គណបក្សឆន្ទៈខ្មែរតែងតាំងថ្នាក់ដឹកនាំគណបក្សថ្មីភាគច្រើនមកពីគណបក្សភ្លើងទៀន
2024.01.21
សមាជវិសាមញ្ញរបស់គណបក្សឆន្ទៈខ្មែរ ជ្រើសតាំងថ្នាក់ដឹកនាំគណបក្សនេះ កាលពីថ្ងៃទី២០ មករា ២០២៤។
រូប៖ តេឡេក្រាមគណបក្សភ្លើងទៀន
ស្របពេលការបោះឆ្នោតព្រឹទ្ធសភាកាន់តែជិតមកដល់ គណបក្សឆន្ទៈខ្មែរ បានតែងតាំងថ្នាក់ដឹកនាំកំពូល ដែលភាគច្រើនមកពីគណបក្សភ្លើងទៀន។ ថ្នាក់ដឹកនាំទាំងនោះរួមមាន បណ្ឌិត សុក ហាច ជាប្រធានគណបក្ស លោក ហុង សុខហួរ លោក សុន ឆ័យ និងលោក សេង ម៉ារឌី ជាអនុប្រធានគណបក្ស លោក គង់ មុនីកា ជាអគ្គលេខាធិការ។ បន្ថែមពីនេះ អង្គសមាជវិសាមញ្ញគណបក្សឆន្ទៈខ្មែរ ដែលមានអ្នកចូលរួមប្រមាណ ២០០នាក់ ក្នុងរាជធានីភ្នំពេញ កាលពីថ្ងៃទី២០ ខែមករា ក៏បានសម្រេចជ្រើសតាំងសមាជិកគណៈកម្មាធិការនាយកចំនួន ៣២នាក់ និងកែប្រែលក្ខន្តិកៈរបស់គណបក្សមួយចំនួនទៀតផង។
ប្រធានក្រុមប្រឹក្សាវិន័យគណបក្សឆន្ទៈខ្មែរ ដែលទើបត្រូវបានជ្រើសតាំងក្នុងពេលថ្មីៗ គឺលោក គីមសួរ ភីរិទ្ធ ប្រាប់វិទ្យុអាស៊ីសេរី កាលពីថ្ងៃទី២០ ខែមករា ថា ការជ្រើសតាំងថ្នាក់ដឹកនាំថ្មីរបស់គណបក្សឆន្ទៈខ្មែរ ដែលភាគច្រើនគឺជាអតីតថ្នាក់ដឹកនាំគណបក្សភ្លើងទៀន គឺជាការបញ្ជាក់ជំហរថា គណបក្សឆន្ទៈខ្មែរមិនបានលំអៀងទៅភាគីណាមួយឡើយ។ លោកបន្ថែមថា ការផ្លាស់ប្ដូរថ្នាក់ដឹកនាំថ្មីនេះ ក៏ជាការរៀបចំរចនាសម្ព័ន្ធគណបក្សឆន្ទៈខ្មែរឡើងវិញ ដើម្បីត្រៀមខ្លួនចូលរួមប្រកួតការបោះឆ្នោតព្រឹទ្ធសភា និងក្រុមប្រឹក្សាខេត្តក្រុង ស្រុកខណ្ឌ នៅពេលខាងមុខ។
លោក គីមសួរ ភីរិទ្ធ៖ «កន្លងមកយើងចេះតែថា គណបក្សហ្នឹងរបស់គេ អីរបស់គេ ឥឡូវយើងឃើញហើយថា ការជ្រើសរើសថ្នាក់ដឹកនាំថ្មីហ្នឹង គឺបង្ហាញឱ្យឃើញថា សុទ្ធតែជាថ្នាក់ដឹកនាំ ដែលចាកចេញពីភ្លើងទៀន ទៅឈរធ្វើជាថ្នាក់ដឹកនាំនៅក្នុងគណបក្សឆន្ទៈខ្មែរ អ៊ីចឹងទេ ភ្លើងទៀនហ្នឹង ហើយនិងឆន្ទៈហ្នឹង មានកិច្ចសហការយ៉ាងមាំ ហើយនិងភាពជឿជាក់យ៉ាងខ្លាំងបំផុត»។
បើទោះបីជាថ្នាក់ដឹកនាំគណបក្សភ្លើងទៀនភាគច្រើន បានចាកចេញពីគណបក្ស ហើយប្រធានស្ដីទីគណបក្សភ្លើងទៀនលោក ឃឹម ចាន់វណ្ណៈ ត្រូវបានសាលាដំបូងរាជធានីចោទប្រកាន់ពីបទក្លែងបន្លំឯកសារ និងប្រើប្រាស់ឯកសារក្លែងក្លាយ និងយកទៅឃុំនៅពន្ធនាគារព្រៃសកាលពីពេលថ្មីៗនេះក្ដី តែគណបក្សភ្លើងទៀននៅតែបន្តវត្តមាននៅក្នុងសម្ពន្ធភាពឆ្ពោះទៅអនាគត៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- សមត្ថកិច្ចចាប់ខ្លួនជំនួយការផ្ទាល់របស់លោក ហ៊ុន សែន គឺលោក ដួង តារា ស្ងាត់ៗ
- ប្រធានព្រឹទ្ធសភា លោក ហ៊ុន សែន ចោទទីប្រឹក្សារបស់លោកថា បានយកឈ្មោះលោកទៅបោកប្រាស់អ្នកដទៃ
- អ្នកឃ្លាំមើល ស្នើអាជ្ញាធរឱ្យបង្ហាញការស៊ើបអង្កេតលើទីប្រឹក្សាលោក ហ៊ុន សែន ពាក់ព័ន្ធករណីទទួលលុយរត់ការឡើងតំណែង
- ក្រុមឆបោកតាមអនឡាញនៅខេត្តជាប់ព្រំដែនថៃ និងវៀតណាម «រីករាលដាលខ្លាំង»
- APHR ជំរុញឱ្យកម្ពុជាដោះលែងពលករខ្មែរ នួន តឿន និងអ្នកកាសែត លោក ម៉ិច ដារ៉ា
អត្ថបទពេញនិយម
នយោបាយ
- សមាជិកសភាម៉ាឡេស៊ីជំរុញឱ្យមានសវនាការពិសេស ពាក់ព័ន្ធការនិរទេសពលករខ្មែរពីម៉ាឡេស៊ីទៅកម្ពុជាទាំងបង្ខំ
- ការបន្តតែងតាំងកូនៗរបស់មន្ត្រីជាន់ខ្ពស់ក្នុងស្ថាប័នរដ្ឋ «ជានយោបាយសន្តតិវង្ស និងការបែងចែកវណ្ណៈ»
- ពលករខ្មែរនៅកូរ៉េខាងត្បូងធ្វើបាតុកម្មភ្លើងទៀនទាមទារឱ្យរដ្ឋាភិបាលកម្ពុជាស្តារប្រជាធិបតេយ្យ
- នាយករដ្ឋមន្ត្រីថៃ ជំរុញកម្ពុជាឱ្យឆាប់ដោះស្រាយបញ្ហាឧក្រិដ្ឋកម្មឆបោក និងការជួញដូរគ្រឿងញៀនឆ្លងដែន
- ក្រុមមេដឹកនាំអាស៊ានផ្ដោតលើការស្វែងរកដំណោះស្រាយភូមា និងបញ្ហាជម្លោះសមុទ្រចិនខាងត្បូង