លោក កឹម សុខា នឹងចូលរួមប្រជុំគណៈកម្មាធិការអចិន្ត្រៃយ៍សភានៅដើមសប្ដាហ៍ក្រោយ
2016.12.03
អនុប្រធានគណបក្សសង្គ្រោះជាតិ លោក កឹម សុខា ថ្លែងនៅក្នុងទីស្នាក់ការគណបក្សនាសង្កាត់ចាក់អង្រែលើ កាលពីថ្ងៃទី៣០ ខែឧសភា ឆ្នាំ២០១៦។
RFA/Brach Chev
ប្រធានស្ដីទីគណបក្សសង្គ្រោះជាតិ លោក កឹម សុខា បានបញ្ចប់ការឃុំខ្លួនឯងក្នុងទីស្នាក់ការគណបក្សនាសង្កាត់ចាក់អង្រែលើ និងបានវិលត្រឡប់ទៅផ្ទះរបស់លោកក្នុងសង្កាត់ទួលគោក វិញហើយ នៅព្រឹកថ្ងៃទី៣ ខែធ្នូ។
ការវិលត្រឡប់ទៅផ្ទះរបស់លោក កឹម សុខា នេះ គឺធ្វើភ្លាមៗក្រោយលោកបានទទួលព្រះរាជប្រទានការលើកលែងទោសពីព្រះមហាក្សត្រ កាលពីថ្ងៃទី២ ខែធ្នូ ពោលគឺបន្ទាប់ពីលោកបានឃុំខ្លួនឯងក្នុងទីស្នាក់ការបក្សអស់រយៈពេលជាង ៦ខែ។
អ្នកនាំពាក្យគណបក្សសង្គ្រោះជាតិ លោក យ៉ែម បុញ្ញឫទ្ធិ មានប្រសាសន៍ថា កិច្ចការបន្ទាប់ដែលលោក កឹម សុខា នឹងធ្វើគឺចូលរួមកិច្ចប្រជុំគណៈកម្មាធិការអចិន្ត្រៃយ៍រដ្ឋសភា នៅថ្ងៃទី៥ ខែធ្នូ ចូលរួមកិច្ចប្រជុំសភានៅពេលបន្ទាប់ទៀត និងចាប់ផ្ដើមចុះជួបអ្នកគាំទ្ររបស់លោកនៅតាមបណ្ដាខេត្តនានា៖ «ខ្ញុំសង្ឃឹមថានៅថ្ងៃកំណត់ប្រជុំពេញអង្គហ្នឹង គាត់នឹងចូលរួមកិច្ចប្រជុំសភា។ ក្រៅពីនោះ មានកម្មវិធីចុះមូលដ្ឋានចុះខេត្តជួបជាមួយនឹងសកម្មជន ជាមួយប្រជាពលរដ្ឋ។ ខ្ញុំកំពុងតែពិនិត្យមើលកម្មវិធីបែបណា ហើយគាត់អាចទៅខេត្តណា ហើយរៀបចំរបៀបណា? របៀបវារៈ (កិច្ចប្រជុំគណៈកម្មាធិការអចិន្ត្រៃយ៍រដ្ឋសភា) ដែលខ្ញុំបានទទួលមានតែមួយទេ គឺបន្ថែមរបៀបវារៈមួយចូលទៅក្នុងកិច្ចប្រជុំពេញអង្គរដ្ឋសភា ស្ដីពីការប្រកាសសុពលភាពរបស់លោកវេជ្ជបណ្ឌិត សួន រីណា ដែលនឹងត្រូវទៅជំនួសតួនាទីរបស់លោក ប៉ែន សុវណ្ណ»។
លោក ប៉ុញ្ញឫទ្ធិ បន្តថា លោក កឹម សុខា នឹងពិភាក្សារិះរកវិធីដែលអាចស្នើសុំព្រះរាជប្រទានការលើកលែងទោសដល់មន្ត្រី និងសកម្មជនគណបក្សដែលកំពុងមានទោស រួមនឹងមន្ត្រីសិទ្ធិមនុស្ស និងអគ្គលេខាធិការរង គ.ជ.ប ដែលកំពុងជាប់ឃុំក្នុងពន្ធនាគារផង។
