ភរិយា​​បណ្ឌិត កែម ឡី សរសេរ​លិខិត​ជូន​ស្វាមី​ក្នុង​ខួប​១​ឆ្នាំ​នៃ​ការ​បាញ់​សម្លាប់


2017.07.05
ប៊ូ រចនា ១៤៤០ ២០១៧ ភរិយា​បណ្ឌិត កែម ឡី លោកស្រី ប៊ូ រចនា និង​កូនៗ​របស់​លោក នៅ​ក្នុង​បន្ទប់​ស្នាក់​នៅ​បណ្ដោះអាសន្ន​នា​ក្រៅ​ប្រទេស។ រូប​ថត​កាល​ពី​ចុង​ខែ​មិថុនា ឆ្នាំ​២០១៧។ RFA/Cheu Sideth
RFA/Cheu Sideth

នៅ​ក្នុង​ខួប ១​ឆ្នាំ​នៃ​ការ​បាញ់​សម្លាប់​លោក​បណ្ឌិត កែម ឡី លោកស្រី ប៊ូ រចនា ដែល​ជា​ភរិយា​របស់​លោក បាន​សរសេរ​លិខិត​នៅ​លើ​ហ៊្វេសបុក (Facebook) របស់​គាត់​ជា​លើក​ដំបូង អំពី​ភាព​អង់អាច​ក្លាហាន ការ​លះបង់​ជីវិត​ប្ដី​លោកស្រី​ដើម្បី​សង្គម​ជាតិ និង​ការ​នឹករលឹក​ប្ដី។

ខាង​ក្រោម​នេះ​គឺ​ជា​ខ្លឹមសារ​ទាំង​ស្រុង​ដែល​សរសេរ​រៀបរាប់​ដោយ​លោកស្រី ប៊ូ រចនា៖

ប្ដី​សម្លាញ់! ជិត​មួយ​ឆ្នាំ​ហើយ​ដែល​ពួក​តិរច្ឆាន​បាន​ឆក់​យក​ជីវិត​បង​ពី​អូន និង​កូនៗ។ អូន​នឹក​បង​ណាស់! តែ​បង​កុំ​បារម្ភ​អី ដោយសារ​មាន​បង​ប្អូន​ឈាម​ខ្មែរ​ទាំង​ក្នុង និង​ក្រៅ​ប្រទេស​ជាង ២​លាន​នាក់ ដែល​បាន​លើក​ទឹក​ចិត្ត​អូន ធ្វើ​ឲ្យ​អូន​រឹង​មាំ។ អូន​ពិត​ជា​មាន​មោទនភាព​ណាស់​ដែល​មាន​បង​ជា​ស្វាមី។ បង​លះបង់​ជីវិត​ដើម្បី​ជាតិ​ខ្មែរ។

បង​ដឹង​អត់? កូនៗ​យើង​គាត់​ធំ​លឿន​ណាស់ ហើយ​ពួកគាត់​តែង​តែ​ជួយ​មើល​ថែ​ប្អូន​ប្រុស​ពៅ ឯ​កូន​ពៅ​យើង​វិញ គាត់​មាន​ចរិត​ដូច​បង​ណាស់ ហើយ​អូន និង​កូនៗ​យើង​កំពុង​រង់ចាំ​ទៅ​រស់​នៅ​ប្រទេស​ដែល​បង​ប្រាថ្នា​ចង់​ឲ្យ​កូនៗ​ទៅ​រៀន ដោយ​មាន​ការ​ជួយ​ជ្រោមជ្រែង​ពី​បង​ប្អូន​ខ្មែរ​ចាស់​ទុំ​ដែល​ស្រលាញ់​បង។

គ្រប់​ដង្ហើម​ចេញ​ចូល​របស់​អូន គឺ​នឹក​បង​គ្រប់​ពេល តែ​អូន​នឹង​ប្រើ​ពេល​វេលា​នេះ​មក​មើល​ថែ ចិញ្ចឹម​បី​បាច់​កូនៗ​របស់​យើង​ឲ្យ​គាត់​ដើរ​តាម​គន្លង​បង ចេះ​ស្រលាញ់ និង​ជួយ​ជាតិ​ខ្មែរ​យើង​ឲ្យ​មាន​ការ​ផ្លាស់ប្ដូរ​ដើម្បី​សម្រេច​បំណង​បង។ ដូច្នេះ​សូម​បង​តាម​ថែ​រក្សា​អូន និង​កូនៗ​យើង​ណា​បង!

ពី​ប្រពន្ធ​ដែល​ស្រលាញ់​បង​បំផុត!

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

អត្ថបទពេញនិយម
RFA
ព្រះចៅ​អធិការ​វត្ត​ដំរីស ខេត្ត​បាត់ដំបង បណ្ដេញ​ព្រះសង្ឃ​មួយ​អង្គ​ចេញ​ពី​វត្ត​បន្ទាប់​ពី​ចូលរួម​បុណ្យ​ខួប​បាញ់សម្លាប់​បណ្ឌិត កែម ឡី
បញ្ចេញ​មតិយោបល់៖

បញ្ចូលមតិរបស់អ្នកដោយបំពេញទម្រង់ខាងក្រោមជាអក្សរសុទ្ធ។ មតិនឹងត្រូវសម្រេចដោយអ្នកសម្របសម្រួល និងអាចពិនិត្យកែប្រែឲ្យស្របតាម លក្ខខណ្ឌនៃការប្រើប្រាស់ របស់វិទ្យុអាស៊ីសេរី។ មតិនឹងមិនអាចមើលឃើញភ្លាមៗទេ។ វិទ្យុអាស៊ីសេរី មិនទទួលខុសត្រូវចំពោះខ្លឹមសារនៃមតិដែលបានចុះផ្សាយឡើយ។ សូមគោរពមតិរបស់អ្នកដទៃ ហើយប្រកាន់ខ្ជាប់នូវការពិត។