ព័ត៌មាន​ក្នុង​ស្រុក​មួយ​ចំនួន​មិន​ចាប់​អារម្មណ៍​ការ​វិល​ត្រឡប់​របស់​មេ​បក្ស​ប្រឆាំង

លោក សម រង្ស៉ី ប្រធាន​គណបក្ស​សង្គ្រោះ​ជាតិ ដែល​បាន​និរទេស​ខ្លួន​ឯង​នៅ​ក្រៅ​ប្រទេស​អស់​រយៈពេល ៤​ឆ្នាំ​កន្លង​ទៅ​នេះ បាន​វិល​ត្រឡប់​មក​កម្ពុជា វិញ​ហើយ ដែល​ធ្វើ​អោយ​ប្រជាពលរដ្ឋ​ជាច្រើន ជា​ពិសេស​ប្រជាពលរដ្ឋ​ខ្មែរ​ដែល​គោរព​ស្រឡាញ់​លោក និង​អ្នក​គាំទ្រ​គណបក្ស​សង្គ្រោះ​ជាតិ មាន​ការ​ចាប់​អារម្មណ៍​យ៉ាង​ខ្លាំង។
ដោយ អាន ម៉ារីដា
2013-07-19
អ៊ីម៉ែល
មតិ
Share
បោះពុម្ព

អ្នក​គាំទ្រ​គណបក្ស​សង្គ្រោះ​ជាតិ នៅ​គ្រប់​ទិសទី ទាំង​ក្នុង​ប្រទេស​កម្ពុជា និង​នៅ​ក្រៅ​ប្រទេស ប្រាកដ​ជា​តាម​ដាន​យ៉ាង​យក​ចិត្ត​ទុក​ដាក់ ចំពោះ​ព្រឹត្តិការណ៍​វិល​ត្រឡប់​របស់​មេ​បក្ស​របស់​ពួក​គេ។ ផ្ទុយ​ទៅ​វិញ គេ​សង្កេត​ឃើញ​ថា បណ្ដាញ​វិទ្យុ និង​ទូរទស្សន៍​ក្នុង​ស្រុក​មួយ​ចំនួន ហាក់​មិន​ចាប់​អារម្មណ៍ និង​ផ្សព្វផ្សាយ​ចំពោះ​ការ​វិល​ត្រឡប់​របស់ លោក សម រង្សី នោះ​ឡើយ។

កាល​ពី​ព្រឹក​ថ្ងៃ​ទី១៩ ខែ​កក្កដា ឆ្នាំ​២០១៣ នេះ ប្រជាពលរដ្ឋ​ជាច្រើន​ម៉ឺន​នាក់ ឈរ​អម​សង​ខាង​ផ្លូវ​ពី​ព្រលាន​យន្តហោះ​អន្តរជាតិ​ភ្នំពេញ រហូត​ដល់​ទីលាន​ប្រជាធិបតេយ្យ ដើម្បី​ស្វាគមន៍​ការ​វិល​ត្រឡប់​មក​កាន់​ប្រទេស​កម្ពុជា វិញ​របស់ លោក សម រង្ស៊ី បន្ទាប់​ពី​ការ​និរទេស​ខ្លួន​ឯង​អស់​រយៈពេល ៤​ឆ្នាំ​កន្លង​ទៅ​នេះ។ ព្រឹត្តិការណ៍​ដែល​មិន​ធ្លាប់​កើត​មាន​នេះ បាន​ធ្វើ​អោយ​មាន​ការ​ភ្ញាក់​ផ្អើល​ពី​មជ្ឈដ្ឋាន​ទូទៅ មិន​ថា​ប្រុស ស្រី ចាស់​ក្មេង ជា​ពិសេស គឺ​យុវវ័យ​តែ​ម្តង។ បន្ថែម​ពី​នេះ បណ្ដាញ​ផ្សព្វផ្សាយ​ព័ត៌មាន​បរទេស ហាក់​ចាប់​អារម្មណ៍​ចំពោះ​ព្រឹត្តិការណ៍​នេះ​ជាង​បណ្ដាញ​សារព័ត៌មាន វិទ្យុ និង​ទូរទស្សន៍​មួយ​ចំនួន​នៅ​កម្ពុជា ដែល​ជា​ម្ចាស់​ផ្ទះ​ទៅ​វិញ។

