ទស្សនៈ​ពលរដ្ឋ​ជុំវិញ​មរណភាព​ស្ថាបនិក​មន្ទីរពេទ្យ​គន្ធបុប្ផា

សេក បណ្ឌិត
2018-09-09
អ៊ីម៉ែល
មតិ
Share
បោះពុម្ព
កុមារ​ដែល​មាន​ជំងឺ​កំពុង​រង់ចាំ​ចូល​ទទួល​សេវា​ព្យាបាល​ពី​មន្ទីរពេទ្យ​គន្ធបុប្ផា រាជធានី​ភ្នំពេញ កាល​ពី​ថ្ងៃ​ទី​១៦ ខែ​តុលា ឆ្នាំ​២០១៣។
កុមារ​ដែល​មាន​ជំងឺ​កំពុង​រង់ចាំ​ចូល​ទទួល​សេវា​ព្យាបាល​ពី​មន្ទីរពេទ្យ​គន្ធបុប្ផា រាជធានី​ភ្នំពេញ កាល​ពី​ថ្ងៃ​ទី​១៦ ខែ​តុលា ឆ្នាំ​២០១៣។
RFA/Sek Bandith

ប្រជាពលរដ្ឋ សង្គម​ស៊ីវិល និង​របប​ក្រុងភ្នំពេញ សម្ដែង​ការ​សោកស្ដាយ​ចំពោះ​មរណភាព​ស្ថាបនិក មន្ទីរពេទ្យ​គន្ធបុប្ផា លោក​វេជ្ជបណ្ឌិត បេអាត រិចឆ្នឺរ (Dr. Beat Richner) នៅ​ថ្ងៃ​ទី​៩ ខែ​កញ្ញា។ លោក​វេជ្ជបណ្ឌិត បេអាត រិចឆ្នឺរ ត្រូវ​បាន​គេ​ចាត់ទុកថា ជា​ពេទ្យ​ទេវតា​ដែល​បាន​ជួយសង្គ្រោះ​កុមារ​ខ្មែរ​រាប់​លាន​នាក់។

មរណភាព​នៃ​ស្ថាបនិក​មន្ទីរពេទ្យ​គន្ធបុប្ផា លោក​វេជ្ជបណ្ឌិត បេអាត រិចឆ្នឺរ បាន​ធ្វើ​ឲ្យ​ប្រជាពលរដ្ឋ​ខ្មែរ​រំជួលចិត្ត និង​សោកសង្រេង​យ៉ាង​ខ្លាំង ព្រមទាំង​បាន​បួងសួង​អោយ​អំពើ​ល្អ​របស់​លោក នាំ​លោក​ទៅកាន់​សុគតិ​ភព។

ប្រជាពលរដ្ឋ​ខ្មែរ​មួយ​រូប គឹ​លោក ចឹក ចិត្រា រៀបរាប់​ថា លោក​សោកស្ដាយ​បំផុត​ចំពោះ​ដំណឹង​មរណភាព​លោក​វេជ្ជបណ្ឌិត បេអាត រិចឆ្នឺរ ដែល​ធ្លាប់​ពលី​កម្លាំង កាយ​ចិត្ត និង​ទ្រព្យសម្បត្តិ​របស់​ខ្លួន ដើម្បី​សង្គ្រោះ​ជីវិត​កុមារ និង​ប្រជាពលរដ្ឋ​ខ្មែរ រាប់​ទសវត្សរ៍​កន្លងមក។ លោក​ចាត់​ទុក​ថា ស្ថាបនិក ឬ​អ្នក​ផ្ដួចផ្ដើម​បង្កើត​មន្ទីរពេទ្យ​គន្ធបុប្ផា​ឡើងវិញ​រូប​នេះ គឺជា​បុគ្គល​ដ៏​ឆ្នើម ជា​វីរបុរស​មនុស្សធម៌ និង​ជា​គ្រូពេទ្យ​ទេវតា។ «»

