របប​ក្រុង​ភ្នំពេញ​រៀបចំ​ទីតាំង​ធ្វើ​សម​យុទ្ធ​យោធា​នាគ​មាស​ជាមួយ​កងទ័ព​ចិន​នៅ​ខែ​មីនា​ខាង​មុខ

2019-02-12
អ៊ីម៉ែល
មតិ
Share
បោះពុម្ព
​វគ្គបិទ​បញ្ចប់​​លំហាត់​យោធា​កម្ពុជា-ចិន នា​ខេត្ត​កំពង់ស្ពឺ នៅ​ថ្ងៃ​ទី​២៣ ខែ​ធ្នូ ឆ្នាំ​២០១៦។ RFA/Cheu Sideth
​វគ្គបិទ​បញ្ចប់​​លំហាត់​យោធា​កម្ពុជា-ចិន នា​ខេត្ត​កំពង់ស្ពឺ នៅ​ថ្ងៃ​ទី​២៣ ខែ​ធ្នូ ឆ្នាំ​២០១៦។ RFA/Cheu Sideth
RFA/Cheu Sideth

របប​ក្រុង​ភ្នំពេញ​កំពុង​រៀប​ចំ​ទីលាន អាគារ​ស្នាក់​នៅ ប្រព័ន្ធ​ផ្លូវ និង​ហេដ្ឋារចនាសម្ពន្ធ​ផ្សេង​ទៀត ដើម្បី​បម្រើ​ឱ្យ​សម​យុទ្ធ​យោធា​នាគ​មាស​ឆ្នាំ ២០១៩ ជាមួយ​កងទ័ព​រំដោះ​ប្រជាជន​ចិន ដែល​គ្រោង​ធ្វើ​នៅ​ខែ​ក្រោយ​នេះ​។

អគ្គ​មេបញ្ជាការ​រង​ និង​ជា​នាយក​សេនាធិការ​ចម្រុះ​នៃ​កង​យោធពលខេមរភូមិន្ទ លោក​ ឥត សារ៉ាត់ ថ្លែង​នៅ​ក្នុង​ពេល​ចុះ​ត្រួត​ពិនិត្យ​សកម្មភាព​សាងសង់​ទីតាំង​ធ្វើ​សម​យុទ្ធ នៅ​ថ្ងៃ​ទី១១ កុម្ភៈ​ថា សម​យុទ្ធ​នាគ​មាស​លើក​នេះ នឹង​មាន​ទ្រង់​ទ្រាយ​ធំជាង​មុន ដូច្នេះ​លោក​បញ្ជា​ឱ្យ​អង្គភាព​ពាក់ព័ន្ធ​ទាំង​អស់​ត្រូវ​ប្រឹង​ប្រែង​តាម​ជំនាញ​ និង​កែ​សម្រួល​ចំណុច​ខ្វះខាត​ ដើម្បី​ធ្វើ​យ៉ាងណា​ឱ្យ​លំហាត់​នាគ​មាស​នេះ ទទួល​បាន​ជោគជ័យ។

សម​យុទ្ធ​យោធា​នាគ​មាស​នៅ​ឆ្នាំនេះ នឹង​ធ្វើ​ឡើង​នៅ​ទីលាន​ហ្វឹកហ្វឺន​បាញ់​គ្រាប់​ពិត​នៃ​កង​ពល​តូច​លេខ ៧០ ស្ថិត​ក្នុង​ស្រុក​ជុំ​គិរី ខេត្ត​កំពត។ សម​យុទ្ធ​យោធា​​ជាមួយ​កង​ទ័ព​ចិន​នៅ​ឆ្នាំ​នេះ ប្រព្រឹត្ត​ទៅ​ក្រោម​របៀបវារៈ “ប្រឆាំង​ភេរវកម្ម និង​ផ្នែក​មនុស្សធម៌”។ របប​ក្រុង​ភ្នំពេញ​អះអាង​ថា សម​យុទ្ធ​​​នេះ នឹង​ធ្វើ​ឱ្យ​កង​ទ័ព​នៃ​ប្រទេស​ទាំងពីរ​កាន់​តែ​ជិត​ស្និទ្ធ​ក្នុង​បេសកកម្ម​ការងារ​រួម​គ្នា។

ប៉ុន្មាន​ឆ្នាំ​ចុង​ក្រោយ​នេះ របប​លោក ហ៊ុន សែន បាន​ធ្វើ​​សម​យុទ្ធ​យោធា​ជាមួយ​ប្រទេស​ចិន​​ជា​បន្ត​បន្ទាប់ ហើយ​ក្រុង​ប៉េកាំង​ក៏​បាន​ផ្ដល់​ជំនួយ​ច្រើន​សន្ធឹក​សន្ធាប់​ដល់​របប​នេះ​ផង​ដែរ។ ជាក់​ស្ដែង​កាល​ពី​ពាក់​កណ្ដាល​​​ឆ្នាំ ២០១៨ កន្លងទៅ ចិន​បាន​ផ្ដល់​ជំនួយ​ឥត​សំណង​ជា​ទឹកប្រាក់​ប្រមាណ ១០០លាន​ដុល្លារ​អាមេរិក​ ដល់​វិស័យ​យោធា​កម្ពុជា។

ជំនួយ​ និង​កិច្ច​សហប្រតិបត្តិ​ការ​ជិត​ស្និទ្ធ​ជាមួយ​ប្រទេស​ចិន​នេះ បាន​ធ្វើ​ឱ្យ​របប​ក្រុង​ភ្នំពេញ​បែរ​ខ្នង​ដាក់​បស្ចិម​ប្រទេស​កាន់​តែ​ខ្លាំង​នៅ​លើ​វិស័យ​យោធា។ ជា​ឧទាហរណ៍ របប​​នេះ​​បាន​លុប​​ចោល​សម​យុទ្ធ​​យោធា “ឆ្មាំ​អង្គរ” ជាមួយ​សហរដ្ឋ​អាមេរិក និង​សម​យុទ្ធ​យោធា​ ដន គោព្រៃ (Dawn Kouprey) ជាមួយ​អូស្ត្រាលី កាល​ពី​ឆ្នាំ ២០១៧ កន្លងទៅ។ មក​ទល់​ពេល​នេះ របប​ក្រុង​ភ្នំពេញ​​មិន​បាន​បង្ហាញ​ចេតនា​ណា​មួយ​ក្នុង​ការ​បង្កើត​ឡើង​វិញ​នូវ​សម​យុទ្ធ​យោធា​ជាមួយ​ប្រទេស​ប្រជាធិបតេយ្យ​ទាំង​នេះ​​ឡើយ៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (1)
Share

tmil Hun Sen can run,but he can't hid

How can the khmer military bases survival if the war breaking with other?because the khmer geographic 100% is not good to be safe for military like before.It's very very dangerous situation out there,if a war breakup"face 21st century military high-tech information"and any enemies can see clearly from the sky like military bases,military hardware,military headquarter,no more safe having,no more jungle...no more trees and military drones technology can shoots them from far away like the dusk in a bucket.Do u why because khmer army didn't have a military high technology system if compare around its region"far behind them",just have only one airport,one port,one military headquarter if its enemy destroy that airport or that port there everything quickly surrender"only drones war".If,we look from the sky the whole geographic of Cambodia look like a bold planet,maybe less than 25% trees has been survived and a satellite can counting cars in the whole country in just less than 18 minutes include dictator Hun Sen's car and bunker too.The big birds will swoop up tmil Hun Sen ass in second period of time.

Feb 12, 2019 03:43 PM

គេហទំព័រ​ទាំងមូល