កម្លាំងសមត្ថកិច្ចរកឃើញសាកសពអាកាសយានិកម្នាក់ទៀតនៅចម្ងាយពីកន្លែងធ្លាក់ជាង២០០ម៉ែត្រ
2024.07.30
ឧទ្ធម្ភាគចក្រ ប្រភេទ Z-9 ផលិតនៅប្រទេសចិន ដែលបាត់ដាន ១៧ថ្ងៃ ក្រុមអ្នករុករកទើបតែរកឃើញនៅព្រៃខ្នងភ្នំយ៉ាវយ៉ៃ ឃុំថ្មដា ស្រុកវាលវែង ខេត្តពោធិ៍សាត់ នៅថ្ងៃទី២៩ ខែកក្កដា ឆ្នាំ២០២៤។
រូប៖ ហ្វេសប៊ុកគណៈកម្មាធិការជាតិគ្រប់គ្រងគ្រោះមហន្តរាយ
កម្លាំងរុករកនៃក្រសួងការពារជាតិ នៅព្រឹកថ្ងៃទី៣០ ខែកក្កដា រកឃើញសាកសពអាកាសយានិកម្នាក់ទៀតហើយ ដែលមានចម្ងាយពីកន្លែងធ្លាក់ឧទ្ធម្ភាគចក្រជាង ២០០ម៉ែត្រ ស្ថិតនៅចំណុចលើខ្នងភ្នំយ៉ាវយ៉ៃ ស្ថិតនៅក្នុងឃុំថ្មដា ស្រុកវាលវែង។ សាកសពអាកាសយានិកដែលទើបរកឃើញ មានឈ្មោះ ស៊ុន ផ្លា គឺជាមេក្រុម។
អនុប្រធានទី១នៃគណៈកម្មាធិការជាតិគ្រប់គ្រងគ្រោះមហន្តរាយ លោក គន់ គីម បញ្ជាក់តាមរយៈវីដេអូផ្សព្វផ្សាយលើហ្វេសប៊ុកគណៈកម្មាធិការជាតិគ្រប់គ្រងគ្រោះមហន្តរាយ នៅថ្ងៃនេះថា សពអាកាសយានិកដែលទើបរកឃើញនេះ ទំនងជាស្លាប់ក្រោយពីខ្លួនខំដើររកជំនួយ ក្រោយពីជួបឧបទ្ទវហេតុ។
កាលពីថ្ងៃទី២៩ ខែកក្កដា កម្លាំងរុករកបានរកឃើញសាកសពអាកាសយានិកម្នាក់ និងឧទ្ធម្ភាគចក្រ ដែលរកឃើញមានឈ្មោះ ខេង ឆៃយុទ្ធ។
ឧទ្ធម្ភាគចក្រដែលជួបគ្រោះថ្នាក់កាលពីថ្ងៃទី១៣ កក្កដា គឺប្រភេទ Z-9 ជាយន្តហោះផលិតនៅប្រទេសចិន (China) ដែលរដ្ឋាភិបាលកម្ពុជា បានបញ្ជាទិញចំនួន ១២គ្រឿង កាលពីឆ្នាំ២០១៣។ ឧទ្ធម្ភាគចក្រប្រភេទ Z-9 ដូចគ្នា កាលពីឆ្នាំ២០១៤ បានធ្លាក់ម្ដងហើយ នៅក្នុងសង្កាត់ព្រៃស ខណ្ឌដង្កោ រាជធានីភ្នំពេញ បណ្ដាលឱ្យមនុស្សចំនួន ៤នាក់ បាត់បង់ជីវិត និងម្នាក់ទៀតរងរបួស ក្នុងពេលកំពុងហោះហើរហ្វឹកហ្វឺន។
សូមរង់ចាំអាន និងស្ដាប់ព័ត៌មានពិស្ដារក្នុងកម្មវិធីផ្សាយនារាត្រីនេះ...
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- មេធាវីគ្រោងដាក់សេចក្តីសន្និដ្ឋានទៅសាលាឧទ្ធរណ៍ភ្នំពេញបញ្ជាក់ពីភាពស្អាតស្អំលោក កឹម សុខា
- អ្នកតាមដាននយោបាយថា អាមេរិកដាក់ទណ្ឌកម្ម លោក លី យ៉ុងផាត់ ជាការកាត់ផ្ដាច់សរសៃឈាមសេដ្ឋកិច្ចរបស់បក្សកាន់អំណាច
- កម្មករវៀតណាមកំពុងសម្ងំធ្វើការក្នុងក្រុមហ៊ុនចម្ការចេកខេត្តរតនគិរី
- លោក ហ៊ុន សែន អួតនៅក្នុងវេទិកាប្រទេសកូរ៉េថា កម្ពុជាមានសន្តិភាព ខណៈអ្នកតវ៉ាទាមទារប្រជាធិបតេយ្យ
- ក្រសួងការបទេស និងគណបក្សប្រជាជនកម្ពុជាចាត់ទុកថា ជារឿងអយុត្តិធម៌ ដែលក្រសួងរតនាគារសហរដ្ឋអាមេរិកដាក់ទណ្ឌកម្មលើលោក លី យ៉ុងផាត់
អត្ថបទពេញនិយម
សង្គម
- ពលរដ្ឋរិះគន់អាជ្ញាធរអប្សរាបណ្តោយឱ្យអ្នកមានលុយមានអំណាចសង់ផ្នូរខ្មោចចិនមួយធំក្នុងតំបន់អង្គរ
- កម្ពុជា និងចិន «មិនអាចទប់ស្កាត់បញ្ហាឆបោកតាមអនឡាញ និងជួញដូរមនុស្សនៅកម្ពុជាបាន»
- អ្នកឃ្លាំមើលថា កិច្ចសហប្រតិបត្តិការ «ត្បូងពេជ្រ» រវាងកម្ពុជា-ចិនគ្មានពន្លឺសម្រាប់កម្ពុជាឡើយ