លោក ហ៊ុន សែន គ្រោងកែរដ្ឋធម្មនុញ្ញដើម្បីឲ្យលោកតែងតាំងរដ្ឋលេខាធិការបាន
2017.12.25
លោកនាយករដ្ឋមន្ត្រី ហ៊ុន សែន ថ្លែងក្នុងកិច្ចប្រជុំសភាសម្រេចលុយចោលតួនាទីប្រធានក្រុមភាគតិច ភាគច្រើន នៅថ្ងៃទី៣១ ខែមករា ឆ្នាំ២០១៧។
RFA
លោកនាយករដ្ឋមន្ត្រី បង្ហើបថា រដ្ឋាភិបាលរបស់លោក គ្រោងនឹងស្នើសុំធ្វើវិសោធនកម្មរដ្ឋធម្មនុញ្ញ ដែលជាច្បាប់កំពូលរបស់ប្រទេស នាពេលឆាប់ៗខាងមុខនេះ ដើម្បីឲ្យលោកអាចតែងតាំងមន្ត្រីត្រឹមថ្នាក់រដ្ឋលេខាធិការបានដោយផ្ទាល់ ដោយមិនចាំបាច់ឆ្លងកាត់ការអនុម័តពីរដ្ឋសភាជាមុននោះទេ។
កាសែតខ្មែរថាមស៍ ដែលស្និទ្ធនឹងរដ្ឋាភិបាលលោក ហ៊ុន សែន រាយការណ៍ឲ្យដឹងនៅថ្ងៃទី២៥ ខែធ្នូ ថា លោក ហ៊ុន សែន បានថ្លែងឲ្យដឹងអំពីគម្រោងការធ្វើវិសោធនកម្មរដ្ឋធម្មនុញ្ញនេះ នៅក្នុងសម័យប្រជុំគណៈរដ្ឋមន្ត្រីពេញអង្គរបស់លោក កាលពីថ្ងៃសុក្រសប្ដាហ៍មុននេះ។ ក្នុងសម័យប្រជុំគណៈរដ្ឋមន្ត្រីនោះ លោក ហ៊ុន សែន ថ្លែងថា ការធ្វើវិសោធនកម្មលើមាត្រាមួយចំនួនក្នុងរដ្ឋធម្មនុញ្ញ នឹងអនុញ្ញាតឲ្យរដ្ឋាភិបាលលោក អាចតែងតាំងមន្ត្រីឋានៈរដ្ឋលេខាធិការតាមរយៈព្រះរាជក្រឹត្យ ដោយផ្ទាល់។ លោកបន្តថា ការបើកផ្លូវឲ្យមានការតែងតាំងដោយផ្ទាល់នេះ នឹងធ្វើឲ្យការតែងតាំងមន្ត្រីមានឋានៈជារដ្ឋលេខាធិការ មានភាពងាយស្រួលប្រសើរជាងមុន ដើម្បីឲ្យមន្ត្រីរបស់លោកអាចបំពេញមុខតំណែងទំនេរនានានាពេលអនាគត។
យ៉ាងណាក៏ដោយ លោក ហ៊ុន សែន មិនបានបញ្ជាក់ពីពេលវេលាជាក់លាក់នៃការស្នើធ្វើវិសោធនកម្មរដ្ឋធម្មនុញ្ញនេះទេ ដោយលោកគ្រាន់តែបង្ហើបថា នឹងធ្វើនាពេលឆាប់ៗនេះ។
រដ្ឋាភិបាលលោក ហ៊ុន សែន តែងទទួលរងនូវការរិះគន់ពីស្ទើរគ្រប់មជ្ឈដ្ឋាន ថាបង្កើតឲ្យមាននូវវប្បធម៌ «អតិផរណាមុខតំណែង» សម្រាប់ក្រុមមន្ត្រីជាន់ខ្ពស់រដ្ឋាភិបាលបម្រើការងារ តាមក្រសួង ឬ ស្ថាប័នរដ្ឋនានា និងជួរកងទ័ព ដែលសុទ្ធតែជាមុខតំណែងមិនចាំបាច់ ផ្ទុយទៅវិញ វាបានបង្កើតឲ្យមាននូវការចាយវាយខ្ជះខ្ជាយថវិកាជាតិយ៉ាងច្រើនសន្ធឹកសន្ធាប់៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- វៀតណាមព្រមានថា ព្រែកជីកហ្វូណនតេជោអាចជួយសម្រួលវត្តមានយោធាចិនក្នុងទឹកដីកម្ពុជាកាន់តែជ្រៅ
- ពលរដ្ឋនៅតំបន់បឹងតាមោក ចោទប្រកាន់អាជ្ញាធរខណ្ឌព្រែកព្នៅថា ប្រើអំពើហិង្សា
- អាជ្ញាធរក្រុងភ្នំពេញមិនអនុញ្ញាតឱ្យបក្សកម្លាំងជាតិធ្វើបាតុកម្ម នៅទីលានប្រជាធិបតេយ្យ
- ក្រសួងដែនដីបានហៅអតិថិជនបុរីពិភពថ្មីទៅពិភាក្សា ដើម្បីរកដំណោះស្រាយ
- ពលរដ្ឋខ្មែរ-អូស្ត្រាលីម្នាក់ ដែលរិះគន់រដ្ឋាភិបាលកម្ពុជា រងការវាយដំពីជនមិនស្គាល់មុខមួយក្រុម ពេលទៅលេងស្រុកខ្មែរ
អត្ថបទពេញនិយម
នយោបាយ
- លោក ហ៊ុន សែន បដិសេធការចោទរបស់វៀតណាម ដែលថា ព្រែកជីកហ្វូណនសម្រាប់សម្រួលវត្តមានយោធាចិន
- មន្ត្រីរដ្ឋាភិបាលអះអាងថា ការជីកព្រែកហ្វូណនជាសិទ្ធិអធិបតេយ្យរបស់កម្ពុជា គ្មានការចាំបាច់បំភ្លឺគ្រប់រឿងដល់វៀតណាមទេ
- លោក ហ៊ុន ម៉ាណែត ថ្លែងការពារគម្រោងព្រែកជីកហ្វូណនតេជោ ក្រោយពេលវៀតណាមរិះគន់
- ពលរដ្ឋខ្មែរនៅក្រៅប្រទេសចង់ឃើញលោក ហ៊ុន ម៉ាណែត បង្រួបបង្រួមជាតិឡើងវិញក្នុងឱកាសចូលឆ្នាំខ្មែរ
- លោក ហ៊ុន សែន ស្នើជួបមេដឹកនាំរដ្ឋប្រហារយោធាភូមាភ្លាមៗក្រោយឡើងតំណែងជាប្រធានព្រឹទ្ធសភា