សម្ដេច​ក្រុមព្រះ​ព្រមាន​ក្រុម​លោក ញឹក ប៊ុនឆៃ រឿង​ឆាឆៅ​គណបក្ស​ហ៊្វុនស៊ិនប៉ិច

ដោយ ជិន ជេដ្ឋា
2016-04-09
អ៊ីម៉ែល
មតិ
Share
បោះពុម្ព
ប្រធាន​គណបក្ស​ហ្វ៊ុនស៊ិនប៉ិច សម្ដេច​ក្រុមព្រះ នរោត្ដម រណឫទ្ធិ ថ្លែង​ក្នុង​ពិធី​ជួប​សំណេះសំណាល​សមាជិក​គណបក្ស​នៅ​ទីស្នាក់ការ​ខេត្ត​កំពង់ឆ្នាំង នៅ​ថ្ងៃ​ទី​៩ មេសា ឆ្នាំ​២០១៦។
ប្រធាន​គណបក្ស​ហ្វ៊ុនស៊ិនប៉ិច សម្ដេច​ក្រុមព្រះ នរោត្ដម រណឫទ្ធិ ថ្លែង​ក្នុង​ពិធី​ជួប​សំណេះសំណាល​សមាជិក​គណបក្ស​នៅ​ទីស្នាក់ការ​ខេត្ត​កំពង់ឆ្នាំង នៅ​ថ្ងៃ​ទី​៩ មេសា ឆ្នាំ​២០១៦។
RFA/Chin Chetha

សម្ដេច​ក្រុម​ព្រះ នរោត្ដម រណឫទ្ធិ ព្រមាន​ចាត់​វិធានការ​តាម​ផ្លូវ​ច្បាប់ ឬ​អាច​ឲ្យ​សមាជិក​បក្ស​របស់​ព្រះអង្គ តតាំង​ក្រៅ​ប្រព័ន្ធ​ច្បាប់​ផង​ដែរ ចំពោះ​លោក ញឹក ប៊ុនឆៃ ដែល​ព្រះអង្គ​អះអាង​ថា បាន​ឆាឆៅ​គណបក្ស​ហ្វ៊ុនស៊ិនប៉ិច។ ចំណែក​លោក ញឹក ប៊ុនឆៃ ឆ្លើយ​តប​ថា លោក​មិន​ដែល​ទៅ​ឆាឆៅ​សម្ដេច​ក្រុមព្រះ​​នោះ​ទេ ហើយ​ករណី​ដកហូត​ស្លាក​សញ្ញា​គណបក្ស​ហ្វ៊ុនស៊ិនប៉ិច​នោះ គឺ​ជា​រឿង​បុគ្គល។

ប្រធាន​គណបក្ស​ហ្វ៊ុនស៊ិនប៉ិច សម្ដេច​ក្រុមព្រះ នរោត្ដម រណឫទ្ធិ បាន​ថ្លែង​សារ​នយោបាយ​ជា​ច្រើន​ទៅ​កាន់​អ្នក​គាំទ្រ​របស់​ព្រះអង្គ​ជាង ១.៦០០​នាក់ នៅ​ទីស្នាក់ការ​ខេត្ត​កំពង់ឆ្នាំង នៅ​ព្រឹក​ថ្ងៃ​ទី​៩ ខែ​មេសា។ ព្រះអង្គ​ឆ្លៀត​បញ្ចេញ​សារ​ព្រមាន​លោក ញឹក ប៊ុនឆៃ ដែល​ធ្លាប់​ជា​ដៃគូ​នយោបាយ​ចាស់​វស្សា​ក្នុង​បក្ស​ហ្វ៊ុនស៊ិនប៉ិច ហើយ​ចែក​ផ្លូវ​គ្នា​កាល​ពី​ដើម​ឆ្នាំ​២០១៦ ទាក់ទង​នឹង​ការ​ឈ្នានីស​ព្រះអង្គ។

