ខ្មែរ​បញ្ជូន​ពល​រដ្ឋ​ទៅ​ព្យាបាល​ជំងឺ​នៅ​ប្រទេស​ថៃ

មន្ទីរ​សុខាភិបាល​ខេត្ត​បន្ទាយ​មាន​ជ័យ បាន​បញ្ជូន​ប្រជា​ពល​រដ្ឋ​ក្រីក្រ​ចំនួន​ជាង ២០​នាក់ ឲ្យ​ទៅ​ព្យាបាល​ជំងឺ​ផ្សេងៗ នៅ​ឯ​មន្ទីរ​ពេទ្យ​ខេត្ត​ស្រះ​កែវ ប្រទេស​ថៃ។
ដោយ សួន សុផល មុន្នី
2011.08.22
Share on WhatsApp
Share on WhatsApp

ការ​បញ្ជូន​អ្នក​ជំងឺ​ខ្មែរ​នេះ គឺ​ធ្វើ​ឡើង​តាម​ការ​ស្នើ​របស់​ក្រុម​គ្រូ​ពេទ្យ​ថៃ ដែល​បាន​ប្រាប់​ភាគី​កម្ពុជា​នៅ​ក្នុង​កិច្ច​ប្រជុំ​មួយ​រវាង​អាជ្ញាធរ​ខេត្ត​បាត់ដំបង ខេត្ត​បន្ទាយ​មាន​ជ័យ ជា​មួយ​អាជ្ញាធរ​ខេត្ត​ស្រះ​កែវ​របស់​ថៃ កាល​ពី​ខែ​កក្កដា ឆ្នាំ​២០១១ កន្លង​ទៅ។

លោក កែវ សុភ័ក​ត្រា ប្រធាន​មន្ទីរ​សុខាភិបាល​ខេត្ត​បន្ទាយ​មាន​ជ័យ បាន​មាន​ប្រសាសន៍​នៅ​ថ្ងៃ​ទី​២២ ខែ​សីហា ឆ្នាំ​២០១១ នេះ​ថា ប្រជា​ពល​រដ្ឋ​ខ្មែរ​ទាំង​នោះ និង​ទទួល​បាន​ការ​ព្យាបាល​ដោយ​ឥត​គិត​ថ្លៃ​នៅ​មន្ទីរ​ពេទ្យ​ក្នុង​ខេត្ត​ស្រះ​កែវ ថៃ។ ការ​ព្យាបាល​នេះ​មាន​រយៈ​ពេល​កំណត់ ៥​ថ្ងៃ គឺ​ដោយ​ចាប់​ពី​ថ្ងៃ​ទី​២២ ដល់​ថ្ងៃ​ទី​២៦ ខែ​សីហា ឆ្នាំ​២០១១ នេះ។

មន្ទីរ​សុខាភិបាល​ខេត្ត​បន្ទាយ​មាន​ជ័យ​បាន​ឲ្យ​ដឹង​ទៀត​ថា ប្រភេទ​ជំងឺ​ដែល​ក្រុម​គ្រូ​ពេទ្យ​នៅ​ក្នុង​មន្ទីរ​ពេទ្យ​ខេត្ត​ស្រះ​កែវ ថៃ ទទួល​ព្យាបាល​ឲ្យ​ប្រជា​ពល​រដ្ឋ​ខ្មែរ​ដោយ​មិន​គិត​ថ្លៃ​នោះ មាន​ប្រភេទ​ជំងឺ​ឆែប​មាត់ ដំបៅ ស្លាក់​ស្នាម​ម្រាម​ដៃ ម្រាម​ជើង​ជាប់​គ្នា ម្រាម​ព្រែក និង​ពិការ​អវយវៈ​ជា​ដើម៕

បញ្ចេញ​មតិយោបល់៖

បញ្ចូលមតិរបស់អ្នកដោយបំពេញទម្រង់ខាងក្រោមជាអក្សរសុទ្ធ។ មតិនឹងត្រូវសម្រេចដោយអ្នកសម្របសម្រួល និងអាចពិនិត្យកែប្រែឲ្យស្របតាម លក្ខខណ្ឌនៃការប្រើប្រាស់ របស់វិទ្យុអាស៊ីសេរី។ មតិនឹងមិនអាចមើលឃើញភ្លាមៗទេ។ វិទ្យុអាស៊ីសេរី មិនទទួលខុសត្រូវចំពោះខ្លឹមសារនៃមតិដែលបានចុះផ្សាយឡើយ។ សូមគោរពមតិរបស់អ្នកដទៃ ហើយប្រកាន់ខ្ជាប់នូវការពិត។