ព័ត៌មានថ្មីៗ

សាលារាជធានីគ្រោងហៅតំណាងសហគមន៍ខ្មែរក្រោមពិភាក្សាពីគម្រោងធ្វើបាតុកម្ម

2014-09-28

សាលារាជធានីភ្នំពេញ កំពុងពិនិត្យលិខិតស្នើសុំធ្វើបាតុកម្មរបស់សហគមន៍ខ្មែរកម្ពុជាក្រោម និងគ្រោងកោះហៅតំណាងបាតុករមកជជែកពិភាក្សាពីគម្រោងបាតុកម្មនេះ។ ការបញ្ជាក់នេះធ្វើឡើងដោយមន្ត្រីជាន់ខ្ពស់សាលារាជធានីភ្នំពេញ បន្ទាប់ពីសហគមន៍ខ្មែរកម្ពុជាក្រោម បានដាក់លិខិតស្នើសុំធ្វើបាតុកម្មកាលពីថ្ងៃទី២៦ ខែកញ្ញា។

ក្រសួងរ៉ែនិងថាមពលឆ្លើយបំភ្លឺលើគម្រោងអភិវឌ្ឍន៍វារីអគ្គិសនីអារ៉ែង

2014-09-28

ក្រសួងរ៉ែនិងថាមពល នៅល្ងាចថ្ងៃទី២៧ ខែកញ្ញា បានចេញលិខិតឆ្លើយបំភ្លឺលើគម្រោងអភិវឌ្ឍន៍វារីអគ្គិសនីអារ៉ែង នៅស្រុកថ្មបាំង ខេត្តកោះកុង។ លិខិតបំភ្លឺលើកឡើងថា គម្រោងអារ៉ែង ជាគម្រោងដែលត្រូវបានកំណត់អភិវឌ្ឍន៍តាំងពីមុនឆ្នាំ១៩៧០ មកម្ល៉េះ ហើយរដ្ឋាភិបាលបច្ចុប្បន្នបន្តរក្សាគម្រោងនេះក្នុងបញ្ជីផែនការអភិវឌ្ឍន៍វិស័យថាមពលជាតិ។

ក្រសួងមហាផ្ទៃធ្វើសន្និសីទកាសែតស្ដីពីជនភៀសខ្លួនពីអូស្ត្រាលីនៅថ្ងៃ២៩ កញ្ញា

2014-09-28

ក្រសួងមហាផ្ទៃ ប្រកាសធ្វើសន្និសីទកាសែតលាតត្រដាងខ្លឹមសារនៃអនុស្សរណៈយោគយល់គ្នារវាងកម្ពុជានិងអូស្ត្រាលី ស្ដីពីការតាំងទីលំនៅជនភៀសខ្លួនផ្ទេរពីប្រទេសអូស្ត្រាលី ឲ្យមកនៅកម្ពុជា។

អ្នកបឹងកក់៣នាក់រងរបួសដោយសារបិទផ្លូវតវ៉ារឿងទឹកលិច

2014-09-28

អ្នកភូមិនៅតំបន់បឹងកក់ ៣នាក់ ក្នុងចំណោមអ្នកភូមិជិត ២០នាក់ ត្រូវក្រុមសន្តិសុខខណ្ឌដូនពេញ វាយឲ្យរងរបួសស្រាល នៅព្រឹកថ្ងៃអាទិត្យ ទី២៨ កញ្ញា នៅពេលដែលពួកគេព្យាយាមបិទផ្លូវព្រះមុនីវង្ស ខាងមុខសាលាក្រុងភ្នំពេញ ដើម្បីដាក់សម្ពាធឲ្យអាជ្ញាធរបើកច្រកលូបង្ហូរទឹកសម្អុយចេញពីតំបន់បឹងកក់។

សភានឹងបើកសម័យប្រជុំលើកទី៣នៅថ្ងៃទី១ តុលា

2014-09-28

អគ្គលេខាធិការដ្ឋាននៃរដ្ឋសភាជូនដំណឹងថា សម័យប្រជុំសភាលើកទី៣ នីតិកាលទី៥ នឹងប្រព្រឹត្តឡើងនៅថ្ងៃទី១ តុលា ដោយមានរបៀបវារៈចំនួន ៦។

