អាជ្ញាធរ​រាជធានី​ភ្នំពេញ​នឹង​សង់​ស្ពាន​ដែក​ថ្មី​មួយ​ឆ្លង​កាត់​ទន្លេសាប

ដោយ សុ ជីវី
2017.06.18
សាលា​រាជធានី​ភ្នំពេញ ២០១៦ ៨៥៥ សាលា​រាជធានី​ភ្នំពេញ នៅ​ថ្ងៃ​ទី​១៤ ខែ​កក្កដា ឆ្នាំ​២០១៦។ RFA/Um Rainsey
RFA/Um Rainsey

ទីភ្នាក់ងារ​ព័ត៌មាន​កម្ពុជា អាកាប៉េ (AKP) បាន​រាយការណ៍​ដោយ​ស្រង់​សម្ដី​របស់​អភិបាល​រង​រាជធានី​ភ្នំពេញ លោក អៀង អូនី ដែល​ថ្លែង​កាល​ពី​ថ្ងៃ​ទី​១៦ ខែ​មិថុនា ថា គម្រោង​សាងសង់​ស្ពាន​ដែក​ថ្មី​មួយ​ដើម្បី​ឆ្លង​កាត់​ទន្លេសាប នឹង​ចាប់​ផ្ដើម​នៅ​អំឡុង​ខែ​កក្កដា ខាង​មុខ។

ស្ពាន​ដែក​ថ្មី​នេះ នឹង​ត្រូវ​ចំណាយ​ពេល ៦​ខែ​ក្នុង​ការ​សាងសង់ គឺ​ជា​ស្ពាន​បណ្ដោះអាសន្ន​ក្នុង​បំណង​សម្រួល​ចរាចរណ៍​នៅ​ពេល​ដែល​អាជ្ញាធរ​បិទ​ចរាចរណ៍​នៅ​លើ​ស្ពាន​ជ្រោយចង្វារ​ចាស់ ដើម្បី​ជួសជុល​រយៈពេល ២​ឆ្នាំ។

ប្រភព​ដដែល​ឲ្យ​ដឹង​ថា ស្ពាន​នោះ​នឹង​ត្រូវ​ប្រើប្រាស់​សម្រាប់​ឆ្លង​ពី​តំបន់​ជ្រោយចង្វារ មក​តំបន់​ឃ្លាំង​ប្រេង​ឥន្ធនៈ​ក្នុង​សង្កាត់​ឫស្សីកែវ។ ថវិកា​ដើម្បី​សាងសង់ ជា​ការ​ចំណាយ​ទាំងស្រុង​របស់​ក្រុមហ៊ុន​អូ.ស៊ី.អាយ.ស៊ី (OCIC) ដែល​អភិវឌ្ឍ​ទីក្រុង​រណប​ជ្រោយចង្វារ។

លើស​ពី​នេះ លោក អៀង អូនី បញ្ជាក់​ថា នៅ​ក្រោយ​ពេល​ស្ពាន​ជ្រោយចង្វារ​ចាស់ ឬ​ស្ពាន​មិត្តភាព​កម្ពុជា-ជប៉ុន ស្ថាបនា​រួច​រាល់ ស្ពាន​ដែក​នេះ​នឹង​ត្រូវ​រុះរើ​ចេញ​វិញ ហើយ​ជំនួស​ដោយ​ស្ពាន​ថ្ម​ខ្សែ​កាប ដែល​អាជ្ញាធរ​រាជធានី និង​ក្រុមហ៊ុន អូ.ស៊ី.អាយ.ស៊ី បាន​សិក្សា​ពី​បច្ចេកទេស​សាងសង់​រួច​រាល់​ហើយ​ដែរ​នោះ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

បញ្ចេញ​មតិយោបល់៖

បញ្ចូលមតិរបស់អ្នកដោយបំពេញទម្រង់ខាងក្រោមជាអក្សរសុទ្ធ។ មតិនឹងត្រូវសម្រេចដោយអ្នកសម្របសម្រួល និងអាចពិនិត្យកែប្រែឲ្យស្របតាម លក្ខខណ្ឌនៃការប្រើប្រាស់ របស់វិទ្យុអាស៊ីសេរី។ មតិនឹងមិនអាចមើលឃើញភ្លាមៗទេ។ វិទ្យុអាស៊ីសេរី មិនទទួលខុសត្រូវចំពោះខ្លឹមសារនៃមតិដែលបានចុះផ្សាយឡើយ។ សូមគោរពមតិរបស់អ្នកដទៃ ហើយប្រកាន់ខ្ជាប់នូវការពិត។