សេចក្ដីប្រកាស​ព័ត៌មាន​របស់​មូលនិធិ​គន្ធបុប្ជា ឲ្យ​ដឹង​ថា ស្ថាបនិក​មន្ទីរពេទ្យ​គន្ធបុប្ផា​លោក​វេជ្ជ បណ្ឌិត បេអាត រិចឆ្នឺរ បាន​ទទួល​មរណភាព​ក្នុង​ជន្មាយុ​៧១ ឆ្នាំ នៅ​ម៉ោងជាង ២​ព្រឹក ថ្ងៃទី​៩ ខែ​កញ្ញា នៅ​ប្រទេស​ស្វីស បន្ទាប់​ពី​បាន​ធ្លាក់ខ្លួន​ឈឺ​រយៈពេល​ជា​យូរ​មក។

ព្រះតេជព្រះគុណ​មួយ​អង្គ​ព្រះនាម ម៉ា វិឆាយ មាន​ថេរដីកា​ចូលរួម​រំលែក​ទុក្ខ និង​សម្ដែង​ក្តី​សោកស្ដាយ​យ៉ាង​ខ្លាំង ចំពោះ​ការបាត់បង់​លោក បេអាត រិចឆ្នឺរ ព្រោះ​លោក​គឺជា​ជនបរទេស​មួយ​រួប ដែល​ស្រលាញ់​ខ្មែរ និង​ជួយ​ខ្មែរ​ពិតប្រាកដ។ ព្រះតេជព្រះគុណ ចាត់ទុកថា លោក​ជា​អ្នកមានគុណ​សម្រាប់​កុមារ​កម្ពុជា ដែល​ពលរដ្ឋ​ខ្មែរ ត្រូវ​ចង់​ចាំ​ទុក​ក្នុង​បេះដូង។ «»

រីឯ​អ្នកនាំពាក្យ​សមាគមការពារ​សិទ្ធិមនុស្ស​អាដហុក (Adhoc) លោកសឹង សែនករុណា សម្ដែង​ការ​សោកស្ដាយ​អាឡោះអាល័យ​ជា​ពន់ពេក​ចំពោះ​មរណភាព​លោក​វេជ្ជបណ្ឌិត បេអាត រិចឆ្នឺរ ដែល​បាន បង្កើត​មន្ទីរពេទ្យ​គន្ធបុប្ផា ជួយ​កុមារ​កម្ពុជា អោយ​រួច​ផុត​ពី​សេចក្ដី​ស្លាប់។ ក្រៅពី​បង្ហាញ​ក្តី​គោរព​ស្រលាញ់ និង​សោកស្ដាយ​នោះ លោក ស៊ឹង សែន​ករុណា ក៏​សម្ដែង​ក្តី​ព្រួយបារម្ភ​ចំពោះ​និរន្តរភាព​នៃ​មន្ទីរពេទ្យ​គន្ធបុប្ផា​នៅ​ពេល​អនាគត​ដែរ។ «»

ចំណែក​អ្នកនាំពាក្យ​រដ្ឋាភិបាល លោក ផៃ ស៊ីផាន ថ្លែង​ថា ការបាត់បង់​លោក​វេជ្ជបណ្ឌិត បេអាត រិចឆ្នឺរ គឺជា​ការបាត់បង់​ដ៏​ធេង​របស់​ជាតិ​កម្ពុជា។ ទោះយ៉ាងណា​ក្តី លោក​បញ្ជាក់ ថា រដ្ឋាភិបាល នឹង​ជួយ​ជ្រោមជ្រែង​មន្ទីរពេទ្យ​គន្ធបុប្ផា អោយ​ដំណើរការ​ទៅមុខ​រហូត ដើម្បី​បន្ត​សង្គ្រោះ​ជីវិត​កុមារ​ខ្មែរ។ «»

