អ្នក​នាំ​ពាក្យ​ក្រសួង​ការពារ​ជាតិ​ថា​ការ​ចល័ត​ទ័ព​គឺ​ផ្លាស់ប្ដូរ​កម្លាំង​សមរភូមិ​មុខ​និង​សមរភូមិ​ក្រោយ

ដោយ សូត សុខប្រាថ្នា
2016-07-27
អ៊ីម៉ែល
មតិ
Share
បោះពុម្ព
ក្បួន​រថយន្ត​ទាហាន​ចល័ត​តាម​បណ្ដោយ​ផ្លូវ​ជាតិ​លេខ​៦​អា (6A) នៅ​ថ្ងៃ​ទី​២៧ ខែ​កក្កដា ឆ្នាំ​២០១៦។ Photo SBN
ក្បួន​រថយន្ត​ទាហាន​ចល័ត​តាម​បណ្ដោយ​ផ្លូវ​ជាតិ​លេខ​៦​អា (6A) នៅ​ថ្ងៃ​ទី​២៧ ខែ​កក្កដា ឆ្នាំ​២០១៦។ Photo SBN
Photo SBN

ប្រជាពលរដ្ឋ​រស់នៅ​តាម​ដង​ផ្លូវ​ជាតិ​លេខ​៦​អា (6A) ក្នុង​ស្រុក​បាធាយ ខេត្ត​កំពង់ចាម ភ្ញាក់​ផ្អើល​នៅ​ពេល​ឃើញ​ក្បួន​រថយន្ត​ទាហាន​យ៉ាង​ច្រើន​នៅ​ព្រឹក​ថ្ងៃ​ទី​២៧ កក្កដា។ បញ្ហា​នេះ ធ្វើ​ឡើង​ចំ​ពេល​ស្ថានការណ៍​នយោបាយ​តានតឹង ហើយ​ស្ថានភាព​សន្តិសុខ​មិន​សូវ​ល្អ ដែល​ធ្វើ​ឲ្យ​ប្រជាពលរដ្ឋ​បារម្ភ។ អ្នក​នាំ​ពាក្យ​ក្រសួង​ការពារ​ជាតិ បញ្ជាក់​ថា វា​ជា​សកម្មភាព​ផ្លាស់ប្ដូរ​កង​កម្លាំង​រវាង​សមរភូមិ​ជួរ​មុខ និង​ជួរ​ក្រោយ ដែល​តែង​ធ្វើ​ឡើង​រៀង​រាល់​បី​ខែ​ម្តង។

ប្រជាពលរដ្ឋ​រស់នៅ​តាម​បណ្តោយ​ផ្លូវ​ជាតិ​លេខ​៦​អា (6A) ក្នុង​ខេត្ត​កំពង់ចាម យល់​ថា​មិន​គួរ​មាន​សកម្មភាព​ចល័ត​រថយន្ត​ទាហាន​នៅ​ក្នុង​ស្ថានភាព​បច្ចុប្បន្ន​ទេ។ ជាង​នេះ​ទៀត ប្រសិន​បើ​មាន​ការ​ចល័ត​រថយន្ត​ដឹក​ទ័ព ឬ​គ្រឿង​សព្វាវុធ​ណា​មួយ រាជ​រដ្ឋាភិបាល​ត្រូវ​ជូន​ដំណឹង​ដល់​ពលរដ្ឋ​ជា​មុន មិន​មែន​ធ្វើ​ឡើង​ស្ងាត់ៗ​ស្រប​ពេល​ស្ថានភាព​នយោបាយ និង​បញ្ហា​អសន្តិសុខ​សង្គម​កំពុង​កើត​មាន​ឡើង។

