញ្ហាសង្គម ហើយត្រូវឃាតកបាញ់សម្លាប់។ រយៈពេល ៣ថ្ងៃមកហើយ ចាប់តាំងពីមានដំណឹងមរណភាពរបស់លោក កែម ឡី មក គឺប្រជាពលរដ្ឋតាមហាងកាហ្វេ និងតាមទីសាធារណៈនានា តែងប្រមូលផ្ដុំគ្នាតាមដានព័ត៌មានជុំវិញរឿងនេះពីទូរស័ព្ទដៃ (Smart Phone) តាមរយៈបណ្ដាញសង្គមហ្វេសប៊ុក (Facebook)។
អ្នកជំនាញវិទ្យាសាស្ត្រនយោបាយព្រួយបារម្ភចំពោះការបាញ់សម្លាប់បញ្ញវន្ត
អ្នកជំនាញខាងវិទ្យាសាស្ត្រនយោបាយ និងជាមន្ត្រីជាន់ខ្ពស់នៃរាជបណ្ឌិត្យសភាកម្ពុជា ព្រួយបារម្ភចំពោះការបាញ់សម្លាប់បញ្ញវន្ត និងទាមទារឲ្យរដ្ឋាភិបាលទប់ស្កាត់ការបាញ់សម្លាប់បញ្ញវន្តនៅកម្ពុជា។ ការទាមទារនេះ នៅបន្ទាប់ពីក្រុមបញ្ញវន្តត្រូវបានឃាតកបាញ់សម្លាប់ជាបន្តបន្ទាប់ ពិសេសករណីឃាតកម្មលើលោកបណ្ឌិត កែម ឡី កាលពីថ្ងៃទី១០ កក្កដា ដែលមហាជននឹកស្មានមិនដល់ និងសោកសង្រេង។
មតិយល់ឃើញរបស់ពលរដ្ឋនៅខេត្តចំនួនបីចំពោះអំពើឃាតកម្មលើលោក កែម ឡី
ប្រជាពលរដ្ឋនៅតាមបណ្ដាខេត្តមួយចំនួន ដូចជាខេត្តកំពង់ចាម ខេត្តត្បូងឃ្មុំ និងខេត្តកំពង់ធំ សម្ដែងការសោកស្ដាយព្រមៗគ្នាចំពោះការបាត់បង់ជីវិតរបស់លោកបណ្ឌិត កែម ឡី។ ការសោកស្ដាយនេះក្រោយពេលឃាតកបាញ់សម្លាប់លោក កែម ឡី នៅរាជធានីភ្នំពេញ នៅព្រឹកថ្ងៃទី១០ កក្កដា។ ប្រជាពលរដ្ឋចង់ឃើញពន្លឺយុត្តិធម៌ពិតប្រាកដ មិនមែនជាការប្រឌិតយុត្តិធម៌ឡើងនោះទេ។