រីឯ​រដ្ឋមន្ត្រី​ក្រសួងសុខាភិបាល​លោក ម៉ម ប៊ុនហេង ក៏​ចូលរួម​រំលែក​ទុក្ខ​ចំពោះ​ដំណឹង​មរណភាព​ដ៏​សោកសៅ​នេះ​ដែរ។ ក្រៅ​ពី​នេះ ប្រជាពលរដ្ឋ​ខ្មែរ​ជាច្រើន ក៏បាន​បង្ហោះ​សារ និង​រូបលោក បេអាត រិចច្នឺរ លើ​បណ្ដាញ​សង្គមហ្វេសប៊ុក (Facebook) ព្រោងព្រាត ដោយ​បង្ហាញ​ពី​ការចូលរួម​រំលែក សម្ដែង​ការ​សោកស្ដាយ និង​គោរព​ការ​ដឹងគុណ។ អ្នកខ្លះ​សរសេរ​ថា លោក គឺជា​ទេវតា​ចុះ​មក​ជួយសង្គ្រោះ​កុមារ​រាប់​លាន​នាក់។ លោក​គឺជា​វីរបុរស​បេះដូង​មនុស្សធម៌ ដែល​គួរតែ​ទទួល​នូវ​ងារ​កត្តិយស​ដ៏​ខ្ពង់ខ្ពស់​ពី​ជាតិ​ខ្មែរ ដែល​ជា​តម្លៃ​មួយ​មិន​អាច​កាត់ថ្លៃ​បាន។

លោក​វេជ្ជបណ្ឌិត បេអាត រីចឆ្នឺ​រ គឺជា​តន្ត្រីករ​សេឡូ និង​ជា​វេជ្ជបណ្ឌិត​ឯកទេស​ថែទាំ​កុមារ កើត​នៅ​ថ្ងៃទី​១៣ ខែ​មីនា ឆ្នាំ​១៩៤៧ នៅ​ក្រុង​ហ្សួរិច ប្រទេស​ស្វីស។ លោក​វេជ្ជបណ្ឌិត ត្រូវ​បាន កាកបាទក្រហម​ស្វីស បញ្ជូន​មក​បម្រើការ​នៅ​មន្ទីរពេទ្យ​គន្ធបុប្ឆា ក្នុង​ក្រុងភ្នំពេញ​ចន្លោះ​ឆ្នាំ​១៩៧៤ និង​ឆ្នាំ​១៩៧៥។ លោក​បាន​ត្រឡប់​ទៅ​ប្រទេស​កំណើត​វិញ ដោយសារ​របប​ខ្មែរក្រហម។ នៅ​ឆ្នាំ​១៩៩១ ព្រះបរមរតនៈ​កោដ្ឋ នរោត្តម សីហនុ បាន​ស្នើ​សុំ​ឲ្យ​លោក​មក​កម្ពុជា ដើម្បី​ជួយ​ជួសជុល និង​គ្រប់គ្រង​មន្ទីរពេទ្យ​គន្ធ​បុប្ផា​ដែល​រង​ការ​បំផ្លិចបំផ្លាញ។ ទីបំផុត​នៅ​ឆ្នាំ​១៩៩២ លោក បេអាត រីចឆ្នឺរ បាន​យល់ព្រម​ជួសជុល និង​ដឹកនាំ​មន្ទីរពេទ្យ​គន្ធបុប្ផា​រហូតដល់​ឆ្នាំ​២០១៧ ទើប​លោក​លាលែង​ពី​ដំណែង ដោយសារ​ធ្លាក់ខ្លួន​ឈឺ​ខ្លាំង។

