សាលា​ក្រុង​កំណត់​ពេលវេលា​ឲ្យ​រថយន្ត​ដឹក​បេតុង​ចរាចរណ៍​ក្នុង​រាជធានី​ភ្នំពេញ

ដោយ រាជ វិញ្ញូ
2016-12-26
Share
រថយន្ត​ដឹក​ទំនិញ និង​កុងតឺន័រ ៦១០ ១៧-តុលា-២០១៣៖ រថយន្ត​ដឹក​ទំនិញ និង​កុងតឺន័រ ធ្វើ​ចរាចរណ៍​ក្នុង​រាជធានី​ភ្នំពេញ។
RFA/Den Ayuthyea

សេចក្ដី​ជូន​ដំណឹង​របស់​សាលា​រាជធានី​ភ្នំពេញ ចុះ​នៅ​ថ្ងៃ​ទី​២៤ ធ្នូ បាន​សម្រេច​កំណត់​ពេលវេលា​ហាមឃាត់​ការ​ធ្វើ​ចរាចរ និង​ការ​បញ្ឈរ​រថយន្ត​បាញ់​បេតុង សម្រាប់​ផ្គត់ផ្គង់​ឲ្យ​ការដ្ឋាន​សំណង់​នានា​ក្នុង​ភូមិសាស្ត្រ​រាជធានី​ភ្នំពេញ ព្រោះ​រយៈពេល​កន្លង​ទៅ រថយន្ត​ដឹក​ជញ្ជូន​បេតុង​លាយ​ស្រាប់ បាន​ចរាចរ និង​បញ្ឈរ​រថយន្ត​បាញ់​បេតុង​បន្ត​កន្ទុយ​គ្នា​នៅ​លើ​ចិញ្ចើម​ផ្លូវ ទ្រូង​ផ្លូវ សម្រាប់​ផ្គត់ផ្គង់​ឲ្យ​ការដ្ឋាន​សំណង់​នានា​យ៉ាង​អនាធិបតេយ្យ ដែល​ធ្វើ​ឲ្យ​ប៉ះពាល់​សណ្ដាប់ធ្នាប់​សាធារណៈ និង​ធ្វើ​ឲ្យ​កកស្ទះ​ចរាចរណ៍​យ៉ាង​ខ្លាំង។

សេចក្ដី​ជូន​ដំណឹង​នោះ​បញ្ជាក់​ថា ដើម្បី​រក្សា​សណ្ដាប់ធ្នាប់​របៀប​រៀបរយ​សាធារណៈ និង​កាត់​បន្ថយ​ការ​កកស្ទះ​ចរាចរណ៍​ក្នុង​រាជធានី​ភ្នំពេញ រដ្ឋបាល​រាជធានី​ភ្នំពេញ​បាន​ណែនាំ​ដល់​ម្ចាស់​ក្រុមហ៊ុន សហគ្រាស​ផ្គត់ផ្គង់​បេតុង និង​ម្ចាស់​ការដ្ឋាន​សំណង់​នានា ត្រូវ​អនុវត្ត​ពេលវេលា​ហាមឃាត់ គឺ​ពេល​ព្រឹក​ចាប់​ពី​ម៉ោង ០៦:០០​នាទី ដល់​ម៉ោង ៩:០០​នាទី និង​ពេល​ល្ងាច​ចាប់​ពី​ម៉ោង ៤:០០​នាទី​ដល់​ម៉ោង ០៨:០០​នាទី។

សាលា​រាជធានី​ភ្នំពេញ ក៏​បញ្ជាក់​ថា អាជ្ញាធរ​មាន​សមត្ថកិច្ច​គ្រប់​លំដាប់​ថ្នាក់ ត្រូវ​ចូលរួម​សហការ​អនុវត្ត​សេចក្ដី​ណែនាំ​នេះ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (0)

មើល​មតិ​ទាំង​អស់.

បញ្ចេញ​មតិយោបល់៖

បញ្ចូលមតិរបស់អ្នកដោយបំពេញទម្រង់ខាងក្រោមជាអក្សរសុទ្ធ។ មតិនឹងត្រូវសម្រេចដោយអ្នកសម្របសម្រួល និងអាចពិនិត្យកែប្រែឲ្យស្របតាម លក្ខខណ្ឌនៃការប្រើប្រាស់ របស់វិទ្យុអាស៊ីសេរី។ មតិនឹងមិនអាចមើលឃើញភ្លាមៗទេ។ វិទ្យុអាស៊ីសេរី មិនទទួលខុសត្រូវចំពោះខ្លឹមសារនៃមតិដែលបានចុះផ្សាយឡើយ។ សូមគោរពមតិរបស់អ្នកដទៃ ហើយប្រកាន់ខ្ជាប់នូវការពិត។

គេហទំព័រ​ទាំងមូល