ជាង​នេះ​ទៅ​ទៀត បណ្ដាញ​សង្គម​ហ្វេសប៊ុក (Facebook) ដែល​យុវវ័យ​និយម​ចូល​ចិត្ត​ប្រើប្រាស់ និង​ចែក​ចាយ​ព័ត៌មាន​យ៉ាង​ឆាប់​រហ័ស​នោះ បាន​ចែក​ចាយ​ព័ត៌មាន​ទាំង​នោះ​យ៉ាង​គគ្រឹកគគ្រេង។ យុវវ័យ​ភាគ​ច្រើន​បាន​ឆ្លើយ​ឆ្លង​គ្នា​លើ​បណ្ដាញ​សង្គម​មួយ​នេះ បង្ហាញ​ពី​ភាព​មិន​ពេញ​ចិត្ត និង​មិន​អាច​ទស្សនា​ការ​ផ្សាយ​ផ្ទាល់​នៃ​ការ​វិល​ត្រឡប់​របស់ លោក សម រង្ស៊ី ដូច​ការ​ធ្វើ​បាតុកម្ម​របស់ លោក ជុំ ម៉ី ដែល​ធ្វើ​បាតុកម្ម​ប្រឆាំង​នឹង​អនុប្រធាន​គណបក្ស​សង្គ្រោះ​ជាតិ គឺ​លោក កឹម សុខា សោះ។ លើស​ពី​នេះ​ទៅ​ទៀត ការ​មិន​ពេញ​ចិត្ត​ពេញ​ថ្លើម​របស់​ប្រជាពលរដ្ឋ និង​យុវជន បាន​ជំរុញ​ទឹក​ចិត្ត​ពួក​គេ​អោយ​កាន់​តែ​ខិតខំ​បន្ថែម​ទៀត ក្នុង​ការ​ចូលរួម​គាំទ្រ និង​ផ្សព្វផ្សាយ​ព័ត៌មាន​នេះ​ទៅ​កាន់​ប្រជាពលរដ្ឋ​ផ្សេងៗ​ទៀត ដែល​មិន​អាច​ទស្សនា​បាន​តាម​កញ្ចក់​ទូរទស្សន៍​ក្នុង​ស្រុក។

ការ​មិន​ផ្សាយ​រូបភាព និង​ព័ត៌មាន​ទាក់ទង លោក សម រង្ស៊ី វិល​ត្រឡប់​មក​ប្រទេស​វិញ​របស់​ស្ថានីយ​ទូរទស្សន៍​ក្នុង​ស្រុក​នេះ បាន​បង្ហាញ​ឲ្យ​ឃើញ​ភាព​លម្អៀង និង​មិន​ស្មើភាព​គ្នា​ក្នុង​ប្រព័ន្ធ​ផ្សព្វផ្សាយ​នៅ​ក្នុង​ប្រទេស​កម្ពុជា៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (6)
Share

អ្នក​អាន​អនាមិក

I am so pity for PM Hun Sen to have a such narrow mind Ministers.They so cheap and make RGC ashamed to the world

Jul 21, 2013 03:10 AM

អ្នក​អាន​អនាមិក

Khmer people watch local TVs only Ca-media. We know very well that all these TVs,Radio and newspapers are useless and non-professional, not reliable and no respected by people.

Jul 21, 2013 03:07 AM

អ្នក​អាន​អនាមិក

សូម្បីែតកាសែតក្នុងស្រុក ត្រូវបានហាមឃាត់មិនអោយផ្សាយដែរ តើកាសែត ទាំងនោះមានវិជ្ជាជីវដែរឬទេ?

Jul 20, 2013 01:26 PM

អ្នក​អាន​អនាមិក

the returning of Cambodia opposition party leaders was known over around the world, but not Cambodian. that's so funny.

Jul 20, 2013 11:54 AM

អ្នក​អាន​អនាមិក

Tell Hun Sen govt that you cannot hide the truth from people because new technology and media can spread news quick and accurate.Not like 6o years ago, former king could hide.

Jul 20, 2013 09:05 AM

មើល​មតិ​ទាំង​អស់.

គេហទំព័រ​ទាំងមូល