ប្រជាពលរដ្ឋ​រស់នៅ​ឃុំ​សំបូរ ស្រុក​បាធាយ លោក សុវណ្ណរិទ្ធិ ឲ្យ​ដឹង​ថា នៅ​ព្រឹក​ថ្ងៃ​ទី​២៧ កក្កដា លោក​ឃើញ​រថយន្ត​ទាហាន​ជាង ២០​គ្រឿង អម​ដោយ​ឡាន​សារ៉ែន​ផង​នោះ ឆ្លង​កាត់​តាម​បណ្ដោយ​ផ្លូវ​ជាតិ​លេខ​៦​អា ពី​ត្បូង​ទៅ​ជើង។ លោក​បន្ត​ថា ការ​ចល័ត​ក្បួន​ឡាន​ទាហាន​ពេល​នេះ កើត​ឡើង​ក្រោយ​ពេល​មាន​សកម្មភាព​ចល័ត​រថពាសដែក និង​អាវុធ​ធន់​ធ្ងន់​ជាច្រើន​គ្រឿង​ចូល​ទៅ​រាជធានី​ភ្នំពេញ នៅ​មុន​ថ្ងៃ​ដង្ហែ​សព​លោក​បណ្ឌិត កែម ឡី ទៅ​ស្រុក​កំណើត។ ហេតុការណ៍​កើត​ឡើង​ផ្ទួនៗ​គ្នា​បែប​នេះ ធ្វើ​ឲ្យ​ប្រជាពលរដ្ឋ​មាន​ក្តី​បារម្ភ៖ «ព្រួយ​បារម្ភ​ថា​រដ្ឋាភិបាល​បច្ចុប្បន្ន​កំពុង​ធ្វើ​ឲ្យ​ប្រជាពលរដ្ឋ​ភិតភ័យ មាន​ការ​បារម្ភ​ចំពោះ​ការ​ចល័ត​ទ័ព ចល័ត​កាំភ្លើង​អ៊ីចឹង​បង»

ស្រដៀង​គ្នា​នេះ ពលរដ្ឋ​មួយ​រូប​ទៀត​នៅ​ឃុំ​តាំងក្រាំង លោក សុខ ហ៊ាង ឲ្យ​ដឹង​ថា ប្រសិន​បើ​មាន​ការ​ផ្លាស់ប្ដូរ​ទាហាន​នៅ​តាម​ព្រំដែន ឬ​ទាហាន​ជួរ​មុខ​ដើម្បី​ឲ្យ​កម្លាំង​ជួរ​ក្រោយ​ទៅ​ជំនួស​វិញ គឺ​ជា​រឿង​ល្អ ប៉ុន្តែ​ពួក​គាត់​បារម្ភ​ខ្លាច​តែ​ទៅ​ដឹក​ទាហាន​ពី​ព្រំដែន យក​មក​រក្សា​ទុក​នៅ​ភ្នំពេញ៖ «រយៈពេល​ប៉ុន្មាន​ឆ្នាំ​តាំង​ពី​បោះឆ្នោត​ឆ្នាំ​២០១៣ មាន​ចល័ត​រថក្រោះ ចល័ត​ទាហាន​ចូល​ក្រុង​ភ្នំពេញ ប៉ុន្តែ​មក​ដល់​ឥឡូវ​ពីរ​បី​ឆ្នាំ​ហើយ មិន​ដែល​ឃើញ​ចល័ត​ឡាន​ទាហាន​ដើម្បី​ឲ្យ​មក​ជួប​ជុំ​គ្រួសារ គឺ​អត់​មាន​ឃើញ​ផង​បង»

ប្រភព​ដដែល​និយាយ​ថា ប្រសិន​បើ​ត្រូវ​ចល័ត​រថក្រោះ ឬ​ទាហាន​ចូល​ក្រុង ឬ​ចេញ​ពី​ក្រុង គប្បី​ជូន​ដំណឹង​ឲ្យ​ប្រជាពលរដ្ឋ​បាន​ដឹង​ជា​មុន ជៀសវាង​ធ្វើ​ឲ្យ​ប្រជាជន​ភ្ញាក់​ផ្អើល និង​ព្រួយ​បារម្ភ។

