វេទិកាអ្នកស្ដាប់បន្ថែម៖ លោក សម រង្ស៊ី លាលែងពីតំណែងប្រធានគណបក្សសង្គ្រោះជាតិ
2017.02.11
លោក សម រង្ស៊ី ប្រធានគណបក្សសង្គ្រោះជាតិ សរសេរសំបុត្រលាលែងពីតំណែងប្រធានគណបក្សសង្គ្រោះជាតិ។
សំបុត្រដែលមានចុះហត្ថលេខាដោយលោក សម រង្ស៊ី នៅថ្ងៃទី១១ ខែកុម្ភៈ ហើយដែលត្រូវបានលោក សម រង្ស៊ី បង្ហោះនៅលើទំព័រហ្វេសប៊ុក (Facebook) របស់លោកបញ្ជាក់ថា ការដែលលោកលាលែងពីតំណែងប្រធានបក្ស និងពីសមាជិកភាពគណបក្សសង្គ្រោះជាតិនេះ ដោយសារមូលហេតុផ្ទាល់ខ្លួនរបស់លោក។ លោកស្នើឲ្យគណៈកម្មាធិការអចិន្ត្រៃយ៍ និងគណៈកម្មាធិការនាយកគណបក្សសង្គ្រោះជាតិ ទទួលយកសេចក្ដីសម្រេចនេះ ដោយចូលជាធរមានចាប់ពីថ្ងៃចុះហត្ថលេខានេះតទៅ។
បើទោះជាយ៉ាងណា លោក សម រង្ស៊ី បានសរសេរបន្ថែមលើលិខិតនោះថា៖ "គ្រប់កាលៈទេសៈខ្ញុំនៅតែរក្សាឧត្ដមគតិសង្គ្រោះជាតិជានិច្ច ក្នុងបេះដូងរបស់ខ្ញុំ"។
សូមស្ដាប់នាទីវេទិកាអ្នកស្ដាប់វិទ្យុអាស៊ីសេរី បន្ថែម ពិភាក្សាជុំវិញការលាលែងតំណែងរបស់លោក សម រង្ស៊ី នេះ ដែលមានវាគ្មិនចូលរួម គឺលោក គឹម សុខ អ្នកឃ្លាំមើលបញ្ហាសង្គម និងនយោបាយ និងលោក សូ ចន្ថា អ្នកជំនាញខាងវិទ្យាសាស្ត្រនយោបាយ និងសម្របសម្រួលដោយលោក ជី វិតា៖