អាជ្ញាធរ​ស្រុក​ព្រៃនប់​ហាម​ពលរដ្ឋ​ងូត​ទឹក​បឹង​ជើងគោ​បន្ទាប់​ពី​ក្រពើ​ជា​ច្រើន​ក្បាល​រួច​ចូល​ក្នុង​បឹង

ម៉ៅ សុធានី
2018.07.16
Share on WhatsApp
Share on WhatsApp
និមិត្ត​សញ្ញា ​អាស៊ីសេរី ៦២២ និមិត្ត​សញ្ញា​អាស៊ីសេរី។
Photo: RFA

អាជ្ញាធរ​ស្រុក​ព្រៃនប់ ខេត្ត​ព្រះសីហនុ ហាម​ពលរដ្ឋ និង​ក្មេង​តូចៗ​ចុះ​ងូតទឹក ក្នុង​អាង​ស្តុក​ទឹក​បឹង​ជើងគោ ក្រោយពី​អ្នកភូមិ​ដាក់មង​ជាប់​បាន​សត្វ​ក្រពើ​ជាច្រើន​ក្បាល។

អភិបាលស្រុក​ព្រៃនប់​លោក សរ កក្កដា បាន​ប្រាប់​កាសែត​ភ្នំពេញ​ប៉ុស្តិ៍ នៅ​ថ្ងៃទី១៦ ខែ​កក្កដា នេះ​ថា ប្រជា​នេសាទ​បាន​ដាក់មង​ជាប់​សត្វ​ក្រពើ​ចំនួន ៥​ក្បាល កាល​ពី​ពេល​ថ្មីៗ​នេះ​។ លោក​បន្ត​ថា សត្វ​ក្រពើ​មិន​ត្រូវ​បាន​ប្រជា​នេសាទ​ប្រទះឃើញ ឬ​ដាក់មង​បានទេ​ពី​មុន​មក​ទេ ប៉ុន្តែ​ចាប់ពី​មាន​កសិដ្ឋាន​ចិញ្ចឹម​ក្រពើ​ធំ​មួយ​នៅ​ក្បែរ​អាង​ស្តុក​ទឹក​នេះ​មក សត្វ​ក្រពើ​ត្រូវ​បាន​គេ​ប្រទះឃើញ និង​ដាក់មង​បានជា​បន្តបន្ទាប់។

អ្នកគ្រប់គ្រង​កសិដ្ឋាន​ចិញ្ចឹម​ក្រពើ លោក សើន រិទ្ធី ដែល​មាន​ទីតាំង​ស្ថិតនៅ​ភូមិ​វាលធំ ស្រុក​ព្រៃនប់ ក្បែរ​អាង​ស្តុក​ទឹក​នោះ បាន​ទទួលស្គាល់​ថា សត្វ​ក្រពើ​មួយ​ចំនួន​បាន​រួច​ចេញពី​កសិដ្ឋាន​របស់​លោក​កាល​ពី​មួយ​សប្ដាហ៍​មុន ហើយ​បច្ចុប្បន្ន ក្រុម​បុគ្គលិក​របស់​លោក កំពុង​ជួសជុល​របង និង​អាង​ក្រពើ​នោះ​ឡើងវិញ។ លោក បន្ត​ថា កសិដ្ឋាន​ចិញ្ចឹម​ក្រពើ​នេះ មាន​សរុប​ចំនួន ៣​ពាន់ ២​រយ​ក្បាល៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

 

បញ្ចេញ​មតិយោបល់៖

បញ្ចូលមតិរបស់អ្នកដោយបំពេញទម្រង់ខាងក្រោមជាអក្សរសុទ្ធ។ មតិនឹងត្រូវសម្រេចដោយអ្នកសម្របសម្រួល និងអាចពិនិត្យកែប្រែឲ្យស្របតាម លក្ខខណ្ឌនៃការប្រើប្រាស់ របស់វិទ្យុអាស៊ីសេរី។ មតិនឹងមិនអាចមើលឃើញភ្លាមៗទេ។ វិទ្យុអាស៊ីសេរី មិនទទួលខុសត្រូវចំពោះខ្លឹមសារនៃមតិដែលបានចុះផ្សាយឡើយ។ សូមគោរពមតិរបស់អ្នកដទៃ ហើយប្រកាន់ខ្ជាប់នូវការពិត។