ឆ្លើយ​តប​ក្តី​បារម្ភ​របស់​ពលរដ្ឋ អ្នក​នាំ​ពាក្យ​ក្រសួង​ការពារ​ជាតិ លោក ឈុំ សុជាតិ មាន​ប្រសាសន៍​នៅ​ថ្ងៃ​ទី​២៧ កក្កដា ថា មិន​មាន​អ្វី​គួរ​ឲ្យ​បារម្ភ​ឡើយ ពីព្រោះ​ជា​ការ​ផ្លាស់ប្ដូរ​កម្លាំង​ដែល​ដាក់​ត្រៀម​នៅ​សមរភូមិ​មុខ និង​សមរភូមិ​ក្រោយ​ប៉ុណ្ណោះ។ លោក​បញ្ជាក់​ថា ការ​ផ្លាស់ប្ដូរ​កម្លាំង​គ្នា​នេះ គឺ​ដើម្បី​ថែរក្សា​សុខភាព​ទាហាន​នៅ​សមរភូមិ​មុខ​ឲ្យ​បាន​ល្អ ហើយ​សកម្មភាព​នេះ​តែង​ធ្វើ​ឡើង​រៀង​រាល់​បី​ខែ​ម្តង៖ «បាទ! ដល់​រដូវ​វស្សា​អ៊ីចឹង ទាហាន​របស់​យើង​ដែល​នៅ​តាម​សមរភូមិ​មុខ​ហ្នឹង តែង​ជួប​បញ្ហា​ជំងឺ​តម្កាត់​ផ្សេងៗ។ អ៊ីចឹង​យើង​មិន​អាច​ទុក​យូរ​បាន​ទេ។ យើង​ដឹង​ហើយ​នៅ​រដូវ​វស្សា​វា​លំបាក អ៊ីចឹង​ហើយ​យើង​មាន​ការ​ផ្លាស់ប្ដូរ​កម្លាំង​ដើម្បី​ឲ្យ​មាន​សុខភាព​ល្អ»

អ្នក​នាំ​ពាក្យ​ដដែល​បញ្ជាក់​ទៀត​ថា ការ​ចល័ត​រថក្រោះ ឬ​អាវុធ​ធន់​ធ្ងន់​កាល​ពី​ពេល​ថ្មីៗ​នេះ គឺ​ដោយសារ​ស្ថានភាព​នៅ​តាម​បណ្តោយ​ព្រំដែន​មាន​លក្ខណៈ​ធូរ​ស្រាល ទើប​ត្រូវ​យក​អាវុធ​ទាំង​នោះ​មក​ជួសជុល ឬ​ថែទាំ​ឲ្យ​បាន​ល្អ ដើម្បី​ត្រៀម​លក្ខណៈ​ប្រយុទ្ធ​នៅ​ពេល​មាន​ការ​ចាំបាច់។ លោក​បន្ថែម​ថា អាជ្ញាធរ​នឹង​ព្យាយាម​ផ្តល់​ដំណឹង​អំពី​សកម្មភាព​ទាំង​នេះ​ដល់​ប្រជាពលរដ្ឋ​នៅ​ពេល​ក្រោយៗ​ទៀត។

ក្រោយ​ពេល​បោះឆ្នោត​តំណាង​រាស្ត្រ​កាល​ពី​ឆ្នាំ​២០១៣ សកម្មភាព​ចល័ត​ទ័ព និង​គ្រឿង​សព្វាវុធ​បាន​កើត​ឡើង​ម្តង​រួច​មក​ហើយ។ ពេល​នោះ ទាហាន​នៅ​តាម​បន្ទាយ​ជាច្រើន​ក្នុង​ខេត្ត​មួយ​ចំនួន បាន​ប្រមូល​ផ្តុំ​គ្នា​នៅ​ក្បែរ​ទីក្រុង​ភ្នំពេញ ដែល​ធ្វើ​ឲ្យ​ពលរដ្ឋ​បារម្ភ​អំពី​ស្ថានភាព​ស្រុក​ទេស។

