ស្ថាបនិក និងជាអតីតម្ចាស់កាសែត ខេមបូឌា ដេលី ទទួលមរណភាពក្នុងជន្មាយុ ៨៧ ឆ្នាំ
2019.03.18
សារព័ត៌មាន ឌឹ ខេមបូឌា ដេលី (The Cambodia Daily) ចេញផ្សាយនៅថ្ងៃទី២៣ ខែសីហា ឆ្នាំ២០១៧។
RFA/Sorn Chanratha
លោក ប៊ើណាដ គ្រីស័រ (Bernard Krisher) ស្ថាបនិក និងជាអតីតម្ចាស់កាសែត ឌឹ ខេមបូឌា ដេលី (The Cambodia Daily) បានទទួលមរណភាពហើយ កាលពីថ្ងៃទី៥ មីនា កន្លងទៅ ក្នុងជន្មាយុ ៨៧ ឆ្នាំ។ ក៏ប៉ុន្តែ ដំណឹងមរណភាពនេះ ទើបតែត្រូវបានគ្រួសាររបស់លោកប្រកាសឱ្យដឹងជាសាធារណៈ នៅថ្ងៃទី១៨ មីនា។
អ្នកកាសែតជើងចាស់ និងជាជនសប្បុរសរូបនេះ បានស្លាប់ដោយសារជំងឺគាំងបេះដូង នៅមន្ទីរពេទ្យក្នុងទីក្រុងតូក្យូ ប្រទេសជប៉ុន ហើយសពរបស់លោកត្រូវបានក្រុមគ្រួសារយកទៅបញ្ចុះនៅទីក្រុងញ៉ូវយ៉ក សហរដ្ឋអាមេរិក។
លោក ប៊ើណាដ គ្រីស័រ (Bernard Krisher) បានចំណាយពេល ៣ ទសវត្សរ៍នៃជីវិតចុងក្រោយរបស់លោក សម្រាប់ការងារមនុស្សធម៌នៅកម្ពុជា។ លោកបានបង្កើតគម្រោងជាច្រើន ដើម្បីស្វែងរកថវិកាកសាងសាលារៀន និងមន្ទីរពេទ្យ នៅតាមទីជនបទ និងបង្កើតជាអង្គការមិនរកប្រាក់ចំណេញ ដើម្បីជួយកុមារកំព្រា និងគ្មានទីពឹងនៅតំបន់ដាច់ស្រយាលនៃប្រទេសកម្ពុជា។
លោកបានបង្កើតកាសែតភាសាអង់គ្លេសដំបូងគេនៅកម្ពុជា គឺកាសែត ឌឹ ខេមបូឌា ដេលី (The Cambodia Daily) ក្នុងបេសកកម្មរាយការណ៍ព័ត៌មានដោយគ្មានការភ័យខ្លាច និងឥតលម្អៀង។ កាសែតនេះបានក្លាយទៅជាប្រភពព័ត៌មានមួយយ៉ាងសំខាន់សម្រាប់ពលរដ្ឋ និងជនបរទេសដែលចង់ដឹងអំពីបញ្ហាកម្ពុជា ហើយជាពិសេសបានក្លាយជាកន្លែងបំពាក់បំប៉នជំនាញយ៉ាងរឹងមាំសម្រាប់អ្នកកាសែតជាតិ និងអន្តរជាតិ។ ក៏ប៉ុន្តែ មរតករបស់លោកក្នុងវិស័យព័ត៌មាននៅកម្ពុជានេះ ត្រូវបានរបបលោក ហ៊ុន សែន វាយបំផ្លាញចោល តាមរយៈការបិទស្ថាប័នព័ត៌មានឯករាជ្យមួយនេះ កាលពីខែកញ្ញា ឆ្នាំ២០១៧ កន្លងទៅ ក្រោមលេសជំពាក់ពន្ធរបបនេះជាង ៦លានដុល្លារអាមេរិក៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- ពលរដ្ឋនៅតំបន់បឹងតាមោក ចោទប្រកាន់អាជ្ញាធរខណ្ឌព្រែកព្នៅថា ប្រើអំពើហិង្សា
- វៀតណាមព្រមានថា ព្រែកជីកហ្វូណនតេជោអាចជួយសម្រួលវត្តមានយោធាចិនក្នុងទឹកដីកម្ពុជាកាន់តែជ្រៅ
- ពលរដ្ឋខ្មែរ-អូស្ត្រាលីម្នាក់ ដែលរិះគន់រដ្ឋាភិបាលកម្ពុជា រងការវាយដំពីជនមិនស្គាល់មុខមួយក្រុម ពេលទៅលេងស្រុកខ្មែរ
- ក្រសួងដែនដីបានហៅអតិថិជនបុរីពិភពថ្មីទៅពិភាក្សា ដើម្បីរកដំណោះស្រាយ
- ការប្រារព្ធពិធីបុណ្យចូលឆ្នាំថ្មី នៅតាមតំបន់មួយចំនួននៅស្រុកសុរិន្ទ
អត្ថបទពេញនិយម
សង្គម
- ក្រុមគ្រួសារលោក ហ៊ុន សែន បង្កើតកម្មវិធីរាំច្រៀងសប្បាយនៅលើគំនរទុក្ខពលរដ្ឋ
- ក្រុមអតិថិជនបុរីពិភពថ្មីដាក់ពាក្យប្ដឹង ទៅស្នងការករណីតៃកុងឡានបុរីបើកបុកពួកគាត់
- សារជូនពរឆ្នាំថ្មី ២០២៤
- ពលរដ្ឋចាញ់បោកអ្នកស្រី ឡេង ចាន់ណា ព្រមានឡើងមកតវ៉ានៅមុខផ្ទះលោក ហ៊ុន សែន បើតុលាការខេត្តសៀមរាបពន្យារពេលដោះស្រាយ