ជនជាតិ​ចិន​៣​នាក់​ទៀត​ត្រូវ​ឃាត់​ខ្លួន​ជុំវិញ​ការ​នាំ​ចូល​លុយ​គ្មាន​ប្រភព​ច្បាស់លាស់​មក​កម្ពុជា

ដោយ សន ចាន់រដ្ឋា
2019-07-10
អ៊ីម៉ែល
មតិ
Share
បោះពុម្ព
បុរស​ជន​ជនជាតិ​ចិន ឈ្មោះ លាវ ជីងឈីង (LIAO JINGQING) (រូប​ស្ដាំ​ទី២) និង​ក្រដាស​ប្រាក់​ដុល្លារ​ជិត ១​លាន​ដុល្លារ ត្រូវ​បាន​សមត្ថកិច្ច​ចាប់​បាន។
បុរស​ជន​ជនជាតិ​ចិន ឈ្មោះ លាវ ជីងឈីង (LIAO JINGQING) (រូប​ស្ដាំ​ទី២) និង​ក្រដាស​ប្រាក់​ដុល្លារ​ជិត ១​លាន​ដុល្លារ ត្រូវ​បាន​សមត្ថកិច្ច​ចាប់​បាន។
រូប​អគ្គស្នងការ​នគរបាល​ជាតិ

ប៉ូលិស និង​គយ​នៅ​ព្រលាន​យន្តហោះ​អន្តរជាតិ​ភ្នំពេញ បាន​ឃាត់ខ្លួន​បុរស​ជនជាតិ​ចិន​ចំនួន ៣​នាក់ កាលពី​ថ្ងៃទី៩ ខែ​កក្កដា ក្រោយ​ពី​រក​ឃើញ​ថា ជនជាតិ​ចិន​ទាំងនេះ បាន​នាំ​លុយ ៩០​ម៉ឺន​ដុល្លារ គ្មាន​ប្រភព​ច្បាស់លាស់ ចូល​មក​កម្ពុជា។

មន្ត្រី​គយ​ប្រចាំ​នៅ​ព្រលាន​យន្តហោះ​អន្តរជាតិ​ភ្នំពេញ បាន​ប្រាប់​សារព័ត៌មាន​ក្នុងស្រុក​ថា ជន​ជាតិ​ចិន​ទាំងនេះ​បាន​ដាក់​លុយ​ចំនួន ៩០​ម៉ឺន​ដុល្លារ នៅ​ក្នុង​កាបូប​យួរ​ដៃ​ចំនួន ៣ ដោយ​គ្មាន​ជូនដំណឹង​ដល់​មន្ត្រី​គយ តាមរយៈ​លិខិត​រាយការណ៍​របស់​គយ​នោះ​ឡើយ។

មន្ត្រី​ដដែល​បញ្ជាក់​ទៀត​ថា ការ​សម្រេច​ឃាត់ខ្លួន​នេះ ដោយសារតែ​ការ​នាំ​ចូល​ចំនួន​លុយ​ដ៏​ច្រើន​នេះ មិន​មាន​ប្រភព​ច្បាស់លាស់ និង​មិន​បាន​បង្ហាញ​ពី​គោលដៅ​នៃ​ការប្រើប្រាស់​ថវិកា​ទាំង​នេះ​ច្បាស់​លាស់។

នេះ​ជា​ករណី​លើក​ទី ៤ហើយ នៃ​ការ​បង្ក្រាប​ការ​នាំ​លុយ​ដែល​គ្មាន​ប្រភព​ចូល​មក​កម្ពុជា ដែល​សមត្ថកិច្ច​បង្ក្រាប​បាន បើ​គិត​ចាប់ពី​ខែ​មេសា ឆ្នាំ​២០១៩។

អគ្គស្នងការ​រង​នគរបាល​ជាតិ លោក ឌី វិជ្ជា ធ្លាប់​ប្រាប់​សារព័ត៌មាន​ក្នុងស្រុក​ឱ្យ​ដឹង​ថា គិត​ត្រឹម​ឆមាស​ទី​មួយ ក្នុង​ឆ្នាំ​២០១៩ បាន​បង្ក្រាប​ករណី​សម្អាត​ប្រាក់​បាន​ប្រមាណ ១៤​លាន​ដុល្លារ។ លោក​បញ្ជាក់​ថា បទល្មើស​សម្អាត​ប្រាក់​នេះ តែង​កើតមាន​ក្រោម​រូបភាព​នាំចូល​ដោយ​ផ្ទាល់ តាមរយៈ​បច្ចេកវិទ្យា និង​តាមរយៈ​ធនាគារ។

កាលពី​ថ្ងៃទី១២ ខែ​មិថុនា លោក ស ខេង រដ្ឋមន្ត្រី​ក្រសួងមហាផ្ទៃ​បាន​បញ្ជា​ទៅ​សមត្ថកិច្ច​ទាំងអស់ ឱ្យ​យកចិត្តទុកដាក់​បង្ក្រាប​បទល្មើស​លាង​លុយ​កខ្វក់​នៅ​កម្ពុជា។ លោក​បារម្ភ​ថា​បញ្ហា​លាង​លុយ​កខ្វក់​នេះ អាច​នាំ​ឱ្យ​កម្ពុជា​ត្រូវ​បាន​គេ​ដាក់បញ្ចូល​ទៅ​ក្នុង​បញ្ជី​ខ្មៅ ដែល​ជា​ហេតុ​នាំ​ឱ្យ​កម្ពុជា​ត្រូវ​ប្រឈម​នឹង​ហានិភ័យ​ដ៏​ធំ៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (1)
Share

tmil HS welcomes all crooks and thieves to come here

More Chinese mainland's dirty money are pouring into its puppet govm't"HS",after the killing fields era.This Neo-China's commie strategy is try to tears down Cambodia apart,that the first attempted failed in killing fields 1970-1979"secret to wipe out Cambodia from the world map.Now,this 2nd attempt,it is changes to neo-Chinese exploits illegal immigration along the Cambodia's coastline day and night time without anyone check in or out"free world".The HS's puppet govm't not cares about the Chinese commie mainland come into Cambodia,most of them aren't fled from against commie of China treats them,or arrest or kill them at all.Most of them are looking good an opportunity in Cambodia by illegal human trafficking,sex,slavery,mafia network,serial killer,drug dealer,gangs,hit-man,espionage,prostitutes,money laundering,counterfeit,dirty money,or smuggling,despite in their home country face an economic hardship,or most wanted by its justice system at home"no anyone even know who are they?",that why cause Cambodia's society epidemic"highly crime rates"across country.

Jul 10, 2019 05:26 PM

គេហទំព័រ​ទាំងមូល