ក្នុង​រយៈពេល​ប្រមាណ​ជាង​២៥​ឆ្នាំ​មកនេះ មន្ទីរពេទ្យ​គន្ធបុប្ផា បាន​ចំណាយ​ថវិកា​អស់​ជាង ៦​រយ​សាមសិប (៦៣២) លាន​ដុល្លារ ក្នុង​ការ​ផ្ដល់​សេវា​ព្យាបាល​ជំងឺ​ដល់​កុមារ និង​ស្ត្រី​មាន​ផ្ទៃពោះ​នៅ​ទូទាំង​ប្រទេស​កម្ពុជា​ដោយ​ឥតគិតថ្លៃ។ ថវិកា​ទាំងនោះ​បាន​មកពី​រដ្ឋាភិបាល​ស្វីស ពី​សប្បុរសជន​ទាំង​ក្នុង​និង​ក្រៅ​ប្រទេស ព្រមទាំង​មួយ​ចំណែក​ទៀត​មក​ពី​រដ្ឋាភិបាល​កម្ពុជា។ បុរស​ចិត្តធម៌​រូប​នេះ ក៏​តែង​លេង​ឧបករណ៍​សេឡូ ជា​មធ្យោបាយ​ក្នុង​ការ​ស្វែងរក​ថវិកា​ជួយ​ទ្រទ្រង់​ដល់​មន្ទីរពេទ្យ​គន្ធបុប្ផា​ផង​ដែរ ។ ទោះជា​យ៉ាងណា អ្វី​ដែល​ចោទ​ជា​សំនួរ គឺថា តើ​មន្ទីរពេទ្យ​គន្ធបុប្ផា​ដែល​មាន​នៅ​ក្នុង​ទីក្រុង​ភ្នំពេញ និង​ខេត្ត​សៀមរាប​នេះ នឹង​អាច​ប្រតិបត្តិ​ការសង្គ្រោះ​កុមារ និង​ស្ត្រី​មាន​ផ្ទៃពោះ​កម្ពុជា ប្រកបដោយ​គុណភាព​ដូចដែល​លោក​វេជ្ជបណ្ឌិត បេអាត រីចឆ្នឺរ បាន​ធ្វើ​ដូច​ពេល​លោក​នៅ​មាន​ជីវិត​ឬទេ៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (4)
Share

Why God became man with always remember you forever...

Sad day...Millions of Cambodian people and children will remembered to a great Dr.Beat Richner"doctor without frontier"who led KunBopha hospital for years"champion for the poor children,great sacrificed ...help for today and hope for tomorrow".As physicians or doctors are always been a very respected and revered group of people.The reason for this are quite obvious.He has always been the healer and the voice of the necessity for good health due to the advancements in the understanding of medicine,physician are generally categorized under various specialties like cardiologists,radiologists,internal medicine,surgeons,and many more.These,however are not only classification of doctors.There are several important fields that MdM are working on first of all,MdM care of women and children living in developing countries that lack basic health facilities"as Cambodia",poverty is a major issue in the world and should be solved as quickly as possible.Dr.Richner happier to learn that there are many people after him who really want to see our human beings are taken care of...Words can't express all our thoughts and prayers are with you during this sad time and we always remember you fondly and have wonderful memories of many million hearts of people,and may God's peace with you,cherish memories you created with us,we'll always remeber you for the caring and loving nature.

Sep 10, 2018 11:39 AM

Patrick Chea

ពី Paris

RIP our hero for Cambodia. THANK YOU Dr.

Sep 10, 2018 02:54 AM

ណូរ៉ា

ពី ភ្នំពេញ

ខ្ញុំសុំចូលរួមរំលែកទុក្ខដ៏សែនក្រៀមក្រំជាមួយគ្រួសារសាច់ញាតិក៏ដូចជាមិត្តភ័ក្រទាំងអស់របស់លោកបណ្ឌឹត បេអាត រិចឆ្នឺង (Dr. Beat Richner) រួមទាំងប្រជាពលរដ្ឋកម្ពុជាទូទាំងប្រទេស និងសូមឲ្យវិញ្ញាណខ័ណ្ឌលោកទៅបណ្ឌឹតកាន់សុខតិភពកុំបីឃ្លាងឃ្លាតឡើយ៕

Sep 09, 2018 09:52 PM

ណូរ៉ា

ពី ភ្នំពេញ

ខ្ញុំសុំចូលរួមរំលែកទុក្ខដ៏សែនក្រៀមក្រំជាមួយគ្រួសារសាច់ញាតិក៏ដូចជាមិត្តភ័ក្រទាំងអស់របស់លោកបណ្ឌឹត បេអាត រិចឆ្នឺង (Dr. Beat Richner) រួមទាំងប្រជាពលរដ្ឋកម្ពុជាទូទាំងប្រទេស និងសូមឲ្យវិញ្ញាណខ័ណ្ឌលោកទៅបណ្ឌឹតកាន់សុខតិភពកុំបីឃ្លាងឃ្លាតឡើយ៕

Sep 09, 2018 09:52 PM

គេហទំព័រ​ទាំងមូល