ប្រធានស្ដីទីគណបក្សសង្គ្រោះជាតិ លោក កឹម សុខា បានទទួលព្រះរាជប្រទានការលើកលែងទោសពីព្រះមហាក្សត្រ ក្នុងសំណុំរឿងមិនចូលខ្លួនបំភ្លឺជាសាក្សី។ លោកត្រូវតុលាការទោសឲ្យជាប់ពន្ធនាគាររយៈពេល ៥ខែ ពាក់ព័ន្ធនឹងការមិនចូលខ្លួនតាមការកោះហៅរបស់តុលាការ។ បើទោះជាត្រូវលើកលែងទោសនៅពេលនេះក្ដី លោក កឹម សុខា មិនទាន់រួចខ្លួនពីបណ្ដឹងចោទប្រកាន់នៅតុលាការមួយចំនួនទៀតក្នុងសំណុំរឿងពាក់ព័ន្ធនឹងការបញ្ចេញខ្សែអាត់សំឡេងដែលគេសង្ស័យថា ជាការឆ្លើយឆ្លងរវាងលោក កឹម សុខា និងអ្នកនាង ខុម ចាន់តារាទី ហៅស្រីមុំ នោះទេ។ ក្នុងនោះគឺមានបណ្ដឹងរបស់កញ្ញា ធី សុវណ្ណថា ដែលចោទលោក កឹម សុខា ពីបទបរិហារកេរ្តិ៍ និងបណ្ដឹងរបស់នាង ខុម ចាន់តារាទី ហៅស្រីមុំ ដែលប្ដឹងឲ្យតុលាការផ្ដន្ទាទោសលោក កឹម សុខា និងទាមទារសំណងជំងឺចិត្តពីលោក កឹម សុខា ចំនួន ៣សែនដុល្លារអាមេរិក៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
រឿងដែលគេអានច្រើនបំផុត
RFA
- ក្រុមអ្នកវិទ្យាសាស្ត្រ រកឃើញត្រីកម្រដែលជិតផុតពូជនៅទន្លេមេគង្គ
- តើលោក កើត រិទ្ធ ជាអ្នកណា?
- តុលាការចោទសកម្មជនបក្សសង្គ្រោះជាតិ ដែលចូលរួមវគ្គបណ្ដុះបណ្ដាលនៅប្រទេសឥណ្ឌូនេស៊ីថា ជាគម្រោងធ្វើបដិវត្តពណ៌
- ជំទប់ទី២បក្សភ្លើងទៀនខេត្តបាត់ដំបងចោទមេឃុំបក្សកាន់អំណាចថា រើសអើងនិន្នាការនយោបាយ
- សង្គមស៊ីវិលចង់ឃើញរដ្ឋាភិបាលទប់ស្កាត់អំពើលាងលុយកង្វក់ឱ្យមានប្រសិទ្ធភាព
រឿងដែលគេអានច្រើនបំផុត
នយោបាយ
- សកម្មជនបក្សប្រឆាំងដែលកំពុងភៀសខ្លួននៅថៃសុខចិត្តរស់នៅលំបាកដើម្បីទាមទារឲ្យមានប្រជាធិបតេយ្យនៅកម្ពុជា
- អ្នកឃ្លាំមើលថា ដំណើរទស្សនកិច្ចរបស់លោក ហ៊ុន សែន ទៅគុយបាជាការពង្រឹងអំណាចផ្តាច់ការច្រើនជាងផលប្រយោជន៍ជាតិ
- លោក ហ៊ុន សែន ប្រតិកម្មនឹងមតិរិះគន់គ្រួសារលោកថា ដឹកនាំប្រទេសតពូជដូចកូរ៉េខាងជើង
- បក្សកាន់អំណាច និង គ.ជ.ប រក្សាជំហរបន្តប្ដឹងលោក សុន ឆ័យ អនុប្រធានគណបក្សភ្លើងទៀន
- ព័ត៌មានសំខាន់ៗចំនួន ៩ ដែលលោកអ្នកនាងគួរអានសម្រាប់ថ្ងៃព្រហស្បតិ៍នេះ