អាជ្ញាធរអប្សរាបានជួសជុលប្រាសាទបុរាណលើភ្នំក្រោមសម្រេចបាន ៩០ភាគរយ
2024.12.04
ទិដ្ឋភាពក្រុមជាង និងអ្នកជំនាញនៃអាជ្ញាធរជាតិអប្សរាជួសជុលគ្រឹះ និងតួប្រាសាទមួយកន្លែង ដែលសង់លើកំពូលភ្នំក្រោមក្នុងខេត្តសៀមរាប នៅថ្ងៃទី៣ ធ្នូ ២០២៤។
រូប៖ ហ្វេសប៊ុកអាជ្ញាធរជាតិអប្សរា
អាជ្ញាធរជាតិអប្សរានឹងបញ្ចប់ការជួសជុលគ្រឹះ និងតួប្រាសាទមួយកន្លែង ដែលសង់លើកំពូលភ្នំក្រោមក្នុងខេត្តសៀមរាបជាប់តំបន់បឹងទន្លេសាប នៅបំណាច់ឆ្នាំ២០២៤នេះ។
អ្នកគ្រប់គ្រងការដ្ឋានជួសជុលប្រាសាទភ្នំក្រោម លោក រស់ វិសុទ្ធ បានថ្លែងតាមរយៈទំព័រហ្វេសប៊ុក(Facebook) ផ្លូវការរបស់អាជ្ញាធរអប្សរានៅថ្ងៃទី៣ ខែធ្នូ ថា ការជួសជុលប្រាសាទនេះធ្វើឡើងរយ:ពេលជាង៥ខែមកហើយ ក្នុងបំណងសង្គ្រោះសំណង់បុរាណខ្មែរឱ្យរក្សាទម្រង់ដើមដល់អ្នកជំនាន់ក្រោយ។
លោកថា ក្រុមការងារបានសហការរៀបចំសម្រង់ប្លង់ និងឯកសារយ៉ាងសម្រិតសម្រាំងស្របតាមលក្ខណ:បច្ចេកទេសដើម្បីពង្រឹងការជួសជុលឱ្យទាន់ពេលវេលា។ រីឯក្រុមអ្នកជំនាញ បានបន្តជួសជុលកំពូលប្រាសាទសម្រេចបាន៩០ភាគរយ ដើម្បីសង្គ្រោះប្រាសាទនេះឱ្យរួចផុតពីហានិភ័យ ធ្វើយ៉ាងណាបំពេញការងារឱ្យបានត្រឹមត្រូវ តាមលក្ខណៈបច្ចេកទេសទេស ដើម្បីឱ្យប្រាសាទនេះ មានអាយុកាលយូរអង្វែង។
ក្រុមអ្នកជំនាញបន្ថែមថា បន្ទាប់ពីធ្វើការកែលម្អរួចមករយៈពេល៥ ខែកន្លងទៅនេះ តួនីមួយៗនៃប្រាសាទឥដ្ឋទាំងមូលអាចរក្សាទ្រង់ទ្រាយដើមវិញ ស្ទើរតែទាំងស្រុង មានសោភ័ណភាពល្អ ដែលជាផ្នែកមួយលើកកម្ពស់ស្ថាបត្យកម្មខ្មែរបន្សល់ពីសម័យបុរាណទាក់ទាញអ្នកទេសចរ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- លោក ឃួង ស្រេង ពីមន្ត្រីខណ្ឌតូចតាចទៅជាអភិបាលក្រុងភ្នំពេញដោយសារស្នាដៃបម្រើគ្រួសារត្រកូលហ៊ុន
- លោក ហេង សិទ្ធី ត្រូវបានចាប់ខ្លួនដល់រុស្សីក្រោយស្នើឱ្យលោក ហ៊ុន ម៉ាណែត ចុះចេញពីតំណែង
- លោក ហ៊ុន ម៉ានី ស្នើឲ្យនាយករដ្ឋមន្ត្រី លោក ហ៊ុន ម៉ាណែត ដកប្រធានមន្ទីរបរិស្ថានចំនួន៤ ខេត្ត នៅជុំវិញតំបន់ព្រៃឡង់
- មន្ត្រីបក្សកាន់អំណាចព្យាយាមលាងជម្រះលោក ហ៊ុន សែន ពាក់ព័ន្ធឃាតកម្មលើលោក លិម គិមយ៉ា
- លោក សម រង្ស៊ី អំពាវនាវឱ្យកងកម្លាំងប្រដាប់អាវុធ និងអ្នកនយោបាយរួមគ្នាផ្លាស់ប្ដូររបបត្រកូល ហ៊ុន
អត្ថបទពេញនិយម
សង្គម
- មនុស្ស ៤នាក់ស្លាប់ និង ៥នាក់ទៀតរបួសធ្ងន់ ពេលប្រជ្រៀតគ្នាយកអាំងប៉ាវនៅភូមិគ្រឹះលោក សុខ គង់
- ជនសង្ស័យ៥នាក់ត្រូវបានឃាត់ខ្លួនករណីក្លែងបន្លំឯកសណ្ឋានសមត្ថកិច្ចដើរជំរិតទារប្រាក់
- អ្នកឃ្លាំមើលរិះគន់ថា អាជ្ញាធរមិនបានបង្ក្រាបមេខ្លោងបនល្បែងធំៗ ទើបទីតាំងបនល្បែងតាមអនឡាញរីករាលដាលខ្លាំង
- កម្មកររោងចក្រ គ្លូរី នីតវែរ នៅខេត្តកណ្ដាល តវ៉ាបិទផ្លូវជាតិ៤ ទាមទារឲ្យថៅកែបើកប្រាក់បំណាច់ឆ្នាំ