ទោះ​បី​យ៉ាង​នេះ​ក្តី អ្នក​គ្រប់គ្រង​បច្ចេកទេស​ការិយាល័យ​ស៊ើប​អង្កេត​នៃ​អង្គការ​ការពារ​សិទ្ធិ​មនុស្ស​លីកាដូ (LICADHO) លោក អំ សំអាត យល់​ឃើញ​ថា ក្នុង​ស្ថានភាព​បច្ចុប្បន្ន ការ​ចល័ត​កង​កម្លាំង​ទាំង​នេះ ចង់​ឬ​មិន​ចង់ គឺ​ជា​រូបភាព​គំរាម​កំហែង​ដល់​ស្មារតី​ប្រជាពលរដ្ឋ៖ «ចល័ត​បី​ខែ​ម្តង ប៉ុន្តែ​ប្រជាពលរដ្ឋ​មិន​ដែល​ឃើញ​បី​ខែ​ម្តង​ទេ វា​គាប់​ជួន​នឹង​មាន​ព្រឹត្តិការណ៍​កើត​ឡើង​នៅ​ក្នុង​ប្រទេស ឬ​ស្ថានភាព​នយោបាយ​តានតឹង គឺ​មាន​ការ​ចល័ត​ហើយ»

លោក​ទទួល​ស្គាល់​ថា ការ​ផ្លាស់ប្ដូរ​កងទ័ព​រវាង​សមរភូមិ​មុខ និង​សមរភូមិ​ក្រោយ គឺ​តែង​តែ​កើត​មាន ប៉ុន្តែ​រាជ​រដ្ឋាភិបាល​ត្រូវ​ជូន​ដំណឹង​ដល់​ប្រជាពលរដ្ឋ​ឲ្យ​បាន​ដឹង​ជា​មុន។ មិន​តែ​ប៉ុណ្ណោះ អាជ្ញាធរ​មិន​ត្រូវ​ចល័ត​ទ័ព និង​គ្រឿង​សព្វាវុធ​នៅ​ចំ​ពេល​ស្ថានភាព​នយោបាយ​តានតឹង ឬ​ចំ​ពេល​ពលរដ្ឋ​កំពុង​ព្រួយ​បារម្ភ​ចំពោះ​បញ្ហា​សន្តិសុខ​សុវត្ថិភាព​នោះ​ឡើយ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (9)
Share

All Khmer army must be neutralize...

We the people of Cambodian and we appealing to all our military brothers and commanders please take side with your people"or be neutralize",do not harm to your own citizens by one bad guy rule us too long.The smart thing you've to protect all your people and the country....do not let bad guy bullying and fouling you around anymore.Time to wake up calls and stay stick shoulder to shoulder with your people and let your people make a best their own decision in 2018"election day is the best day for us".

Jul 28, 2016 10:21 AM

អ្នក​អាន​អនាមិក

Hun Sen is scare Khmer people who wants him from government now He thinks election coming in He wants to make law order but he will lose 100% in 2017 and 2018 you see army vehicles to come to the city We never see like this other thing He will protect for his family safe.

Jul 28, 2016 05:40 AM

អ្នក​អាន​អនាមិក

I heard Pol Pot followers took people to kill they said move them to other place. back then people knew they lie. now people heard the same lie again and again from the same ground of those dictators. This time soldiers protect the country, not the corruptors, not the manipulators, not dictators. this time soldiers stand up with people choose better future for our country and for our children, not only for last name Hun.

Jul 28, 2016 02:47 AM

Former Sniper

It's time for the Cambodian People get some training in sniping. It's a very powerful skill to know in order to deal with dictator like those scum bags.

Jul 28, 2016 12:52 AM

អ្នក​អាន​អនាមិក

U n have to destroy Hun sen if not Hun sen will kill all of Cambodia because Vietcong use Hun sen

Jul 27, 2016 10:59 PM

មើល​មតិ​ទាំង​អស់.

គេហទំព័រ​ទាំងមូល