សម្ដេច​ក្រុមព្រះ​ថ្លែង​ថា កន្លង​ទៅ​ព្រះអង្គ​មិន​ដែល​ធ្វើ​បាប ឬ​បណ្ដេញ​អ្នក​នយោបាយ​ណា​ម្នាក់​ចេញ​ពី​បក្ស​នោះ​ទេ ផ្ទុយ​ទៅ​វិញ ក្រុម​លោក ញឹក ប៊ុនឆៃ ដែល​ទើប​បង្កើត​បក្ស​ថ្មី បាន​ធ្វើ​បាប​ព្រះអង្គ និង​អ្នក​រាជា​និយម​ជា​ច្រើន​ទៀត​ដែល​ដង្ហែ​តាម​ព្រះអង្គ។ ព្រះអង្គ​មាន​បន្ទូល​ទៀត​ថា ចាប់​ពី​ពេល​នេះ​ទៅ​គណបក្ស​ហ្វ៊ុនស៊ិនប៉ិច នឹង​តបត​ចំពោះ​ការ​បំផ្លាញ​ស្លាក​សញ្ញា​គណបក្ស និង​សកម្មភាព​ដទៃ​ទៀត៖ «អត់​រវល់​ទេ ចាប់​ពី​ថ្ងៃ​នេះ​ទៅ! អ្ហែង​ដុត​អញ​ដុត​វិញ! អ៊ីចឹង​បាន​អ្នកម្នាង​ចេះ​តែ​អន់​ចិត្ត​ថា ដោយសារ​សម្ដេច​តា ត្រូវ​ជា​ឪពុក​ឲ្យ​ឈ្មោះ​សម្ដេច​ក្រុមព្រះ បាន​ជា​ស្លូត​ដូច​ព្រះ​អ៊ីចឹង។ ឥឡូវ​អ្នកម្នាង​អត់​មាន​ងារ​មាន​អី​នឹង​គេ​ទេ បាន​តែ​ប្រាប់​ឲ្យ​ហើយ អ្ហែង​ដុត អញ​ដុត​វិញ! បើ​ខ្មែរ​នៅ​នេះ​អត់​ហ៊ាន​ទៅ​យក​អា​ខ្មែរ​យួន​នៅ​ទន្លេសាប​ច្រើន​ណាស់ ផ្ដាំ​គ្នា​ឲ្យ​ហើយ​ថ្ងៃ​នេះ»

ឆ្លើយ​តប​នឹង​សារ​ព្រមាន​នេះ ប្រធាន​គណបក្ស​ខ្មែរ​រួបរួម​ជាតិ ដែល​ទើប​បង្កើត​ថ្មី គឺ​លោក ញឹក ប៊ុនឆៃ ថា​លោក​សព្វថ្ងៃ​ខិតខំ​ធ្វើ​ការងារ​ក្នុង​គណបក្ស​ទើប​បង្កើត​ថ្មី ហើយ​លោក​មិន​ដែល​ទៅ​ធ្វើ​ទុក្ខបុកម្នេញ​អ្វី​លើ​សម្ដេច​ក្រុមព្រះ​នោះ​ទេ។ ចំពោះ​ការ​ចោទ​ថា មាន​ករណី​បំផ្លាញ ឬ​ដក​ហូត​ស្លាក​សញ្ញា​គណបក្ស​ហ៊្វុនស៊ិនប៉ិន នោះ លោក​ប្រាប់​ថា វា​ជា​រឿង​បុគ្គល​ដែល​ចេញ​លុយ​ធ្វើ​ស្លាក៖ «ជម្រាប​ជូន​ថា នេះ​មិន​មែន​ជា​រឿង​គណបក្ស​ទេ វា​ជា​រឿង​បុគ្គល​ដែល​គេ​ចេញ​លុយ​ធ្វើ​ស្លាក​ដាក់​មុខ​ផ្ទះ​របស់​គេ។ អ៊ីចឹង​ហើយ​ម្ចាស់​លុយ​ម្ចាស់​អី​គេ​ហ្នឹង​គេ​មាន​សិទ្ធិ ព្រោះ​មិន​មែន​ជា​លុយ​របស់​សម្ដេច​ក្រុមព្រះ​ដែល​យក​ទៅ​ឲ្យ​លើក​ស្លាក​ទេ»

សាស្ត្រាចារ្យ​ផ្នែក​វិទ្យា​សាស្ត្រ​នយោបាយ​លោក​បណ្ឌិត រស់ រ៉ាវុធ មាន​ប្រសាសន៍​ថា ការ​ប្ដឹងផ្ដល់​ហែកហួរ​គ្នា​រវាង​លោក ញឹក ប៊ុនឆៃ និង​សម្ដេច​ក្រុម​ព្រះ មិន​បាន​ចំណេញ​អ្វី​ដល់​ប្រទេស​ជាតិ ឬ​ប្រជាពលរដ្ឋ​ខ្មែរ​នោះ​ទេ។ លោក​ថា ការ​បញ្ចេញ​សារ​ព្រមាន ឬ​ប្ដឹង​ផ្ដល់​គ្នា​គ្មាន​ចំណេញ​អ្វី​ក្រៅ​ពី​ឲ្យ​អ្នក​នយោបាយ​ដទៃ និង​សាធារណៈ​មើល​ងាយ ហើយ​បរិហារកេរ្តិ៍​ចំពោះ​បុគ្គល​ដែល​បាន​ប្ដឹង​គ្នា​នេះ​ទៅ​វិញ​ទេ៖ «តើ ​ថ្ងៃ​ណា​ទៅ​ដែល​អ្នក​នយោបាយ​ខ្មែរ​បញ្ឈប់​នូវ​ការ​ហែកហួរ​គ្នា ហើយ​យក​គោលនយោបាយ​របស់​គណបក្ស​នីមួយៗ មក​បម្រើ​ជាតិ និង​ប្រជាពលរដ្ឋ​របស់​ខ្លួន។ អ៊ីចឹង​ទេ អ្វី​ដែល​គួរ​អត់​ឱន​ឲ្យ​គ្នា និង​អ្វី​ដែល​គួរ​ដោះ​ស្រាយ​នោះ គួរ​តែ​អ្នក​នយោបាយ​ខ្មែរ​ដោះស្រាយ ហើយ​វិល​មក​រួបរួម​គ្នា ដោយ​ធ្វើ​នយោបាយ​យ៉ាង​ណា ដើម្បី​ជាតិ និង​មាតុភូមិ​របស់​យើង»

