លោក ហ៊ុន សែន ចូលរួមបើកព្រឹត្តិការណ៍ស៊ីហ្គេមលើកទី៣២ និងអាស៊ានប៉ារ៉ាហ្គេមលើកទី១២
2023.05.06
លោកនាយករដ្ឋមន្ត្រី ហ៊ុន សែន ប្រគល់ភ្លើងគប់ទៅអត្តពលិកកម្ពុជា ពេលចូលរួមពិធីបើកព្រឹត្តិការណ៍ស៊ីហ្គេមលើកទី៣២ កាលពីថ្ងៃទី៥ ឧសភា ២០២៣។
រូប៖ ហ្វេសប៊ុកលោក ហ៊ុន សែន
លោកនាយករដ្ឋមន្ត្រីហ៊ុន សែន នៅល្ងាចថ្ងៃទី៥ ឧសភា ចូលរួមបើកព្រឹត្តិការណ៍ស៊ីហ្គេមលើកទី៣២ នៅពហុកីឡាដ្ឋានជាតិមរតកតេជោ។
ពិធីបើកព្រឹត្តិការណ៍ស៊ីហ្គេម(SEA GAME) នេះមានការសម្ដែងសិល្បៈតន្ត្រី សម័យ និងសិល្បៈបុរាណដូចជា សម្ដែងពីដើមកំណើតនគរខ្មែរ ដែលការរៀបរាប់តាំងពីដំណើរកកើតនគរដំបូង រហូតដល់សម័យកាលរុងរឿងបំផុតនោះគឺសម័យអង្គរ។ ការសម្ដែងនេះ អមដោយការរៀបចំឆុតឆាតការសម្ដែងក្រោមពន្លឺពណ៌មាស មានទាំងរបាំអប្សរា ក្បាច់គុនខ្មែរ ក្បួនកងទ័ពចម្បាំង ល្ខោនស្បែកនិងមានការសម្ដែងផ្សេងទៀត។
ព្រឹត្តិការណ៍ប្រកួតកីឡាស៊ីហ្គេមនេះ គឺចាប់ផ្ដើមពីថ្ងៃទី៥ ដល់ ថ្ងៃទី១៧ ខែឧសភា ហើយមានការប្រកួតកីឡាសរុប ៣៧ប្រភេទ ត្រូវនឹង ៥៨៦វិញ្ញាសា។
កម្ពុជាឈរលេខរៀងទីមួយជាបណ្ដោះអាសន្ន ដែលទទួលបានមេដាយសរុបចំនួន ៩គ្រឿងហើយ ក្នុងព្រឹត្តិការណ៍កីឡាស៊ីហ្គេម គិតត្រឹមយប់ថ្ងៃទី៤ ឧសភា ក្នុងនោះ ៥ គ្រឿងជាមេដាយមាស និង ៤ គ្រឿងទៀតជាមេដាយប្រាក់។ មេដាយមាស ៥ គ្រឿងនោះ ទទួលបានលើប្រភេទកីឡាគុនល្បុក្កតោ ៤ គ្រឿង ហើយមួយគ្រឿងទៀតលើប្រភេទកីឡាជូជីតស៊ូ ផ្នែកសម្ដែងគូបុរស។
លោក ហ៊ុន សែន បានថ្លែងអគុណទៅដល់មេដឹកនាំឡាវ និងតំណាងថ្នាក់ដឹកនាំប្រទេសដទៃដែលបានចូលរួមក្នុងពិធីនេះ និងប្រកាសបើកព្រឹត្តិការណ៍កីឡាស៊ីហ្គេមលើកទី៣២។
លោក ហ៊ុន សែន៖ «ក្នុងព្រះបរមនាមព្រះមហាក្សត្រនៃព្រះរាជាណាចក្រកម្ពុជា ក្នុងនាមរាជរដ្ឋាភិបាលនិងក្នុងនាមខ្លួនខ្ញុំផ្ទាល់ ខ្ញុំសូមប្រកាសបើកព្រឹត្តិការណ៍កីឡាអាស៊ីអាគ្នេយ៍ ស៊ីហ្គេម(SEA GAME)លើកទី៣២ ឆ្នាំ២០២៣ ចាប់ពីពេលនេះតទៅ សូមអរគុណ»។
រដ្ឋាភិបាលលោក ហ៊ុន សែន គ្រោងចំណាយថវិកាប្រមាណ ២០០ លានដុល្លារសម្រាប់ព្រឹត្តិការណ៍កីឡាស៊ីហ្គេមលើកទី ៣២ នេះ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- កញ្ញា ឈឹម ស៊ីថរ រក្សាជំហរតស៊ូ ដើម្បីសេរីភាពសហជីព និងការពារផលប្រយោជន៍កម្មករក្រោយមានសេរីភាព
- អ្នកតាមដាននយោបាយថា អាមេរិកដាក់ទណ្ឌកម្ម លោក លី យ៉ុងផាត់ ជាការកាត់ផ្ដាច់សរសៃឈាមសេដ្ឋកិច្ចរបស់បក្សកាន់អំណាច
- ហេតុអ្វីបានជាអាមេរិកដាក់ទណ្ឌកម្ម «ស្តេចកោះកុង»?
- សមត្ថកិច្ចចាប់ខ្លួន លោក ហោ សុខុន អតីតព្រះចៅអធិការវត្តច្បារអំពៅ និងមនុស្ស ៣ទៀត
- លោក ហ៊ុន សែន ប្រកាសបញ្ចប់ការចូលរួមក្នុងគម្រោងតំបន់ត្រីកោណអភិវឌ្ឍន៍កម្ពុជា ឡាវ វៀតណាម ហៅកាត់ថា CLV-DTA ហើយ
