ជនជាតិ​វៀតណាម​នៅ​កម្ពុជា​ជួបជុំគ្នា​ប្រារព្ធ​ពិធី​បុណ្យ​ចូលឆ្នាំ​ក្នុង​ស្ថានទូត​របស់​ខ្លួន​នា​ក្រុង​ភ្នំពេញ

ដោយ ថន ថារ៉ូ
2019-01-27
អ៊ីម៉ែល
មតិ
Share
បោះពុម្ព
ពិធី​ជួបជុំគ្នា​មួយ​របស់​ជនជាតិ​វៀតណាម​ដែល​​កំពុង​រស់នៅ​ក្នុង​ប្រទេស​កម្ពុជា ក្នុង​ស្ថានទូត​របស់​ខ្លួន ក្នុង​ក្រុងភ្នំពេញ កាលពី​ថ្ងៃ​ទី​២៥ មករា ២០១៩។
ពិធី​ជួបជុំគ្នា​មួយ​របស់​ជនជាតិ​វៀតណាម​ដែល​​កំពុង​រស់នៅ​ក្នុង​ប្រទេស​កម្ពុជា ក្នុង​ស្ថានទូត​របស់​ខ្លួន ក្នុង​ក្រុងភ្នំពេញ កាលពី​ថ្ងៃ​ទី​២៥ មករា ២០១៩។
Screenshot

ជនជាតិ​វៀតណាម​ជាច្រើន​នាក់​ដែល​កំពុង​រស់នៅ​ក្នុង​ប្រទេស​កម្ពុជា បាន​ប្រារព្ធ​ពិធី​ជួបជុំគ្នា​មួយ​ក្នុង​ស្ថានទូត​របស់​ខ្លួន​ក្នុង​ក្រុងភ្នំពេញ កាលពី​ថ្ងៃ​ទី​២៥ មករា កន្លងទៅ ដើម្បី​ប្រារព្ធ​ពិធីបុណ្យ​ចូល​ឆ្នាំ ថ្មី ប្រពៃណី​ជាតិ​របស់​ខ្លួន នៅ​ដើមខែ​កុម្ភៈ។

នៅ​ក្នុង​ពិធីជប់លៀង​ជួបជុំគ្នា​នោះ ឯកអគ្គរដ្ឋទូត​វៀតណាម លោក វ៊ូ ហ្គាំងមិញ (Vu Quang Minh) បាន​ប្រាប់​អ្នក​ចូលរួម​ថា ឆ្នាំ​២០១៨ ក៏​ជា​ឆ្នាំ​ដ៏​សំខាន់​ដែល​ប្រទេស​ទាំងពីរ កម្ពុជា​វៀតណាម សម្រេច​បាន​នូវ​ទំហំ​ពាណិជ្ជកម្ម​ទ្វេភាគី​ប្រមាណ​៤.៥ ពាន់​លាន​ដុល្លារ​អាមេរិក គឺ​មាន​ចំនួន​កើន​ឡើង​១៨​ភាគរយ​ជា​រៀងរាល់​ឆ្នាំ។

កាល​ពី​ពេល​ថ្មី​នេះ​ក្នុង​ដំណើរ​ទស្សនកិច្ច​ទៅកាន់​ប្រទេស​វៀតណាម នាយករដ្ឋមន្ត្រី​វៀតណាម លោក ង្វៀន សួនហ្វ៊ុក ប្រាប់​ទៅ​លោក ប្រាក់ សុខុន ឱ្យ​បន្ត​ធ្វើ​ការងារ​ឱ្យ​បាន​កាន់តែ​ជិតស្និទ្ធ​ជាមួយ​អាជ្ញាធរ​ពាក់ព័ន្ធ និង​អាជ្ញាធរ​មូលដ្ឋាន​កម្ពុជា​ខ្លួនឯង ជុំវិញ​រឿង​ចម្រូងចម្រាស​នៃ​ការ​បន្លាស់​ទីលំនៅ​ផ្ទះ​បណ្ដែត​ទឹក​របស់​អាណិកជន​វៀតណាម ដែល​កំពុង​រស់​នៅ​លើ​ផ្ទៃ​បឹង​ទន្លេសាប ក្នុង​ខេត្ត​កំពង់ឆ្នាំង ដើម្បី​ឱ្យ​ពួកគេ​មក​តាំងទី​លំនៅ​លើ​ដី​គោក​វិញ ឱ្យ​បាន​ដូច​តាម​អ្វី​ដែល​លោក ហ៊ុន សែន បាន​ដាក់​ចេញ​​​​​​​​​​​​​​។ មន្ត្រី​សិទ្ធិមនុស្ស​នៅ​ខេត្ត​កំពង់ឆ្នាំង​ឱ្យ​ដឹង​ថា ជនជាតិ​វៀតណាម​រស់នៅ​កម្ពុជា ដែល​ត្រូវ​បាន​អាជ្ញាធរ​ខេត្ត ជម្លៀស​ចេញ​ពី​​ផ្ទះ​បណ្ដែត​ទឹក​នៅ​​​លើ​បឹង​ទន្លេសាប ជាង​ពីរ​ពាន់​គ្រួសារ ក្នុង​នោះ​មួយ​ចំនួនធំ​បាន​វិល ត្រឡប់​មក​រស់នៅ​លើ​បឹង​ទន្លេសាប​វិញ​ហើយ។ មន្ត្រី​ដដែល​អះអាង​ថា ជនជាតិ​វៀតណាម​នោះ​វិល​មកវិញ ដោយសារតែ ទីតាំង​ថ្មី​ដែល​អាជ្ញាធរ​ផ្ដល់​ឱ្យ​គ្មាន​ទឹក និង​ភ្លើង​ប្រើប្រាស់ ហើយ​ថែមទាំង​គ្មាន​សាលារៀន៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (1)
Share

Be smart khmer and keep eyes on them closely

Be careful what do they meeting in nvc's secret embassy?be spy on us...be prepare in worst case scenario coming ahead"sanctions",be hit and run like "nvc"in Vietnam war?.We the khmer pple remembered a horrible war in 1970-1975,every Vietnamese"NVC"communities and Vietnamese temples around Cambodia country used their temples as a secret place to hided north Vietcong guerrilla warfare and its weaponry,or sometime they parade their hidden secret weapons in casket through to its temples by without khmer officials pay their attention"think only normal coffin"and S.Vietnam too.

Jan 28, 2019 05:08 PM

គេហទំព័រ​ទាំងមូល