ក្រសួង​ការពារជាតិ​បដិសេធ​អាវុធ​ថៃ​ចាប់​បាន​នោះ​ដឹក​ចេញ​ពី​កម្ពុជា

ដោយ ម៉ៅ សុធានី
2018-04-19
អ៊ីម៉ែល
មតិ
Share
បោះពុម្ព
មន្ត្រី​អ្នក​នាំ​ពាក្យ​ក្រសួង​ការពារ​ជាតិ លោក ឈុំ សុជាតិ ថ្លែង​ក្នុង​សន្និសីទ​កាសែត​ច្រាន​ចោល​ព័ត៌មាន​របស់​វិទ្យុ​អាស៊ីសេរី នា​ទីស្ដីការ​គណៈរដ្ឋមន្ត្រី កាល​ពី​ថ្ងៃ​ទី២៨ ខែ​មីនា ឆ្នាំ​២០១៣។
មន្ត្រី​អ្នក​នាំ​ពាក្យ​ក្រសួង​ការពារ​ជាតិ លោក ឈុំ សុជាតិ ថ្លែង​ក្នុង​សន្និសីទ​កាសែត​ច្រាន​ចោល​ព័ត៌មាន​របស់​វិទ្យុ​អាស៊ីសេរី នា​ទីស្ដីការ​គណៈរដ្ឋមន្ត្រី កាល​ពី​ថ្ងៃ​ទី២៨ ខែ​មីនា ឆ្នាំ​២០១៣។
Photo: RFA

ក្រសួង​ការពារជាតិ បដិសេធ​ចំពោះ​ការ​ចុះផ្សាយ​ព័ត៌មាន​របស់​សារព័ត៌មាន​ថៃ​ដែល​បាន​ផ្សាយ​ថា អាវុធ​ជាច្រើន​ដែល​អាជ្ញាធរ​ថៃ​ចាប់​បាន កាល​ពី​ពេល​ថ្មីៗ​នេះ​នៅ​ខេត្ត​ត្រាត ដឹក​ចេញពី​កម្ពុជា​នោះ។

អ្នកនាំពាក្យ​ក្រសួង​ការពារជាតិ លោក ឈុំ សុជាតិ នៅ​ថ្ងៃ​ទី​១៩ ខែ​មេសា​នេះ បាន​ប្រាប់​ប្រព័ន្ធ​ផ្សព្វផ្សាយ​របស់​លោក ហ៊ុន សែន​ថា សារព័ត៌មាន​មួយ​ចំនួន​និង​បណ្ដាញ​សង្គម បាន​ផ្សព្វផ្សាយ​ថា អាវុធ​ទាំងនោះ ដឹក​ចេញពី​ម្តុំ​ស្ទឹងហាវ ខេត្ត​ព្រះសីហនុ គឺ​ជា​ការ​ផ្សព្វផ្សាយ​ព័ត៌មាន​មិន​ពិត និង​គ្មាន​ប្រភព​ច្បាស់លាស់ ពី​ព្រោះ​ថា​កម្ពុជា មិន​មាន​ការ​ប្រើ​អាវុធ​ប្រភេទ​នោះ​ទេ។

កាលពី​យប់​អធ្រាត្រ​ចូល​ថ្ងៃ​ទី​១១ ខែ​មេសា ប៉ុស្តិ៍​ត្រួតពិនិត្យ​មួយ​នៅ​ស្រុក ខ្លងយ៉ៃ ខេត្ត​ត្រាត ជិត​ព្រំដែន​ខេត្ត​កោះកុង បាន​ឃាត់​ម្ចាស់​រថយន្ត​តូយ៉ូតា​មួយ​​គ្រឿង ដែល​ដឹក​អាវុធ​ប្រភេទ កាំភ្លើង TEPY ប្រភេទ​កាំភ្លើង M16 ជាច្រើន​ដើម និង​កាណុង​ព្រមទាំង​ឧបករណ៍​កៃកាំភ្លើង ជាដើម ចេញ​ពី​កំពង់ផែ ចាឡាឡៃ (Chalalai) យក​ទៅ​ប្រគល់​ជូន​អតិថិជន។ ក៏​ប៉ុន្តែ​ជនសង្ស័យ ឈ្មោះ ចាយុទ្ធ ប្រាសស៊ឺត្រិត (Chayut Prasertrit) អាយុ ៥៣​ឆ្នាំ មិន​បាន​ប្រាប់​ពី​ប្រភព​អ្នកលក់ និង​អ្នក​ទិញ​អាវុធ​នោះ​នៅឡើយ​ទេ។

រហូតមកដល់​ពេលនេះ សមត្ថកិច្ច​ថៃ ក៏​នៅតែ​មិនទាន់​វែកមុខ​ក្រុម​ដែល​ពាក់ព័ន្ធ​នឹង​ការ​រត់ពន្ធ​អាវុធ​ខុសច្បាប់​នេះ​នៅឡើយ​ទេ៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (1)
Share

Prayuth to Hussein...u are the top one in this case

The Ge.Prayuth C.Ocha has to be careful weapons smuggling across into southeastern conflict of Thaland"Thais Islam territory",and to Myanma territory conflict,because dictator Hun Sen's rogue govm't is facing the world sanctions that why criminal minds Hussein try to do everything to survive...or Mr.Prayuth has to do something and let dictator Hussein..."RIP".

Apr 20, 2018 01:27 PM

គេហទំព័រ​ទាំងមូល