សម្ដេច​ក្រុមព្រះ នរោត្តម រណឫទ្ធិ និង​លោក ញឹក ប៊ុនឆៃ ដែល​ជា​អ្នក​នយោបាយ​មាន​និន្នាការ​រាជា​និយម បាន​ដាក់​ពាក្យ​ប្ដឹង​គ្នា​ទៅ​វិញ​ទៅ​មក ដើម្បី​ដណ្ដើម​គ្រប់គ្រង​កេរ​មតក​គ្នា​នៅ​ក្នុង​គណបក្ស​ហ្វ៊ុនស៊ិនប៉ិច ដែល​ជា​ស្នាព្រះហស្ត​របស់​ព្រះ​បរម​រតនកោដ្ឋ នរោត្តម សីហនុ ដូចជា​ទីស្នាក់ការ​នៅ​តាម​ខេត្ត និង​ស្លាក​គណបក្ស​ជាដើម បន្ទាប់​ពី​អ្នក​ទាំង​ពីរ​បែកបាក់​គ្នា​ជា​ថ្មី​ម្ដង​ទៀត​កាល​ដើម​ឆ្នាំ​២០១៦។

ប្រធាន​ប្រតិបត្តិ​ខេត្ត​កំពង់ឆ្នាំង នៃ​គណបក្ស​ហ្វ៊ុនស៊ិនប៉ិច លោក អ៊ុក ខុត ឲ្យ​ដឹង​ថា ស្លាក​សញ្ញា​គណបក្ស​ចំនួន ១៤ ត្រូវ​បាន​ក្រុម​ការងារ​របស់​លោក ញឹក ប៊ុនឆៃ ដក​ហូត​យក​ទៅ​ធ្វើ​ជា​ទ្រព្យសម្បត្តិ​របស់​ខ្លួន​ដោយ​លុប​ឈ្មោះ​គណបក្ស​ហ្វ៊ុនស៊ិនប៉ិច ចោល ដាក់​ជំនួស​មក​វិញ​នូវ​ឈ្មោះ​គណបក្ស​ខ្មែរ​រួបរួម​ជាតិ។ លោក​ថា ស្លាក​សញ្ញា​គណបក្ស​ហ្វ៊ុនស៊ិនប៉ិច ចំនួន ១៤៦ នៅ​ទូទាំង​ខេត្ត​ប្រឈម​នឹង​ការ​បាត់បង់៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (3)
Share

Cham Sne

ពី Pailin

តាមការស្ទាបស្ទង់មតិ គណបក្សនេះនឹងបានប្រមាណ ២០ កៅអី ក្នុងឆ្នាំ២០១៨។

Apr 09, 2016 08:21 PM

Forth...back..back...foth by two both of u...

Like Ranarith like Ngek B.Chhay...let me tell u both guys...no anybody risk to bid or vast their money to invest your straw house party at all " everytime heard only ruthless behavior ".If u build the foundation of the party to be stronger and success ,u have to be smart with scan all your politic members from the rooftop to the bottom down to earth "no room or space for crooks ,thieves ,opportunist ,scammer ,barbaric ,criminal ,blood-suker ,money thirsty or greedy...u have to build a strong brick house that the big bad wolf HUNSEN cannot blow it away and eat u guy " avoid build a straw house ".Learn from the past that cause your painful life and stop be stupid guy in political arena .Be strong commitment ,selecting wisely ,setup the best goal or achievement ,no selfish ,sacrifice ,use smart strategies ,be impatient ,calm down ,cool down and be smart ass...

Apr 09, 2016 12:04 PM

អ្នក​អាន​អនាមិក

,,,,,,,,,,,,,, កប់ យោបល់ ! ............

Apr 09, 2016 10:36 AM

គេហទំព័រ​ទាំងមូល