សង្គមស៊ីវិលទាមទារឲ្យស្ថាប័នរដ្ឋបើកចំហព័ត៌មានសាធារណៈ

2014-09-28

ក្រុមអង្គការសង្គមស៊ីវិលចំនួន៣០ រួមមានវិទ្យាស្ថានតស៊ូមតិ និងគោលនយោបាយ (API) អង្គការតម្លាភាពកម្ពុជា (TI) មជ្ឈមណ្ឌលកម្ពុជាដើម្បីប្រព័ន្ធផ្សព្វផ្សាយឯករាជ្យ (CCIM) មណ្ឌលព័ត៌មានស្ត្រីកម្ពុជា (WMC) និងអង្គការក្រៅរដ្ឋាភិបាលចំនួន ២៦ទៀត នៅថ្ងៃទី២៨ ខែកញ្ញា ឆ្នាំនេះ បានចេញសេចក្ដីថ្លែងការណ៍មួយប្រារព្ធទិវាសកលលោកលើកទី១១ ស្តីពីសិទ្ធិដឹង ដោយសិទ្ធិនេះត្រូវបានកំណត់ជាមូលដ្ឋានគ្រឹះនៃសិទ្ធិមនុស្សដទៃៗទៀត។

ពលរដ្ឋអះអាងថាថៃបន្តរំកិលព្រំដែនយកដីខ្មែរនៅប៉ៃលិន

2014-09-28

ដីកសិកម្មជាច្រើនហិកតាររបស់កសិករខ្មែរក្នុងសង្កាត់បរយ៉ាខា ក្រុងប៉ៃលិន ត្រូវបានថៃ រំកិលព្រំដែនចូលយកបន្ថែមទៀត ក្នុងពេលថ្មីៗនេះ។ ម្ចាស់ដីអះអាងថា ពួកគាត់ពុំមានលទ្ធភាពទប់ស្កាត់ ក្រៅពីបង់បោះទាំងស្ដាយស្រណោះនោះឡើយ។ ចំណែកមន្ត្រីជាន់ខ្ពស់ខេត្តប៉ៃលិនវិញ អះអាងថា ការពិតដីនៅចំណុចដែលមានព័ត៌មានថា ថៃរំកិលនោះ គឺជាតំបន់ត្រូវហាមឃាត់ និងជាតំបន់សថែមទៀតផង។

ពលរដ្ឋអំពាវនាវឲ្យរដ្ឋាភិបាលការពារប្រាសាទព្រះខ័នកំពង់ស្វាយ

2014-09-27

ខេត្តព្រះវិហារ ដែលស្ថិតនៅចម្ងាយជិត ៣០០គីឡូម៉ែត្រ ភាគឧត្តរពីទីក្រុងភ្នំពេញ គឺជាទីតាំងរបស់អតីតព្រះមហាក្សត្រខ្មែរ ព្រះបាទជ័យវរ្ម័នទី៧ ធ្លាប់ប្រមូលទ័ពដើម្បីប្រយុទ្ធតតាំងជាមួយកងទ័ពចម្ប៉ា កាលពីអំឡុងសតវត្សទី១២ នៃគ្រីស្ដសករាជ។ បច្ចុប្បន្នទីនោះ នៅមានប្រាសាទបូរាណជាច្រើនកប់តាមព្រៃ ដោយមិនមានការថែរក្សា និងការពារឱ្យបានត្រឹមត្រូវនៅឡើយ។

សម្ភាសប្រធានសហគមន៍ខ្មែរកម្ពុជាក្រោមពីគម្រោងធ្វើបាតុកម្ម៥ថ្ងៃជាប់គ្នា

2014-09-27

សហគមន៍ខ្មែរក្រោម គ្រោងធ្វើបាតុកម្មសាជាថ្មីទៀត ដើម្បីទាមទារឲ្យវៀតណាម សុំអភ័យទោសចំពោះសម្ដីអ្នកនាំពាក្យស្ថានទូតវៀតណាម ដែលបាននិយាយថា ទឹកដីកម្ពុជាក្រោម ជាទឹកដីរបស់វៀតណាម តាំងពីយូរយារណាស់មកហើយនោះ។

គណៈកម្មការទី១រដ្ឋសភាចុះជួបពលរដ្ឋមានជម្លោះដីជាមួយក្រុមហ៊ុនខេឌីស៊ីនៅកំពង់ឆ្នាំង

2014-09-27

គណៈកម្មការទី១នៃរដ្ឋសភា ចុះប្រមូលព័ត៌មានបឋមលើវិវាទដីធ្លីរវាងក្រុមហ៊ុន ខេ.ឌី.ស៊ី (KDC) ជាមួយប្រជាពលរដ្ឋចំនួន ៤៣គ្រួសារ ដែលទើបតវ៉ាថ្មី នៅថ្ងៃទី២៧ ខែកញ្ញា។ សមាជិកគណៈកម្មការចំនួន ៤រូប ដឹកនាំដោយ លោកស្រី ឡោក ខេង បានអនុញ្ញាតឲ្យមានការជជែកដេញដោលគ្នារវាងអាជ្ញាធរ មន្ត្រីសិទ្ធិមនុស្ស និងតំណាងពលរដ្ឋទាំង ៤៣គ្រួសារ។