ប័ណ្ណសារព័ត៌មាន

1998 | 1999 | 2000 | 2001 | 2002 | 2003 | 2004 | 2005 | 2006 | 2007 | 2008 | 2009 | 2010 | 2011 | 2012 | 2013 | 2014 | 2015 | 2016 | 2017 | 2018 | 2019 | 2020 | 2021 | 2022 | 2023

រដ្ឋមន្ត្រីក្រសួងសាធារណការបញ្ជាឲ្យក្រុមហ៊ុនជួសជុលផ្លូវជាតិលេខ៦ឡើងវិញ

2016-10-31

ក្រសួងសាធារណការ និងដឹកជញ្ជូន ចាត់វិធានការលើក្រុមហ៊ុនសាងសង់ផ្លូវជាតិលេខ៦ ខុសបច្ចេកទេស និងគ្មានគុណភាព ហើយបង្គាប់ឲ្យក្រុមហ៊ុនទទួលបន្ទុកធ្វើផ្លូវនេះត្រូវជួសជុលឡើងវិញ។ សមាជិកសភាបក្សប្រឆាំងសាទរចំណាត់ការនេះ ប៉ុន្តែទាមទារឲ្យបង្កើនតម្លាភាព និងបំបាត់អំពើពុករលួយក្នុងការសាងសង់ផ្លូវ។

សពលោក ប៉ែន សុវណ្ណ នឹងត្រូវគេបូជានៅថ្ងៃទី៦ វិច្ឆិកា នៅទីក្រុងភ្នំពេញ

2016-10-31

នៅថ្ងៃទី៣១ ខែតុលា នេះ គឺជាថ្ងៃទីពីរនៃពិធីបុណ្យសពលោក ប៉ែន សុវណ្ណ។ លោក ប៉ែន សុវណ្ណ អតីតនាយករដ្ឋមន្ត្រីនៅក្នុងរបបសាធារណរដ្ឋប្រជាមានិតកម្ពុជា ធ្លាប់ជាប់ពន្ធនាគារងងឹតនៅក្រុងហាណូយ អស់ពេលជាង ១០ឆ្នាំ។

អាជ្ញាធរខេត្តបន្ទាយមានជ័យឃាត់ខ្លួនជនជាតិថៃ៦នាក់ករណីឆបោកប្រាក់ពលរដ្ឋខ្មែរ

2016-10-31

មន្ត្រីកងរាជអាវុធហត្ថខេត្តបន្ទាយមានជ័យ ឃាត់ខ្លួនមនុស្ស ៩នាក់ ក្នុងនោះជនជាតិថៃ ចំនួន ៦នាក់ និងពលរដ្ឋខ្មែរ ៣នាក់ ពាក់ព័ន្ធនឹងការឆបោកប្រាក់ពីពលរដ្ឋខ្មែរជាង ៥០ម៉ឺនដុល្លារ ក្នុងករណីធ្វើអាជីវកម្មបញ្ចុះបញ្ចូលឲ្យអតិថិជនយកប្រាក់ទៅដាក់សន្សំ ហើយទទួលបានការប្រាក់ខ្ពស់។

សពព្រះសង្ឃ សំ ប៊ុនធឿន ដែលត្រូវឃាតកបាញ់កាលជាង១០ឆ្នាំមុននឹងបូជានៅចុងឆ្នាំនេះ

2016-10-31

សពព្រះតេជព្រះគុណ ព្រះធម្មវិបស្សនា សំ ប៊ុនធឿន ដែលត្រូវឃាតកបាញ់សម្លាញ់កាលពីជាង១០ឆ្នាំមុន នឹងត្រូវបូជារំលាយព្រះកាយ នៅដើមខែធ្នូ ឆ្នាំ២០១៦។

ក្រុមយុវជនគ្រោងចែកសៀវភៅបណ្ឌិត កែម ឡី ជូនសាកលវិទ្យាល័យនិងបណ្ណាល័យ

2016-10-31

សមាគមសម្ព័ន្ធនិស្សិតបញ្ញវ័ន្តខ្មែរ និងក្រុមអ្នកវិភាគវ័យក្មេង នឹងដើរចែកសៀវភៅបណ្ឌិត កែម ឡី ជូនសាកលវិទ្យាល័យ និងបណ្ណាល័យមួយចំនួននៅរាជធានីភ្នំពេញ និងនៅទូទាំងប្រទេសនៅថ្ងៃទី២ វិច្ឆិកា។

ពលរដ្ឋ៤ភូមិនៅខេត្តកំពង់ឆ្នាំងផ្ដិតមេដៃបណ្ដេញព្រះគ្រូចៅអធិការចេញពីវត្ត

2016-10-29

អាចារ្យ និងគណៈកម្មការវត្តប្រាសាទជាងទង នៅខេត្តកំពង់ឆ្នាំង នឹងប្រមូលស្នាមមេដៃប្រជាពុទ្ធបរិស័ទចំណុះជើងវត្តឲ្យបាន ២០០នាក់ ស្នើទៅមន្ត្រីសង្ឃ ឬមន្ទីរធម្មការ និងកិច្ចការសាសនាខេត្តដើម្បីបណ្ដេញព្រះគ្រូចៅអធិការស្ដីទីចេញពីវត្តដោយចោទថា ប្រព្រឹត្តខុសវិន័យសង្ឃ។

ក្រសួងកសិកម្មស្នើពាណិជ្ជករថ្នាំនិងជីកសិកម្មឲ្យប្រកាន់ខ្ជាប់នូវសីលធម៌ក្នុងមុខរបរ

2016-10-29

រដ្ឋមន្ត្រីក្រសួងកសិកម្ម រុក្ខប្រមាញ់ និងនេសាទ លោក វេង សាខុន អំពាវនាវឲ្យពាណិជ្ជករប្រតិបត្តិការពាណិជ្ជកម្មថ្នាំ និងជីកសិកម្មទាំងអស់ ប្រកាន់ខ្ជាប់នូវសីលធម៌ក្នុងមុខរបររបស់ខ្លួន និងត្រូវអនុវត្តរាល់បទដ្ឋានគតិយុត្តិ និងនីតិវិធីជាធរមាន។

សាក្សីជាច្រើនបញ្ជាក់ថាប៉ូលិសស្រុកស្អាងព្រួតវាយសម្លាប់បុរសពីរនាក់បណ្ដាលឲ្យស្លាប់ម្នាក់

2016-10-29

សាក្សីជាច្រើននាក់បញ្ជាក់ថា នគរបាលស្រុកស្អាង ខេត្តកណ្ដាល ជាច្រើននាក់ ពិតជាបានប្រើហិង្សាលើបុរសជិះម៉ូតូពីរនាក់ដែលមានស្រុកកំណើតនៅខេត្តកំពង់ស្ពឺ បណ្ដាលឲ្យស្លាប់ម្នាក់ និងរបួសធ្ងន់ធ្ងរម្នាក់ បន្ទាប់ពីមានជម្លោះជិះម៉ូតូវ៉ាជែងគ្នា ប៉ុន្តែប៉ូលិសដែលបានប្រើហិង្សាចោទថា បុរសពីរនាក់នោះជាចោរប្លន់។