ក្រុមហ៊ុនតំបន់សេដ្ឋកិច្ចពិសេសភ្នំពេញបោះផ្សាយមូលបត្រលក់ជាសាធារណៈលើកដំបូង
2016.04.20
ថ្នាក់ដឹកនាំគ្រប់គ្រងនៃក្រុមហ៊ុនតំបន់សេដ្ឋកិច្ចពិសេសភ្នំពេញ (Phnom Penh SEZ) ថ្លែងក្នុងពិធីប្រកាសបោះផ្សាយមូលបត្រលក់ក្នុងផ្សារមូលបត្រកម្ពុជា (CSX) នៅថ្ងៃទី២០ ខែមេសា ឆ្នាំ២០១៦។ Photo courtesy of Phnom Penh SEZ
Photo courtesy of Phnom Penh SEZ
ក្រុមហ៊ុនតំបន់សេដ្ឋកិច្ចពិសេសភ្នំពេញ (Phnom Penh SEZ) ដែលជាក្រុមហ៊ុនផ្នែកសេវាអចលនទ្រព្យ និងសេវាឧស្សាហកម្ម នៅថ្ងៃទី២០ មេសា ប្រកាសចាប់ផ្ដើមបោះផ្សាយមូលបត្រលក់ជាសាធារណៈលើកដំបូង (IPO) នៅលើផ្សារមូលបត្រកម្ពុជា (CSX) បន្ទាប់ពីពន្យារពេលជាច្រើនដង។
សេចក្ដីប្រកាសព័ត៌មាន បានឲ្យដឹងថា ក្រុមហ៊ុនតំបន់សេដ្ឋកិច្ចពិសេសភ្នំពេញ ដែលនៅក្នុងផ្សារហ៊ុនកម្ពុជា ឈ្មោះ ភី.ភី.អេស.ភី (PPSP) បន្ទាប់ពីដំណើរការស្ទាបស្ទង់តម្លៃមូលបត្រជាសាធារណៈ (Bookbuilding) បង្ហាញតម្លៃហ៊ុនសម្រាប់លក់ចន្លោះពី ០,៧០ ដល់ ១ដុល្លារអាមេរិកក្នុងមួយភាគហ៊ុន។
ក្រុមហ៊ុនសេដ្ឋកិច្ចពិសេសភ្នំពេញ គ្រោងលក់ភាគហ៊ុនជាង ១១លានហ៊ុន នៅក្នុងទីផ្សារមូលបត្រកម្ពុជា។ ប្រាក់ដើមទុនសរុបរបស់ក្រុមហ៊ុននេះ មានប្រមាណ ៤០លាន ទៅ ៥៧លានដុល្លារអាមេរិក។
ក្រុមហ៊ុនសេដ្ឋកិច្ចពិសេសភ្នំពេញ រំពឹងរកប្រាក់ចំណេញចំនួនជាង ១៥លានដុល្លារអាមេរិកពីការលក់មូលបត្រនៅក្នុងផ្សារភាគហ៊ុនកម្ពុជា។
ក្រុមហ៊ុនដែលវិនិយោគផ្នែកដីធ្លី និងសេវាឧស្សាហកម្មមួយនេះ ទទួលបានការអនុញ្ញាតជាគោលការណ៍ពីគណៈកម្មការកម្ពុជា (SECC) ដើម្បីចុះបញ្ជីនៅក្នុងផ្សារមូលបត្រកម្ពុជា កាលពីចុងខែមីនា។
ក្រុមហ៊ុននេះ កំពុងដំណើរការសួនឧស្សាហកម្មនៅរាជធានីភ្នំពេញ ដែលមានដីធ្លីសម្រាប់ជួលឲ្យក្រុមហ៊ុនចម្រុះជាតិសាសន៍ចំនួន ៧៦ក្រុមហ៊ុន។
ក្នុងពេលសព្វថ្ងៃ ក្រុមហ៊ុនតំបន់សេដ្ឋកិច្ចពិសេសភ្នំពេញ ជាក្រុមហ៊ុនទី៤ ដែលបានប្រកាសបោះផ្សាយមូលបត្រលក់នៅក្នុងទីផ្សារមូលបត្រកម្ពុជា៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- វៀតណាមព្រមានថា ព្រែកជីកហ្វូណនតេជោអាចជួយសម្រួលវត្តមានយោធាចិនក្នុងទឹកដីកម្ពុជាកាន់តែជ្រៅ
- ពលរដ្ឋនៅតំបន់បឹងតាមោក ចោទប្រកាន់អាជ្ញាធរខណ្ឌព្រែកព្នៅថា ប្រើអំពើហិង្សា
- អាជ្ញាធរក្រុងភ្នំពេញមិនអនុញ្ញាតឱ្យបក្សកម្លាំងជាតិធ្វើបាតុកម្ម នៅទីលានប្រជាធិបតេយ្យ
- ក្រសួងដែនដីបានហៅអតិថិជនបុរីពិភពថ្មីទៅពិភាក្សា ដើម្បីរកដំណោះស្រាយ
- ពលរដ្ឋខ្មែរ-អូស្ត្រាលីម្នាក់ ដែលរិះគន់រដ្ឋាភិបាលកម្ពុជា រងការវាយដំពីជនមិនស្គាល់មុខមួយក្រុម ពេលទៅលេងស្រុកខ្មែរ
