ភ្លើង​ឆេះ​ផ្ទះ​ពលរដ្ឋ​អស់​១២​ខ្នង​នៅ​ខេត្ត​កំពង់ចាម

ដោយ សូត សុខប្រាថ្នា
2014.12.24
Share on WhatsApp
Share on WhatsApp

អគ្គីភ័យ​ឆាប​ឆេះ​ផ្ទះ​ប្រជាពលរដ្ឋ​នៅ​ភូមិ​រកា សង្កាត់​សំបួរមាស ក្រុង​កំពង់ចាម អស់​ចំនួន ១២​ខ្នង នៅ​រសៀល​ថ្ងៃ​ទី​២៤ ធ្នូ។ ចំណែក​ផ្ទះ ១៣​ខ្នង​ផ្សេង​ទៀត​ដែល​នៅ​ជិត​គ្នា ត្រូវ​អាជ្ញាធរ​សម្រេច​រុះរើ ដើម្បី​ទប់ស្កាត់​ការ​ឆេះ​រាល​ដាល​ត​ទៅ​ទៀត។

ស្នងការ​នគរបាល​ខេត្ត​កំពង់ចាម លោក ប៉ែន រ័ត្ន ដែល​ដឹក​នាំ​កម្លាំង​ផ្ទាល់​នៅ​កន្លែង​កើត​ហេតុ​ឲ្យ​ដឹង​ថា មូលហេតុ​ពិត​ប្រាកដ​នៃ​ការ​ឆេះ​នោះ អាជ្ញាធរ​មិន​ទាន់​សន្និដ្ឋាន​បាន​យ៉ាង​ណា​ទេ ពីព្រោះ​ភ្លើង​ផ្ដើម​ចេញ​ពី​ផ្ទះ​ដែល​ម្ចាស់​មិន​នៅ។ លោក​បន្ត​ថា ក្នុង​អគ្គីភ័យ​នោះ​មិន​បង្ក​ឲ្យ​ពលរដ្ឋ​ណា​រងគ្រោះ​ធ្ងន់ធ្ងរ​ទេ គ្រាន់​តែ​មាន​ពលរដ្ឋ​ម្នាក់​សន្លប់​ដោយ​ឈ្លក់​ផ្សែង​ភ្លើង។ លោក​បន្ត​ថា ផ្ទះ​ឆេះ គឺ​ភាគ​ច្រើន​ជា​ពលរដ្ឋ​ឥស្លាម​រស់នៅ ចំណែក​ការ​ខូចខាត​មិន​ទាន់​វាយ​តម្លៃ​បាន​ទេ៖ «បាទ! យើង​គ្រប់គ្រង​បាន​ទាំង​ស្រុង​ហើយ​អូន! ហើយ​ឥឡូវ​ឡាន​ទឹក​យើង​បី​ត្រៀម​ចាំ​នៅ​ហ្នឹង ខ្លាច​កម្រើក​ឡើង​វិញ»

លោក​បន្ត​ថា អាជ្ញាធរ​ខេត្ត​នឹង​នាំ​នូវ​ជំនួយ​ខ្លះ​ទៅ​ជូន​ពលរដ្ឋ​រងគ្រោះ​នៅ​ថ្ងៃ​ទី​២៥ ធ្នូ។ យ៉ាង​ណា លោក​ស្នើ​ឲ្យ​ពលរដ្ឋ​ប្រុង​ប្រយ័ត្ន​ចំពោះ​ការ​ប្រើប្រាស់​ភ្លើង​អគ្គិសនី គប្បី​ប្រើប្រាស់​ឲ្យ​បាន​ត្រឹមត្រូវ​តាម​បច្ចេកទេស៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

បញ្ចេញ​មតិយោបល់៖

បញ្ចូលមតិរបស់អ្នកដោយបំពេញទម្រង់ខាងក្រោមជាអក្សរសុទ្ធ។ មតិនឹងត្រូវសម្រេចដោយអ្នកសម្របសម្រួល និងអាចពិនិត្យកែប្រែឲ្យស្របតាម លក្ខខណ្ឌនៃការប្រើប្រាស់ របស់វិទ្យុអាស៊ីសេរី។ មតិនឹងមិនអាចមើលឃើញភ្លាមៗទេ។ វិទ្យុអាស៊ីសេរី មិនទទួលខុសត្រូវចំពោះខ្លឹមសារនៃមតិដែលបានចុះផ្សាយឡើយ។ សូមគោរពមតិរបស់អ្នកដទៃ ហើយប្រកាន់ខ្ជាប់នូវការពិត។