មន្ត្រី​ជាន់​ខ្ពស់​កម្ពុជា​ចូល​រួម​អបអរ​ទិវា​ជ័យជំនះ​វៀតណាម​ឈ្នះ​សង្គ្រាម​លើ​អាណានិគម​បារាំង

ដោយ វោហារ ជាតិ
2014-05-07
អ៊ីម៉ែល
មតិ
Share
បោះពុម្ព

នាយករដ្ឋមន្ត្រី​ប្រចាំការ និង​ជា​រដ្ឋមន្ត្រី​ក្រសួង​ទំនាក់ទំនង​ជាមួយ​រដ្ឋសភា​ព្រឹទ្ធសភា និង​អធិការកិច្ច អ្នក​ស្រី ម៉ែន សំអន បាន​អញ្ជើញ​ចូល​រួម​ទិវា​ជ័យជំនះ​ថ្ងៃ​៧ ឧសភា ខួប​លើក​ទី​៦០​ឆ្នាំ ដែល​កងទ័ព​វៀតណាម​ច្បាំង​ឈ្នះ​ទាហាន​បារាំង​នៅ​សមរភូមិ ដៀនបៀនភូ (Dien Bien Phu) ភាគ​កណ្ដាល​ប្រទេសវៀតណាម កាល​ពី​៦០​មុន។

សារព័ត៌មាន​វៀតណាម វៀតណាម ញូវស៍ (Vietnam News) ផ្សាយ​ថ្ងៃ​ទី​៧ ឧសភា បាន​ចុះផ្សាយ​រូប​ថត​អ្នក​ស្រី ម៉ែន សំអន ឈរ​ចាប់​ដៃ​ទទួល​ស្វាគមន៍ ដោយ​មន្ត្រី​​មសមាជិក  នៃការិយាល័យ​នយោបាយ​វៀតណាម លោក ឡេ ហុង អាញ់ (Le Hong Anh) នៅ​ខាង​ក្រោម​មន្ត្រី​ប្រទេស​ឡាវ ដែល​ត្រូវ​បាន​អញ្ជើញ​ចូល​រួម​ពិធី​នោះ​ដែរ។

កាសែត​វៀតណាម បាន​ស្រង់​សំដី​មន្ត្រី​វៀតណាម លោក ឡេ ហុង អាញ់ ថា បក្ស​កុម្មុយនិស្ត​វៀតណាម និង​រដ្ឋាភិបាល​វៀតណាម​នឹង​ប្រឹងប្រែង​ធ្វើ​អ្វីៗ​ទាំងអស់​ដើម្បី​ពង្រឹង​ចំណង​មិត្តភាព សន្តិភាព នៃ​ប្រទេស​ទាំង​បី កម្ពុជា វៀតណាម និង ឡាវ ឲ្យ​បាន​រីក​ចម្រើន រួម​ទាំង​ប្រទេស​ជា​សមាជិក​អាស៊ាន​ផង។

កាសែត​ដដែល បញ្ជាក់​ថា ជ័យជំនះ​របស់​កងទ័ព​វៀតណាម​លើ​ទាហាន​បារាំង ​ក្នុង​សមរភូមិ ដៀនបៀនភូ បាន​នាំ​ឲ្យ​បារាំង​ចុះហត្ថលេខា​លើ​កិច្ច​ព្រមព្រៀង​ទី​ក្រុងហ្ស៊ឺណែវ ឆ្នាំ​១៩៥៤ ដកទ័ព​ចេញ​ពី​ជ្រោយ​ឥណ្ឌូចិន គឺ​ចេញពី​ប្រទេស​វៀតណាម កម្ពុជា និង​ឡាវ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (1)
Share

Kon Khmer

ពី USA

Vietnam, you are so strong. How did you make France to sign Kampuchea Krom for you? You are so strong, the histroty you were from some part of China, you had no land, no country, but you took one country called Champar. Vietnam, you are so strong, you win the powerful countries, France in the 60, you win USA in the 70. And you almost completly control Khmer and Lao right now. Vietnam, are you dreaming to control the world in thousand years to come?

May 07, 2014 12:05 PM

គេហទំព័រ​ទាំងមូល