អគ្គីភ័យ​ឆេះ​ផ្សារត្រី​ខូចខាត​ផ្ទះ​អស់​ជា​ច្រើន​ខ្នង​នៅ​ក្រុង​ប៉ោយប៉ែត

2019-01-29
អ៊ីម៉ែល
មតិ
Share
បោះពុម្ព
ទិដ្ឋភាព​ទីតាំង​ភ្លើង​ឆេះ​ផ្ទះ​ប្រជាពលរដ្ឋ​នៅ​ផ្សារ​ត្រី​ក្នុង​​ភូមិ​បាលិលេយ្យ​១ សង្កាត់​ប៉ោយប៉ែត ក្រុង​ប៉ោយប៉ែត ខេត្ត​បន្ទាយមានជ័យ ថ្ងៃទី២៩ ខែ​មករា ឆ្នាំ​២០១៩។
ទិដ្ឋភាព​ទីតាំង​ភ្លើង​ឆេះ​ផ្ទះ​ប្រជាពលរដ្ឋ​នៅ​ផ្សារ​ត្រី​ក្នុង​​ភូមិ​បាលិលេយ្យ​១ សង្កាត់​ប៉ោយប៉ែត ក្រុង​ប៉ោយប៉ែត ខេត្ត​បន្ទាយមានជ័យ ថ្ងៃទី២៩ ខែ​មករា ឆ្នាំ​២០១៩។
រូបថត៖ ដោយ​ប្រជាពលរដ្ឋ

អគ្គីភ័យ​ឆេះ​ផ្ទះ​លក់​ចាប​ហួយ​របស់​ប្រជាពលរដ្ឋ​នៅ​ផ្សារត្រី​​ក្នុង​ភូមិ​បាលិលេយ្យ​១ សង្កាត់​ប៉ោយប៉ែត ក្រុង​ប៉ោយប៉ែត ខេត្ត​បន្ទាយមានជ័យ​ កាល​ពី​ម៉ោង ១រសៀល​ថ្ងៃ​ទី​២៩ មករា ហើយ​បណ្ដាល​ឲ្យ​ផ្ទះ ២ខ្នង​ខូច​ខាត​ទាំង​ស្រុង និង​ផ្ទះ ៥​ខ្នង​ទៀត ខូច​ប្រហែល ៦០​ភាគ​រយ។

អភិបាលក្រុង​ប៉ោយប៉ែត លោក សាន ស៊ានហូ មាន​ប្រសាសន៍​ប្រាប់​អាស៊ី​សេរី​ថា ភ្លើង​ឆេះ​នេះ​បណ្ដាល​មក​ពី​ពលរដ្ឋ​ដុត​ធូប​ទុក​ចោល​នៅ​ក្នុង​ផ្ទះ ហើយ​ឆេះ​រាល​ពី​ផ្ទះ​មួយ​ទៅ​ផ្ទះ​ ដោយសារ​នៅ​តំបន់​នោះ​ ជា​ទីប្រជុំ​ជន​មាន​ផ្ទះ​ជាប់ៗ គ្នា​ច្រើន។ លោក​បន្ត​ថា លោក​បាន​ប្រមូល​រថយន្ត​ពន្លត់​អគ្គីភ័យ​ពី​ស្រុក​ជិត​ខាង​ផង និង​រថយន្ត​នៅ​ក្នុង​ក្រុង​នេះ​ផង សរុប​ជាង ១០គ្រឿង ហើយ​បាន​បញ្ជូន​ទៅ​បាញ់​ទឹក​ពន្លត់​ភ្លើង​ជាង​មួយ​ម៉ោង​ទើប​​ភ្លើង​រលត់​ទៅ​វិញ៖ «ភ្លើង​ឆេះ​អស់​តិច​ ដោយសារ​ឆេះ​នៅ​ពេល​ថ្ងៃ​ បើ​សិន​ជា​ឆេះ​នៅ​ពេល​យប់​​ ច្បាស់​ជា​ឆេះ​អស់​ច្រើន​ខ្នង​ជា​មិន​ខាន​ទេ ព្រោះ​នៅ​ទី​នោះ​ជា​ផ្សារ​លក់​ដូរ​​​ផ្លូវ​ពិបាក​ចេញ​ចូល​ ដូច្នេះ​ហើយ​បាន​ជា​ខ្ញុំ​ប្រញាប់​​ទាក់ទង​ឡាន​ពន្លត់​អគ្គីភ័យ​មក​ជួយ​ភ្លាមៗ​ ព្រោះ​បើ​យឺត​ពេល​នឹង​មិន​អាច​ទប់​ស្កាត់​ស្ថានការណ៍​បាន​ទាន់​ពេល​ទេ»

គិត​ត្រឹម​ម៉ោង ៥​រសៀល​ថ្ងៃ​ដដែល​ អាជ្ញាធរ​កំពុង​បូក​សរុប​ទ្រព្យ​សម្បត្តិ​នៅ​ក្នុង​ផ្ទះ ដែល​ខូច​ខាត​មិន​ទាន់​ចប់​នៅ​ឡើយ ក្នុង​នោះ​មាន​មនុស្ស​ម្នាក់​របួស​ស្រាល ដោយសារ​ចូល​ជួយ​បាញ់​ទឹក​ពន្លត់​ភ្លើង៕


កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (0)
Share
គេហទំព័រ​ទាំងមូល