ក្រសួងមហាផ្ទៃទទួលស្គាល់បក្សនរោត្តមរណឫទ្ធិ
2010.12.28
លោក ប៉ែន សិង្ហា មន្ត្រីនាំពាក្យគណបក្សនរោត្តមរណឫទ្ធិ បានមានប្រសាសន៍ថា ក្រសួងមហាផ្ទៃ បានចេញលិខិតយល់ព្រមការផ្លាស់ប្ដូរឈ្មោះគណបក្សនរោត្តមរណឫទ្ធិ គឺនៅបន្ទាប់ពីគណបក្សជាតិនិយមបានធ្វើសមាជប្ដូរឈ្មោះគណបក្ស ទៅជាគណបក្សនរោត្តមរណឫទ្ធិវិញ និងជ្រើសតាំងព្រះអង្គម្ចាស់ នរោត្តម រណឫទ្ធិ ជាប្រធានគណបក្ស កាលពីថ្ងៃទី១១ ខែធ្នូ ឆ្នាំ២០១០ នៅគ្រាដែលព្រះអង្គបានយាងប្រលូកក្នុងឆាកនយោបាយសាជាថ្មីម្ដងទៀត។
លោក ប៉ែន សង្ហា បានបញ្ជាក់ទៀតថា គណបក្សនរោត្តមរណឫទ្ធិ ក៏បានផ្ញើសារមួយជួនគណបក្សហ៊្វុនស៊ិនប៉ិចផងដែរ ដោយសំដែងនូវសុទិដ្ឋិនិយមក្នុងការបង្រួបបង្រួមអ្នករាជានិយម។
នៅក្នុងអង្គសមាជិកគណបក្សជាតិនិយមប្តូរឈ្មោះទៅជាគណបក្សនរោត្តមរណឫទ្ធិ កាលពីថ្ងៃទី១១ ធ្នូ នោះ ព្រះអង្គម្ចាស់នរោត្តមរណឫទ្ធិ បានមានបន្ទូលថា គណបក្សនរោត្តមរណឫទ្ធិមានគោលបំណងបង្រួបបង្រួមជាគណបក្សហ៊្វុនស៊ិនប៉ិចវិញ ដោយគ្រោងនឹងដាក់ឈ្មោះគណបក្សទាំងពីរនេះ ទៅជាគណបក្សហ៊្វុនស៊ិនប៉ិច៨១ ប៉ុន្តែត្រូវបានលោក ញឹក ប៊ុនឆៃ អគ្គលេខាធិការគណបក្សហ៊្វុនស៊ិនប៉ិចបច្ចុប្បន្នបដិសេធ។
ទោះជាយ៉ាងណា លោក ប៉ែន សិង្ហា គ្រោងនឹងចេញលិខិតមួយច្បាប់ទៀត ផ្ញើទៅគណបក្សហ៊្វុនស៊ិនប៉ិចក្នុងការរួបរួមអ្នករាជានិយម ប៉ុន្តែលោកមិនបានបញ្ជាក់អំពីខ្លឹមសារលំអិតនៅក្នុងលិខិតនោះទេ។
គណបក្សនរោត្តមរណឫទ្ធិបានបង្កើតឡើងកាលពីថ្ងៃទី១៦ ខែវិច្ឆិកា ឆ្នាំ២០០៦ នៅក្រោយពេលសមាជិកសមាជិកាគណបក្សហ៊្វុនស៊ិនប៉ិចបានធ្វើមហាសន្និបាតទម្លាក់សម្ដេចក្រុមព្រះនរោត្តមរណឫទ្ធិចេញពីប្រធានគណបក្សហ៊្វុនស៊ិនប៉ិច ប្រមាណជា ១ខែ គឺនៅថ្ងៃទី១៨ ខែតុលា ឆ្នាំ២០០៦។
ហើយកាលពីថ្ងៃទី២៧ មិថុនា ឆ្នាំ២០០៩ គណបក្សនរោត្តមរណឫទ្ធិ បានប្ដូរឈ្មោះជាគណបក្សជាតិនិយមវិញ នៅខណៈដែលព្រះអង្គម្ចាស់ នរោត្តម រណឫទ្ធិ បានប្រកាសព្រះកាយលាលែងពីឆាកនយោបាយ៕
អត្ថបទពេញនិយម
RFA
- វៀតណាមព្រមានថា ព្រែកជីកហ្វូណនតេជោអាចជួយសម្រួលវត្តមានយោធាចិនក្នុងទឹកដីកម្ពុជាកាន់តែជ្រៅ
- ពលរដ្ឋនៅតំបន់បឹងតាមោក ចោទប្រកាន់អាជ្ញាធរខណ្ឌព្រែកព្នៅថា ប្រើអំពើហិង្សា
- អាជ្ញាធរក្រុងភ្នំពេញមិនអនុញ្ញាតឱ្យបក្សកម្លាំងជាតិធ្វើបាតុកម្ម នៅទីលានប្រជាធិបតេយ្យ
- ក្រសួងដែនដីបានហៅអតិថិជនបុរីពិភពថ្មីទៅពិភាក្សា ដើម្បីរកដំណោះស្រាយ
- ពលរដ្ឋខ្មែរ-អូស្ត្រាលីម្នាក់ ដែលរិះគន់រដ្ឋាភិបាលកម្ពុជា រងការវាយដំពីជនមិនស្គាល់មុខមួយក្រុម ពេលទៅលេងស្រុកខ្មែរ
អត្ថបទពេញនិយម
ព័ត៌មានថ្មីៗ
- លោក ហ៊ុន សែន បដិសេធការចោទរបស់វៀតណាម ដែលថា ព្រែកជីកហ្វូណនសម្រាប់សម្រួលវត្តមានយោធាចិន
- ការប្រារព្ធពិធីបុណ្យចូលឆ្នាំថ្មី នៅតាមតំបន់មួយចំនួននៅស្រុកសុរិន្ទ
- ក្រុមគ្រួសារលោក ហ៊ុន សែន បង្កើតកម្មវិធីរាំច្រៀងសប្បាយនៅលើគំនរទុក្ខពលរដ្ឋ
- ក្រុមអតិថិជនបុរីពិភពថ្មីដាក់ពាក្យប្ដឹង ទៅស្នងការករណីតៃកុងឡានបុរីបើកបុកពួកគាត់
- លោក ហ៊ុន ម៉ាណែត ថ្លែងការពារគម្រោងព្រែកជីកហ្វូណនតេជោ ក្រោយពេលវៀតណាមរិះគន់