កម្ពុជារៀបចំពិព័រណ៍សៀវភៅដើម្បីលើកស្ទួយការអាន
ដោយ អ៊ុង សេរីវុទ្ធ
2014.11.25
2014.11.25
Photo: Screen-shot
អង្គការសមាគមធ្វើការទាក់ទងនឹងការលើកស្ទួយការអាន នឹងរៀបចំពិព័រណ៍សៀវភៅកម្ពុជា ឆ្នាំ ២០១៤ ដើម្បីជំរុញការអានឲ្យបានកាន់តែខ្លាំង និងជាប្រទីបទទួលបានចំណេះដឹង ការអភិវឌ្ឍខ្លួន និងលើកស្ទួយសង្គមជាតិ។
ការតាំងពិព័រណ៍សៀវភៅកម្ពុជា ក្រោមប្រធានបទ "ខ្ញុំអាន យល់ពីពិភពលោក" នឹងរៀបចំនៅបណ្ណាល័យជាតិកម្ពុជា ដែលមានអាសយដ្ឋានផ្លូវ៩២ សង្កាត់វត្តភ្នំ ខណ្ឌដូនពេញ រាជធានីភ្នំពេញ រយៈពេល៣ថ្ងៃ ចាប់ពីថ្ងៃទី ២៨ ដល់ ទី៣០ វិច្ឆិកា ២០១៤។
កម្មវិធីតាំងពិព័រណ៍រយៈពេល៣ថ្ងៃនេះ មានការដាក់តាំងសៀវភៅនានានៅកម្ពុជា បទបង្ហាញពីអក្សរសាស្ត្រ អក្សរសិល្ប៍ខ្មែរ និងអំណាន ព្រមទាំងអាចទទួលយកបទពិសោធន៍ពីអ្នកនិពន្ធល្បីៗ៕