លោក ហ៊ុន សែន ជំរុញ​ឲ្យ​កម្ពុជា-វៀតណាម​ត​ភ្ជាប់​វិស័យ​សេដ្ឋកិច្ច​រវាង​ប្រទេស​ទាំង​ពីរ

ដោយ ថា កិត្យា
2016-05-12
អ៊ីម៉ែល
មតិ
Share
បោះពុម្ព
រដ្ឋមន្ត្រី​ក្រសួង​មហាផ្ទៃ​កម្ពុជា លោក ស ខង (ជួរ​មុខ​ខាង​ស្ដាំ) និង​រដ្ឋមន្ត្រី​ក្រសួង​នគរបាល​វៀតណាម លោក តូ ឡឹម (To Lam) ចុះ​ហត្ថលេខា​លើ​ឯកសារ​បំពេញ​បន្ថែម​នៃ​ផែនការ​សហប្រតិបត្តិការ​ឆ្នាំ​២០១៦ នៅ​ថ្ងៃ​ទី​១១ ខែ​ឧសភា ឆ្នាំ​២០១៦។ RFA/Yang Chandara
រដ្ឋមន្ត្រី​ក្រសួង​មហាផ្ទៃ​កម្ពុជា លោក ស ខង (ជួរ​មុខ​ខាង​ស្ដាំ) និង​រដ្ឋមន្ត្រី​ក្រសួង​នគរបាល​វៀតណាម លោក តូ ឡឹម (To Lam) ចុះ​ហត្ថលេខា​លើ​ឯកសារ​បំពេញ​បន្ថែម​នៃ​ផែនការ​សហប្រតិបត្តិការ​ឆ្នាំ​២០១៦ នៅ​ថ្ងៃ​ទី​១១ ខែ​ឧសភា ឆ្នាំ​២០១៦។ RFA/Yang Chandara
RFA/Yang Chandara

លោក​នាយក​រដ្ឋមន្ត្រី ហ៊ុន សែន លើក​ទឹក​ចិត្ត​ឲ្យ​ក្រសួង​មហាផ្ទៃ​កម្ពុជា និង​ក្រសួង​នគរបាល​វៀតណាម បន្ត​កិច្ច​សហប្រតិបត្តិការ​លើ​អ្វី​ដែល​បាន​ព្រមព្រៀង​គ្នា​កាល​ពី​ថ្ងៃ​ទី​១១ ខែ​ឧសភា។

ទន្ទឹម​គ្នា​នេះ លោក ហ៊ុន សែន ក៏​បាន​ផ្តល់​អនុសាសន៍​ឲ្យ​ប្រទេស​ទាំង​ពីរ យក​ចិត្ត​ទុក​ដាក់​លើ​ការ​ត​ភ្ជាប់​ខាង​វិស័យ​សេដ្ឋកិច្ច រួម​មាន​ទឹក ផ្លូវ និង​វិស័យ​ទេសចរណ៍។ នេះ​បើ​តាម​ជំនួយការ​ផ្ទាល់​របស់​លោក ហ៊ុន សែន គឺ​លោក អ៊ាង សុផល្លែត ដែល​បាន​ថ្លែង​ប្រាប់​អ្នក​សារព័ត៌មាន បន្ទាប់​ពី​ជំនួប​រវាង​លោក ហ៊ុន សែន និង​លោក តូ ឡឹម (To Lam) រដ្ឋមន្ត្រី​ក្រសួង​នគរបាល​វៀតណាម នៅ​ព្រឹក​ថ្ងៃ​ទី​១២ ខែ​ឧសភា នៅ​វិមាន​សន្តិភាព។

កាល​ពី​ថ្ងៃ​ទី​១១ ឧសភា រដ្ឋមន្ត្រី​ក្រសួង​មហាផ្ទៃ​កម្ពុជា លោក ស ខង និង​លោក តូ ឡឹម រដ្ឋមន្ត្រី​ក្រសួង​នគរបាល​វៀតណាម បាន​ជួប​សន្ទនា​គ្នា និង​ចុះ​ហត្ថលេខា​លើ​ឯកសារ​បំពេញ​បន្ថែម​នៃ​ផែនការ​សហប្រតិបត្តិការ​ឆ្នាំ​២០១៦ ពាក់ព័ន្ធ​ទៅ​នឹង​ការ​ថែ​រក្សា​សន្តិសុខ សណ្ដាប់ធ្នាប់​សាធារណៈ និង​ការ​ប្រយុទ្ធ​ប្រឆាំង​បទល្មើស សំដៅ​បម្រើ​ផល​ប្រយោជន៍​ដល់​ប្រទេស​ទាំង​ពីរ។ ជំនួប​នោះ ក្រសួង​នគរបាល​វៀតណាម ក៏​បាន​សន្យា​ផ្តល់​ជំនួយ​សម្ភារៈ និង​បច្ចេកទេស​ដល់​នគរបាល​ជាតិ​កម្ពុជា ដើម្បី​សហការ​គ្នា​ក្នុង​ការ​ផ្លាស់​ប្ដូរ​ព័ត៌មាន និង​បទពិសោធន៍៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (3)
Share

អ្នក​អាន​អនាមិក

Vietnam can teach Cambodia how to go to war in 1960,1970, how to kill Khmer about 2.5 millions, today how to arrest and beat up Khmer people just like in Vietnam, and other tricky Vietnam good at. Do Khmer need to learn from Vietnam? If Vietnam is good, they would be better than Thailand.

May 16, 2016 03:57 AM

អ្នក​អាន​អនាមិក

តភ្ជាប់តាំងពី៧៩ម៉ោ ដល់លិចហ្អើយតើ៕

May 15, 2016 08:43 AM

អ្នក​អាន​អនាមិក

(( ប្រទេសខ្មែរ ប្រជាជនខ្មែរ សុទ្ធ តែជាង ១៣ លាននាក់ , ប្រទេសវៀតណាម ប្រជាជន ជាង ៩០ លាននាក់ ))
នយោបាយ ហ៊ុន សែន ក្រោមគូទ វៀតណាម ធ្វើអោយកូនខ្មែរ ម្ចាស់ស្រុក ក្រ ល្ហេមល្ហាម រាប់លាននាក់ !
.. សូមប្រីយមិត្តសង្កេតមើលទូទាំងប្រទេស !

May 12, 2016 11:53 AM

គេហទំព័រ​ទាំងមូល